1 John 4:4 - Sa Ugud Apudyus

⁴ Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

1 John 4:4 Referans Kwoze

Romans 8:31

Ḵad gapu ta ḵatti, ngai ḵanan taḵu nu? Nu aḵ Apudyus anna ḵan ditaḵu, ngai ḵallabbong sumullagi ḵan ditaḵu?

1 John 5:4

te ngaimane abeng Apudyus, oḻgona da tagu we adipun amati we sumullagi ḵan Apudyus. Ḵad sa pammati taḵu ḵan Jesu Kristu, siya iyang-angngog taḵu'tta tagu we adipun amati.

Romans 8:37

Yaḵon taḵon ay nu maḵwa losan da sadi ḵan ditaḵu, aangngog taḵu mipagapu ḵan Jesu Kristu we nangay-ayat ḵan ditaḵu.

1 John 4:16

Pun igammu taḵu ya patiyon taḵu we ayaton ditaḵu ḵan Apudyus. Aḵ Apudyus pasig naayat. Pun sa tagu we pagatupanae angayat ḵan Apudyus ya da buḻunna, iinggaw ḵan Apudyus ya iinggaw os aḵ Apudyus ḵan siya.

1 Corinthians 2:12

Sinsadi ditaḵu we namati, daḵampun aḵ sa ispiritun da tagu we adipun namati inawat taḵu yaḵon sa Ispiritu we naḻpu ḵan Apudyus ta maawatan taḵu mipanggob atta losane innatod Apudyus ḵan ditaḵu gapu si ḵinabaḻuna.

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

1 John 4:13

Igammu taḵu we tuttuwae iinggaw taḵu ḵan Apudyus ya iinggaw os aḵ Apudyus ḵan ditaḵu te innatodna Ispirituna ḵan ditaḵu.

Ephesians 6:10

Annaya anungus ni ibagaḵ ḵan diḵayu. Pumigsa oḵyan da pammatiyu mipagapu si niyossaananyu ḵan Apu ya sa ummamdane ḵabooḻana.

Ephesians 3:17

ya iinggaw oḵyan aḵ Kristu atta pusuyu mipagapu si pammatiyu ḵan siya. Ḵodaḵodawoḵ os ta amo lumamut antataguyu we nisaad atte ayat Apudyus,

Revelation 12:11

Yaḵon illog da susunud taḵu we namati gapu'tte daḻan ni Ubbu we Karnero we pummoy-as atte natoyana ya gapu si nangitaḵdoḻanda'tte ḵatuttuwaan te adidapun patpatgon da biyagda taḵon ay nu siya gapun ni natoyanda.

1 John 3:24

Da losane anuttuwa'tta bilin Apudyus, iinggawda ḵan Apudyus ya iinggaw os aḵ Apudyus ḵan dida. Ḵad sa angigammuwan taḵu we iinggaw aḵ Apudyus ḵan ditaḵu, sa Ispiritu Santu we innatodna ḵan ditaḵu.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

1 John 4:6

Yaḵon ditaḵu da abeng Apudyus. Pun da buḻun taḵu we angigammu ḵan Apudyus, piondae andongoḻ atta ituttudu taḵu. Yaḵon da daḵampun aḵ abeng Apudyus, adidapun pione andongoḻ. Sanat angimatunan taḵu'tta mituttudu nu naḻpu si Ispiritu Santu we puun ni ḵatuttuwaan baḵon nu aḵ Satan we puun ni tuli.

2 Corinthians 6:16

Ḵad maḵwa ḵamman antitimpuyug da templon Apudyus atta sinan-apudyus? Ditaḵu templo we boḻoy Apudyus we iinggawan ni matattagu we Apudyus. Te ḵanan Apudyus, “Iyyaḵ inggaw atta tagu ya iinggawaḵ ḵan dida ya saḵon Apudyusda ya dida da taguḵ.”

1 John 2:13

Aamma, annaya bos inggiliḵ para ḵan diḵayu te igammuyu'ḵ Apudyus we inninggaw inggan ni laplapu. Ḵad diḵayu bose babaḻu, annaya inggiliḵ para ḵan diḵayu te illogyu'ḵ Satan.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.