1 John 2:23 - Sa Ugud Apudyus

²³ Te ngaimane adi amigbig atte Abeng Apudyus, adinapun os bigbigon aḵ Apudyus we Ama. Yaḵon sa amigbig atte Abeng Apudyus, bigbigona bos aḵ Apudyus we Ama.

1 John 2:23 Referans Kwoze

1 John 4:15

Ḵad ngaimane amigbig we aḵ Jesus Abeng Apudyus, iinggaw ḵan Apudyus ya iinggaw os aḵ Apudyus ḵan siya.

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

John 10:30

Saḵon ya aḵ Amaḵ, ossaan ḵani.”

John 5:23

ta dayawon da losan saḵone isun ni andadayawda ḵan Amaḵ. Da adipun andayaw ḵan saḵon, adidapun os dayawon aḵ Amaḵ we nangibuun ḵan saḵon.

1 John 5:1

Da amati ye aḵ Jesus siya Kristu we imbuun Apudyus, dida da abeng Apudyus. Ḵad da angayat atte ama, ayatonda bos abengna.

Luke 10:22

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan ḵinalaing. Iniiggammuna saḵone Abengna ya naippun udum aḵ nangigammu ḵan saḵon. Ḵaḵna bos aḵ Amaḵ. Naippun angigammu ḵan siya, abusaḵ ya da ngaimane tagu we pioḵe angipaigammuwan.”

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

1 John 2:22

Ngai ḵad ain tuliyan nu adi sa angibagae aḵ Jesus daḵampun aḵ siya Kristu we imbuun Apudyus? Sa tagu we angibaga'tte ḵaḵna, sullagiyona'ḵ Kristu. Adinapun bigbigon Abeng Apudyus ya aḵ Apudyus we Ama.

John 16:3

Ḵoonda ḵaḵna ḵan diḵayu te adidapun inigammu'ḵ Amaḵ baḵon nu saḵon.”

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

1 John 4:2

Annaya angimatunanyu nu awad de Ispiritu Santu ḵan dida. Da losane tagu we bigbigondae aḵ Jesu Kristu nambalin tagu, aḵ Apudyus naḻpuwan da ibagabagada.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.