1 Peter 1:23 - Sa Ugud Apudyus

²³ Te niyanaḵ ḵayu ḵasin ḵad sa baru we biyagyu daḵampun aḵ naḻpu si tagu we matoy yaḵon naḻpu ḵan Apudyus we adipun matoy. Nambalinona diḵayu'ḵ abengna mipagapu si matattagu ḵan annanayune Ugud Apudyus.

1 Peter 1:23 Referans Kwoze

1 Peter 1:3

Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,

Hebrews 4:12

Te sa Ugud Apudyus matattagu te maḵabooḻe awad da ambanaganda. Natadtadom nu sa ispadae nansupang ngaḻabnae lamogna sillauton da um-um ya da utoḵ te sa Ugud Apudyus lonḵona daḻome ḵamangay da tagu taḵon ay da ḵalidodwada ya da ispirituda ḵad lamogna bos usigon somsomoḵ da tagu ya imatunana da migagaḻae somsomoḵ.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 1:13

Sa nambalinanda'ḵ abeng Apudyus, daḵampun aḵ isuna miyanaḵ atte tagu ḵan pion da an-asawa yaḵon naḻpu si ḵabooḻan Apudyus.

John 6:63

Sa angitod atte biyag, sa Ispiritu Santu. Naippun lamog ni long-ag itton. Ḵad da inugudḵu ḵan diḵayu, naḻpuda'tte Ispiritu ḵad siya angitod si biyag aḵ inggana.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.

James 1:18

Mismu we piniona nambalinon ditaḵu'ḵ abengna gapu si ugude ḵatuttuwaan ta ditaḵu ḵapatogan atta losane ḵingwana.

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

1 John 3:9

Sa abeng Apudyus, adinapun pagapagatupane bumasuḻ te sa biyag Apudyus iinggaw ḵan siya. Gapu ta nambalinon Apudyus aḵ abengna, adipun maḵwae pagapagatupanae bumasuḻ.

1 Peter 1:25

yaḵon sa Ugud Apudyus, ippun ambalbaliwana'ḵ inggana.” Sa annae Ugud Apudyus, siya annae Ambaḻu we Damag we niwaḻagawag ḵan diḵayu.

John 1:3

Mipagapu ḵan siya ḵingwan Apudyus da losan. Naippun naḵwa nu adi gapu ḵan siya.

Romans 1:23

Te adidapun nandayaw si matattagu we Apudyus. Yaḵon siya dinaydayawda da ḵingwan di tagu we sinan-apudyus, sinantatagu, sinansissiwit, sinan-ayam ya da ḵais-isun da ḵumayam.

Luke 8:11

“Annaya pion ni pani ḵanan. Sa buḵoḻ, siya Ugud Apudyus.