1 John 2:17 - Sa Ugud Apudyus

¹⁷ Ḵad da tagu we adipun amati ya da losane amaamayonda ampatinggada yaḵon da angwa'tta pinion Apudyus, anna ḵan dida biyag aḵ inggana.

1 John 2:17 Referans Kwoze

Matthew 24:35

Amungtu losan da awad ad langit ya sina'd luta yaḵon adipun amungtu ugudḵu.”

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

1 Corinthians 7:31

Ḵad da angusar atta nainlubungane banag, daḵampun oḵyan aḵ sanat da isisimoḵda. Te sa ḵasasaad si annae lubung madam-an amungtu.

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Mark 3:35

Te ngaimane angwa'tta pinion Apudyus, dida da inaḵ ya susunudḵu.”

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

1 Thessalonians 4:3

Te sana pinion Apudyus, mitotoḵḵon ḵayu'ḵ taguna ta bumaḻu ugaliyu. Pun adi ḵayu angwa'tta ḵababbain ya da lawwenge ḵoḵoḵḵon.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Matthew 7:21

Pinagatupan Jesus woḵ ḵanana, “Daḵampun aḵ losane angibaga ḵan saḵone ḵanana, ‘Apu, Apu,’ maḵaḻnoḵ si ampangatan Apudyus. Yaḵon da maḵaḻnoḵ, abus da angwa'tta pinion Amaḵ ad langit.

James 4:14

Adiyupun igammu nu ngai inon ni antataguyu appigat! Te sa annae biyag taḵu, mipani'tte nopnope annaḵunaḵ aḵ sin-aḵitan ya naumas.

John 6:58

Saḵon maḵane naḻpu'd langit, daḵampun aḵ isuna ḵinan da danaḵḵoḻyu we manna woḵ natoyda pos pagay. Ngaimane angan atte annae maḵan, matagu'ḵ inggana.”

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.