1 Corinthians 5:8 - Sa Ugud Apudyus

⁸ Pun sa maḵagayagayaan taḵu, adi taḵu ḵanon tinapaye naḵamsan atte yeast. Sa pioḵ ḵanan ḵan ditaḵu we namati, adi taḵu unudon ugali yaḵon sa ambaḻu ḵan ḵatuttuwaane naippun lawweng aḵ niḵamos.

1 Corinthians 5:8 Referans Kwoze

Luke 12:1

Sa naḵwaan da sadi, ḵalibulibu da tagu we nadagup ḵan Jesus woḵ magusgusdan da suḵin da udum. Pun ummunae tinuttuduwan Jesus da disipuluna woḵ ḵanana, “Ummanyu ta adi ḵayu maalisan atte yeast da Pharisee te ḵapappailada!

Mark 8:15

Pun ḵanan Jesus we namilin ḵan dida, “Ummanyu ta adi ḵayu maalisan atte yeast da Pharisee ya aḵ Herod.”

Matthew 16:6

Ḵanan Jesus ḵan dida, “Ummanyu ta adi ḵayu maalisan atte yeast da Pharisee ya da Sadducee.”

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

Ephesians 6:24

Awad oḵyan ḵan diḵayu ḵinabaḻu we maḻpu ḵan Apudyus ya da losane angipapati'tte ayatna ḵan Jesu Kristu we Apu taḵu.

1 Corinthians 5:6

Daḵampun aḵ ambaḻu ansoḵaḻ ḵayu. Adiyupun ḵamman igammu we sa poose yeast pabotaḻona losan niḵamsanae arina?

John 1:47

Innilan ḵad ay Jesus aḵ Nathanael we umadani, imbagana mipanggob ḵan siya woḵ ḵanana, “Annaya tuttuwae ganaḵ Israel we adipun nasiḵap.”

Matthew 16:12

Pun naawatandae daḵampun aḵ mipanggob si de yeast we miḵamos si tinapay. Sa imbagana, sa tuttudun da Pharisee ya da Sadducee.

2 Corinthians 8:8

Sa annae ibagaḵ daḵampun aḵ bilinḵu. Yaḵon pioḵ ipaigammu ḵan diḵayu laylayad da udume bumadang ta dida unudonyu ta angigammuwaḵe sipupusu ayatyu.

2 Corinthians 1:12

Annaya isḵaḻni, panoḵnoḵan ni somsomoḵni ye ippun nantultulliyanni'tta asintataguni si annae lubung amod ay diḵayu. Te indaḻan Apudyus diḵani ta maḻpu'tte pusu ḵan naapudyusan da losane ḵoonni ya da losane ibagani. Pun daḵampun aḵ ḵingwani da sanae mipagapu si laing di tagu yaḵon mipagapu si ḵabooḻan Apudyus gapu'tte amode ḵinabaḻuna'tta tagu.

1 Corinthians 5:1

Awad de dingngoḻḵu we awad ḵanu osa ḵan diḵayu we nangwa'tte ḵababbaine taḵon ay da pagano adidapun patut ḵoon ḵaḵnat. Te dinagdagasana pigwae asawan amana.

1 Corinthians 3:3

te somsomoḵ da tagu si annae lubung da somsomoḵyu. Nu sissiyae awad de apos ya susubog ḵan diḵayu, daḵampun ḵamman aḵ siya angipailae unudonyu da pipion da long-agyu ya da ugalin da tagu si annae lubung?

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.