1 Corinthians 5:1 - Sa Ugud Apudyus

¹ Awad de dingngoḻḵu we awad ḵanu osa ḵan diḵayu we nangwa'tte ḵababbaine taḵon ay da pagano adidapun patut ḵoon ḵaḵnat. Te dinagdagasana pigwae asawan amana.

1 Corinthians 5:1 Referans Kwoze

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”

Revelation 2:21

Innatodḵu ḵan siya wayanae ambabawi'tta basuḻna ya agaynae angwa yaḵon adinapun agaye miyadaḻug atte daḵampun aḵ asawana.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.

Ephesians 5:3

Pun adiyu oḵyan ḵoon da ḵababbain ya adiyu bos ḵoon da udume kalasin di ḵaissawe banag. Adiyu bos ḵamommodon da daḵampun aḵ ḵuwayu. Ḵad naippun oḵyan os maugudanyu we tagun Apudyus atta ḵassanae banag.

Galatians 5:19

Allasu we mimatunan ḵoon da tagu we maḻpu si pipion da long-agda. Isun da sana: adaḻugonda da daḵampun aḵ asawada ya ḵoonda da ḵaissaw ya da ḵababbain.

1 Thessalonians 4:7

Te adimpun Apudyus ditaḵu pinili ta angwa taḵu'tta ḵaissaw ya ḵababbain yaḵon mitotoḵḵon taḵu'ḵ taguna ta bumaḻu ugali taḵu.

2 Corinthians 12:21

Umogyataḵ aḵ umaliyaḵ ḵad ḵasin, pabainanaḵ os ḵan Apudyus atte sinagungyu gapu'tta ḵoḵoḵḵonyu. Umogyataḵ nu lawweng somsomoḵḵu gapu'tta naḵabasuḻ si awe ye adidapun imbabawi da basuḻda ya adidapun iyyagaye nangwa'tta ḵaissawe ḵoḵoḵḵonda, isun ni maḵadagdagas ya da udume ḵaissawe ḵoḵoḵḵon.

1 Corinthians 6:18

Pun adiyu adaḻugon da daḵampun aḵ asawayu. Ḵad adayuwanyu da ḵassadi ye basuḻ te amo sillumaweng nu sa udume kalasin da basuḻ. Da udume basuḻ daḵampun aḵ dumadail si long-ag yaḵon sa angadaḻug atte daḵampun aḵ asawana, dadailona bos long-agna ya isuna bose maḵabasuḻe mismu atte long-agna.

1 Corinthians 6:13

Ḵanan os da udum, “Da maḵan, naḵwada ta anserbi si buwang, ḵad sa buwang naḵwa ta anserbi si maḵan.” Yaḵon dadailon Apudyus didae duwa si umali ye aḻgaw. Yaḵon sa long-ag taḵu daḵampun aḵ naḵwa ta adaḻugon taḵu daḵampun aḵ asawa taḵu. Te sa long-ag taḵu naḵwa'ḵ anserbi ḵan Apu ḵad siya angayyuwan atta long-ag taḵu.

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 5:11

Sa pioḵ ḵanan ḵan diḵayu, adi ḵayu maḵabuḻbuḻun atta ibelangda da long-agdae sunud taḵu ḵan Kristu yaḵon dida da angadaḻug atta daḵampun aḵ asawada, ḵamommodda, andaydayawda'tta sinan-apudyus, an-ugudda'ḵ lawweng atta udume tagu, da bartekero ya da tulisan. Ḵad taḵon ay ḵaḵan, adi ḵayu miyubung ḵan dida.

Acts 15:29

Adiyu ḵanon midatun atta sinan-apudyus, ḵasapuḻane adiyu ḵanon daḻa ya da ayame adipun nidaḻaan ḵan adi ḵayu maḵadagdagas. Ḵad nu tuttuwaonyu da sana, ambaḻu ambanaganyu. Sana da abuse ibagani ḵan diḵayu.”

Acts 15:20

Yaḵon anuḻat taḵu ḵan dida ta adida ḵanon da maḵane midatun atta sinan-apudyus te paniyaw, adida maḵadagdagas ya ḵasapuḻane adida ḵanon daḻa ya da ayame adipun nidaḻaan.

2 Corinthians 7:12

Pun taḵon ay nu nanuḻataḵ ḵan diḵayu, daḵampun aḵ gapu'tte nangwa'ḵ basuḻ baḵon nu gapu'tte tagu we naḵabasuḻana. Yaḵon nanuḻataḵ ta ipaḵaawatḵu ḵan diḵayu si sinagung Apudyus nu tuttuwae ipatogyu diḵani ḵan pionyu we unudon diḵani.

1 Corinthians 1:11

Sadi imbilinḵu ḵan diḵayu we susunudḵu ḵan Kristu te dingngoḻḵu'tta tagun Chloe ye dam-on ḵayu ansusubog.

2 Corinthians 2:5

Nu awad nangwa'ḵ lummawengan ni somsomoḵ, daḵampun ḵan saḵone abus pinaḻawengna yaḵon da udum os ḵan diḵayu, ibagaḵe da udum ḵan diḵayu te adiḵpun pione padagsonon basuḻna