1 John 4:8 - Sa Ugud Apudyus

⁸ Yaḵon sa ippun ayatna'tta buḻunna, adinapun os igammu'ḵ Apudyus te aḵ Apudyus pasig naayat.

1 John 4:8 Referans Kwoze

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

1 John 4:7

Ay-ayatoḵe buḻbuḻun, an-asiayat taḵu te sa ayat naḻpu ḵan Apudyus. Pun sa angayat atta bubuḻunna, siya abeng Apudyus ya igammuna'ḵ Apudyus.

2 Corinthians 13:11

Susunudḵu ḵan Kristu, annaya anungus ni ibagaḵ ḵan diḵayu. Allaylayad ḵayu oḵyan! Papigsaonyu pammatiyu ta ippun kurangna. Ḵad ipapatiyu unudon da intuttuduḵ ḵan diḵayu ya an-asiunud ḵayu ya adi ḵayu ansusubog. Allin-awa oḵyan ambubuḻunanyu'tta udume tagu. Ḵad aḵ Apudyus we maḻpuwan ni ayat ḵan lin-awa awad ḵan diḵayu.

Ephesians 2:4

Yaḵon ummamdan ḵadagu ḵan ayat Apudyus ḵan ditaḵu.

1 John 1:5

Annaya ugude dingngoḻni ye naḻpu'tte Abeng Apudyus we iwaḻagawagni ḵan diḵayu: Aḵ Apudyus isun di silaw ḵad naippun paat giḵbot ḵan siya.

1 John 3:6

Ḵad ngaimane iinggaw ḵan Kristu, adinapun pagapagatupane bumasuḻ te ngaimane pagapagatupanae bumasuḻ, adinapun paat inigammu'ḵ Kristu.

1 John 2:9

Nu awad osa'ḵ ḵananae iinggaw atte padda ya sasangngaana da sunudna ḵan Kristu, sissiyae iinggaw atte giḵbot.

1 John 2:4

Ngaimane ḵananae igammuna'ḵ Apudyus yaḵon adinapun tuttuwaon da bilinna, sanat tuliyan ya naippun ḵan siya ḵatuttuwaan.

Hebrews 12:29

Te aḵ Apudyus we daydayawon taḵu, nu dusaona da tagu isun ni apuye dagadagona losan.

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.