1 John 5:20 - Sa Ugud Apudyus

²⁰ Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.

1 John 5:20 Referans Kwoze

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

Luke 24:45

Pun sinilawana da somsomoḵda ta maawatanda nigili ye Ugud Apudyus.

John 14:9

Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

John 20:28

Summongbat aḵ Thomas ḵan siya woḵ ḵanana, “Apuḵ ḵan Apudyusḵu!”

Revelation 3:7

Ḵanana bos, “Annaya isuḻatnu'tte anghel we angayyuwan atta namati ye magimugimung ad Philadelphia, ‘Saḵon abus aḵ gattoḵe nasantuwan ḵan ḵatuttuwaan. Saḵon aangdon si tuḻbiḵ Ari David we piona ḵanan, sa ḵaḻabbongan atte ampangatan Apudyus. Ngaimane iyunudḵu we lumnoḵ atte ampangataḵ, naippun maḵatupod. Ḵad ngaimane adiḵpun iyunud, tuttuwae adipun maḵaḻnoḵ! Annaya ibagaḵ ḵan diḵayu.

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

Romans 9:5

Ḵad dida bos ganaḵ da ampapatoge tagun Apudyus si awe. Dida da iyIsrael we naḻpuwan Kristu. Siya angipangat atta losan ya siya Apudyus we madaydayaw aḵ inggainggana! Amen.

John 10:30

Saḵon ya aḵ Amaḵ, ossaan ḵani.”

1 John 4:2

Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

Hebrews 1:8

Yaḵon ḵanana si mipanggob si Abengna, “Siḵa Apudyus, ampangatḵa'ḵ inggana! Ḵad naun-unan inome ampangat.

Titus 2:13

Sana da ugali ye unudon taḵu oḵyan atte anguwayan taḵu'tte bindisyune namnamaon taḵu. Sa annae namnamaon taḵu, sa angipail-an si madayawan ni ḵangatuwane Apudyus ya Anagu ḵan ditaḵu we aḵ Jesu Kristu.

Acts 20:28

“Pun ummanyu ayyuwanan da long-agyu ya da losane tagu we ipaayyuwan ni Ispiritu Santu ḵan diḵayu te sanat biyangyu we angipangpangu. Ayyuwananyu we ustu da magimugimunge namati ḵan Apudyus te sinubutna dida si daḻan ni mismu we abengna.

John 17:14

Intuttuduḵ ḵan dida ugudnu woḵ sasangngaan da tagu we adipun amati ḵan saḵon da disipulu te isuda saḵone daḵampun aḵ nainlubungan ugalida.

Revelation 19:11

Pun innilaḵ ad langite nabuḵatan woḵ inninggaw itaḵe ḵabayu. Sa nangabayu ḵad, nangadanan aḵ Mataḻgodan ya Tuttuwa. Ḵad naun-unan anḵuḵuwisna ya naun-unan os inonae maḵagubat atta ḵabusuḻna.

Revelation 15:3

woḵ nanḵanḵantada'tte ḵantan Moses we nanserbi ḵan Apudyus si awe ya sa ḵantan os ni Ubbu we Karnero. Ḵanandae nanḵanta, “Apu we Apudyus we maḵabooḻ atta losan, nangatu ḵan nakaskasdaaw da ḵingwam. Siḵa ari'tta losane ili, naun-unan ḵan tuttuwa da losane ḵoom.

Revelation 6:10

Ḵanandae nangidangsoḻ, “Apudyus we maḵabooḻ atta losan, siḵa gattoḵe nasantuwan ḵan tuttuwa, ḵamaan ni anguwisam ḵan angibaḻosam atta tagu'd lutae namatoy ḵan namapoy-as atta daḻani?”

Revelation 3:14

Ḵanana bos, “Annaya isuḻatnu'tte anghel we angayyuwan atta namati ye magimugimung ad Laodicea, ‘Saḵon nangadanan aḵ Amen te saḵon mataḻgodan ya tuttuwae anaḵdoḻ. Ḵad Saḵon os laplapun da losane ḵingwan Apudyus. Annaya ibagaḵ ḵan diḵayu.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

Philippians 3:9

ya miyossaanaḵ ḵan siya. Pun sinsana, daḵampun aḵ ḵuwaḵ naun-unaḵe mibatay si nanuttuwaaḵ atte lintog yaḵon sa maun-unane itton Apudyus we mibatay si pammati ḵan Kristu.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

John 15:4

Iinggaw ḵayu ḵan saḵon ya iinggawaḵ os ḵan diḵayu. Sa pangae nisina si puunna, adipun amunga nu adi misusugtup si puunna. Isuna bos nu misina ḵayu ḵan saḵon, adiḵayupun os amunga.

John 14:23

Ḵanan Jesus we summongbat, “Sa angayat ḵan saḵon tuttuwaona ugudḵu ya ayaton Amaḵ. Ḵad saḵon ya aḵ Amaḵ umali ḵani ya iinggaw ḵani ḵan siya.

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 1:18

Naippun tagu'ḵ nangila ḵan Apudyus yaḵon aḵ Jesu Kristu we os-ossaane Abengna we mibuḻubuḻun ḵan Amana, siyae mismu nangipaigammu ḵan siya.

Luke 21:15

Te saḵone mismu angitod ḵan diḵayu si laingyu we an-ugud ta ippun inon da losane ḵabusuḻyu we angngog ḵan diḵayu ya sumullagi'tta isongbatyu.

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

1 John 2:24

Isisimoḵyu da tuttuwae tuttudu we dingngoḻyu inggan ni namatiyanyu. Nu ḵatti ḵoonyu, iinggaw ḵayu ḵan Apudyus we Ama ya sa Abengna.

Ephesians 3:18

ta diḵayu ya da losane tagun Apudyus, maḵwae maawatanyu ḵaaḻwa ḵan ḵaandu ya ḵangatu ḵan ḵaadaḻom ni ayat Kristu ḵan ditaḵu we namati.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

1 John 2:23

Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 5:5

Te sa paḵḵog atta tagu we adipun amati ye sumullagi ḵan Apudyus, siya amati ye aḵ Jesus Abeng Apudyus.

1 John 5:15

Ḵad nu igammu taḵu we dongngona da ngaimane ḵodawon taḵu, igammu taḵu we maaḻa taḵu da ḵindaw taḵu ḵan siya.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.