1 John 3:4 - Sa Ugud Apudyus

⁴ Ḵad ngaimane bumasuḻ, lisalisona Lintog Apudyus te sa basuḻ lisalisona lintog.

1 John 3:4 Referans Kwoze

1 John 5:17

Tuttuwae losane naḵwa basuḻ yaḵon awad da basuḻe adipun ambanag si ḵatoy.

Romans 3:20

Te naippun tagu'ḵ naun-unan atte antotollong Apudyus gapu'tte anuttuwaana'tte lintog te sa usar ni lintog ipaigammunae naḵabasuḻ losan da tagu.

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

Romans 4:15

Te sa lintog ambanag si sumang-an Apudyus ḵan ditaḵu te aditaḵupun lamog tuttuwaon. Yaḵon nu naippun lintog naippun malisalis.

James 5:15

Ḵad nu alluwaḻudae mipagapu si pammatida ḵan Apu Jesus, ḵumosdoḻ te ḵaanon Apu saḵitna. Ḵad nu naḵabasuḻ, mapakawan.

Matthew 5:19

Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus.

Acts 23:3

Pun ḵanan Paul ḵan siya, “Siḵae sinan ḵuwis, asin Apudyus siḵa tippapon! Mipaniḵa si didinge mapintuḻan si itaḵ. Tumutuḵduḵa si sanate anumaḻya ḵan saḵone nibatay si lintog taḵu yaḵon nilisalisnu sanate lintog te impatippapnu saḵon.”