Biblia Todo Logo
Bib sou entènèt

- Piblisite -




1 Peter 1:21 - Sa Ugud Apudyus

21 Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

Gade chapit la Kopi




1 Peter 1:21
34 Referans Kwoze  

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.


Inigammu taḵu we nituttuwa anna gapu ḵan Jesus. Te nipababaḵ sin-aḵitan nu da anghel ta mapadasana matoy para ḵan ditaḵu losan mipagapu si ḵinabaḻun Apudyus. Pun sinsadi gapu si nampaḵaḻamana ya natoyana, amo pinadayawam ya pinatgame isun ni patog ni ari.


Ḵanan Jesus we nangidangsoḻ, “Ngaimane amati ḵan saḵon, daḵampun aḵ abusaḵ aḵ patiyona yaḵon patiyona bos nangibuun ḵan saḵon.


Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.


Inniggada ḵabooḻandae an-imus nu ḵamaan ni maḵwaana ya ngai inonae mituttuwa, impaigammun ni Ispiritun Kristu ḵan dida mipanggob atte ampaḵaḻamana ya madayawana'tte ampangatana.


Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.


Gapu'tte sadi, inggan ni dingngoḻḵu pammatiyu ḵan Apu Jesus ya sa ayatyu'tta losane dogayu we tagun Apudyus,


Saḵon aḵ Paul we nadutuḵan aḵ apostol we sammilun Jesu Kristu, gapu'tte bilin Apudyus we anagu ḵan ditaḵu ya aḵ Jesu Kristu we namnamaon taḵu'ḵ angwa'tta losane uuwayon taḵu.


Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu.


te nigili'ḵ para bos ḵan ditaḵu. Ditaḵu we namati ḵan Apudyus we nanagu ḵan Apu taḵu we Jesus.


dongngonyu ta ipaigammuḵ ḵan diḵayu ya da losane ganaḵ Israel. Sa annae tataḵdog si sinagungyu, nanaddaḻan gapu'tte ḵabooḻan Jesu Kristu we iNazareth. Siya sadi ye impattoḻyu'tte kros yaḵon tinagun Apudyus ḵasin.


Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.


Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.


Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.


Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.


Ḵanan Jesus atta disipuluna, “Adi ḵayu ambimbinsaw, amati ḵayu ḵan Apudyus ya amati ḵayu bos ḵan saḵon.


Sa imbuun Apudyus, siya ugudona da Ugud Apudyus te innatod Apudyus Ispiritu Santu ḵan siyae ippun anungusna.


Pune sadi, ummadani'ḵ Jesus ḵan dida woḵ ḵanana, “Losane ḵaḻabbongan ad langit ya sina'd luta naatod ḵan saḵon.


Pun tenan taḵu da ummunae tuttudu si mipanggob ḵan Kristu ya pagatupan taḵu adaḻon da naadaḻome tuttudu ta maangsan taḵu si pammati. Adi taḵu iḵasiḵasin adaḻon puun ni pammati taḵu we isun ni ambabawiyan taḵu'tta basuḻ taḵu ya agay taḵu we angwa'tta ḵoḵoḵḵone ippun anuda ya sa amatiyan taḵu ḵan Apudyus.


Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.


“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.


Maḵwa ḵammane an-ossaan ḵasomsomḵan da Kristu ḵan Satan? Ḵad isuna bos da namati ḵan daḵampun aḵ namati.


Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.


Madaydayaw aḵ Apudyus we sa Apudyus ya Aman Jesu Kristu we Apu taḵu. Gapu si amode ḵadaguna, niyanaḵ taḵu ḵasin te innatodna ḵan ditaḵu baru we biyag mipagapu si ummuliyan Jesu Kristu. Pun awad de namnamaon taḵu we aaddi ye mituttuwa,


Swiv nou:

Piblisite


Piblisite