1 Corinthians 12:3 - Sa Ugud Apudyus

³ Pun pioḵe maawatanyu we sa tagu we idaḻan ni Ispiritu Santu adipun an-aḻawag mipanggob ḵan Jesus. Ḵad naippun os tagu'ḵ ḵananae angibaga, “Aḵ Jesus siya Apu,” nu adin ni Ispiritu Santu idaḻan.

1 Corinthians 12:3 Referans Kwoze

2 Corinthians 3:5

Daḵampun aḵ ḵananni ye naḻpu ḵan diḵani ḵabooḻanni ye angwa'tta annae ḵoonni yaḵon naḻpuda losan ḵan Apudyus,

Romans 10:9

Te nu ibabaggayu we aḵ Jesus an-Apuyu ya patiyonyu'tta pusuyu we siya tinagun Apudyus, matagu ḵayu.

John 13:13

Ngannonyu saḵon Mistulu ya Apu ḵad tuttuwa sanate imbagayu.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

John 15:26

Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

Matthew 22:43

Ḵanan os Jesus ḵan dida, “Yaḵon ngaipan Ari David ngannon aḵ Kristu Apuḵ? Te sa imbagana, impaspasmoḵ ni Ispiritu Santu ḵan siyae ḵanana,

Mark 9:39

Ḵanan Jesus, “Adiyu igimau te sa angwa'tta nakaskasdaaw gapu si angusarana'tte ngadanḵu, adipun maḵwae an-ugud aḵ lawweng atte mipanggob ḵan saḵon.

1 Corinthians 16:22

Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

Revelation 1:10

Yaḵon sa aḻgawe andaydayawan ḵan Apu, isun di impain-inop ni Ispiritu Santu ḵan saḵon woḵ dingngoḻḵu andangsoḻe ginga si odogaḵe isunan bungug di tangguyub.

Galatians 3:13

Yaḵon sinubut Kristu ditaḵu si madusaan taḵu te aditaḵupun lamog tuttuwaon da losane lintog si natoyana'tte kros para ḵan ditaḵu. Te sa nigili ye Ugud Apudyus ḵanana, “Ngaimane madusa ta matoy gapu si mitayunana'tte ḵayu, nadusa ḵan Apudyus.”

John 13:14

Pun nu saḵone Apuyu ḵan Mistuluyu namaḻbaḻ atta suḵiyu, ḵasapuḻane an-asibaḻbaḻ ḵayu.

Acts 8:37

Ḵanan Philip, “Maḵwae bonyagaḵ siḵa nu tuttuwae amatiḵa ḵan Jesus.” Ḵanana, “On, amatiyaḵe Abeng Apudyus aḵ Jesu Kristu.”