1 Corinthians 9:4 - Sa Ugud Apudyus

⁴ Ippun ḵamman ḵaḻabbonganni ye mapaḵanan ḵan mapainuman gapu'tte annae ḵewaaḻni?

1 Corinthians 9:4 Referans Kwoze

1 Thessalonians 2:6

Ḵad daḵampun aḵ singtonni dayawe maḻpu'tta tagu, diḵayu baḵon nu da udum taḵon ay nu ḵaḻabbonganni oḵyane ḵodawonni dayaw baḵon nu da masapuḻni ḵan diḵayu te diḵani da apostol Kristu.

Luke 10:7

Nu awad ammangili ḵan diḵayu, inggaw ḵayu si boḻoyda inggana'ḵ tenanyu sadi ye ili. Adi ḵayu an-attuattun. Ḵanonyu ḵan inumonyu da ilusnuda te labbongnae matangdanan da anḵewaaḻ.

1 Thessalonians 2:9

Susunudḵu ḵan Kristu, aaddi ye adiyupun naliwatan inonni ye pummangog ta adi ḵani ambalin aḵ problema ḵan diḵayu. Aḻgaw ḵan labi ye antuttudu ḵani ya anḵewaaḻ ḵani si inninggawanni sinate nangiwaḻagawag atte Ambaḻu we Damag we naḻpu ḵan Apudyus.

Galatians 6:6

Sa matuttuduwan atte Ugud Apudyus, ḵasapuḻan oḵyane ibillayana antuttudu ḵan siya'tta losane ambaḻu we awad ḵan siya.

Matthew 10:10

baḵaḻ, suḻḵud, sandal ḵan ansuḵatanyu'ḵ silup te labbongnae awaton da anḵewaaḻ ḵanonda.

Acts 20:33

Saḵon ḵad, ippun nanḵodawaḵ aḵ pilaḵ, buḻawan baḵon nu silup atta ngaiman ḵan diḵayu.

1 Corinthians 9:3

Annaya songbatḵu'tta nanumaḻya ḵan saḵon.