1 John 4:9 - Sa Ugud Apudyus

⁹ Ḵad sa inon Apudyus we nangipaila si ayatna ḵan ditaḵu, imbuunna ossaane Abengna atte annae lubung ta maḵwae awaton taḵu biyag aḵ inggana gapu ḵan siya.

1 John 4:9 Referans Kwoze

John 3:16

Gapu ta amod de ayat Apudyus atta tagu si lubung, innatodna os-ossaane abengna'ḵ datun ta ngaimane amati ḵan siya, adipun madusa'ḵ inggana yaḵon awad ḵan siya biyag aḵ inggana.

1 John 5:11

Annaya pinanoḵnoḵana: Innatod Apudyus ḵan ditaḵu biyag aḵ inggana ḵad sa Abengna maḻpuwan ni sanae biyag.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?

John 6:57

Aḵ Amaḵ we naḻpuwan ni biyag, imbuunaḵ woḵ nataguwaḵ gapu ḵan siya. Pun sadi isun ni angan atte long-agḵu, matagu bos gapu ḵan saḵon.

1 John 4:10

Ḵad sana gattoḵe ayat: Daḵampun atte ayat taḵu ḵan Apudyus yaḵon sa ayatnae impailana ḵan ditaḵu si nangibuunana si Abengna ta siya angidatun atte long-agna ta maḵaan sangan Apudyus ya mapakawan da basuḻ taḵu.

1 John 3:16

Pun ditaḵu ḵad os, sa nangittan Jesu Kristu si biyagna'ḵ natoy para ḵan ditaḵu, naḵasagana taḵu oḵyane angitod atta biyag taḵu para'tta susunud taḵu ḵan Kristu.

John 10:10

“Umali aḵḵawan ta umoy an-aḵaw, pumatoy ḵan dumadail. Yaḵon ḵan saḵon, ummaliyaḵ ta ittaḵ da tagu si biyag aḵ inggana, sa biyage ippun angkurangana.”

John 6:51

Saḵon maḵane angitod si biyag aḵ ingganae naḻpu'd langit. Ḵad ngaimane angan atte annae maḵan, matagu'ḵ inggana. Sa sanae maḵan, sa long-agḵu we ittoḵ ta matagu da tagu si lubung.”

John 3:18

Pun da amati ḵan siya, adidapun maḵoddongan. Yaḵon da adipun amati, naḵoddonganda. Te adidapun amati'tte os-ossaane Abeng Apudyus.

Hebrews 1:5

Te naippun paat nangibag-an Apudyus atta ngaimane anghelna'tte isun ni imbagana'tte Abengna we ḵanana, “Siḵa we Abengḵu, inggana sinsadi saḵon Amam.” Naippun os anghel aḵ nangibag-an Apudyus we ḵanana, “Saḵon Amam ya siḵa Abengḵu.”

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

Luke 4:18

“Sa Ispiritu Santu anna ḵan saḵon, te dinutuḵanaḵ aḵ angiwaḻagawag atte Ambaḻu we Damag atta ḵapus ya atta baḻud Satan ta mapuḵayanda, ya diyatoḵ atan da naḵuḻap. Imbuunaḵ os ta puḵayaḵ da ampaḵapaḵaḻam

Mark 12:6

Anungusna ḵad, imbuunna abengnae ay-ayatona te abus aḵ nabun-an, ḵanana'tte somsomoḵna, ‘Patganda pos pay nin abengḵu.’

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 6:29

Ḵanan Jesus, “Annaya pinion Apudyus we ḵoonyu, amati ḵayu oḵyan ḵan saḵone imbuunna.”

John 8:29

Sa nangibuun ḵan saḵon, anna ḵan saḵon. Adinapun saḵon iwwaḻang te pasige ḵooḵ da mas-omana.”

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

John 9:3

Ḵanan Jesus, “Daḵampun aḵ basuḻna baḵon nu da sin-abeng. Yaḵon naḵwa anna ḵan siya ta mipaila ḵabooḻan Apudyus we angaan atte ḵuḻapna.

1 John 5:13

Inggiliḵ da annae banag ḵan diḵayu we namati si Abeng Apudyus ta angigammuwanyu we awad ḵan diḵayu biyag aḵ inggana.