1 Corinthians 10:7 - Sa Ugud Apudyus

⁷ Ḵad adi taḵu andayaw atta sinan-apudyus we isun ni ḵingwan da udum ḵan dida. Te sa ḵanan ni nigili, “Tummutuḵdudae nanganangan ya umminuinum, maabus ḵad summisiḵaddae nanggangganase isun da tagu we ippun pammatida ḵan Apudyus”

1 Corinthians 10:7 Referans Kwoze

1 Corinthians 6:9

Adiyupun ḵamman igammu we da angwa'ḵ lawweng adidapun gangganason da laḵsunda si midog-anda si ampangatan Apudyus? Adiyu allelawon da long-agyu te da angadaḻug atta daḵampun aḵ asawada, da andayaw atta sinan-apudyus, da laḻaḵi ye angadaḻug atta asillaḻaḵida ya da bubai ye angadaḻug atta asimbubaida, da maḵadagdagas ya da laḻaḵi ye mabayadan,

1 Corinthians 10:14

Pun ay-ayatoḵe susunud, adi ḵayu ogon andaydayaw atta sinan-apudyus.

1 Corinthians 5:11

Sa pioḵ ḵanan ḵan diḵayu, adi ḵayu maḵabuḻbuḻun atta ibelangda da long-agdae sunud taḵu ḵan Kristu yaḵon dida da angadaḻug atta daḵampun aḵ asawada, ḵamommodda, andaydayawda'tta sinan-apudyus, an-ugudda'ḵ lawweng atta udume tagu, da bartekero ya da tulisan. Ḵad taḵon ay ḵaḵan, adi ḵayu miyubung ḵan dida.

1 John 5:21

Ay-ayatoḵe aabengḵu, adayuwanyu da sinan-apudyus.

1 Corinthians 8:7

Yaḵon daḵampun aḵ losan da tagu igammu annae ḵatuttuwaan. Te niyugali ḵan didae andaydayawda'tta sinan-apudyus ḵad nu ḵanonda ḵatti ye maḵane midatun atta sinan-apudyus, simsimmoḵdae midogada andayaw atta sinan-apudyus. Gapu ta anḵuya somsomoḵda, lawweng giḵnada te simsimmoḵdae lawweng ḵingwada.

Acts 15:20

Yaḵon anuḻat taḵu ḵan dida ta adida ḵanon da maḵane midatun atta sinan-apudyus te paniyaw, adida maḵadagdagas ya ḵasapuḻane adida ḵanon daḻa ya da ayame adipun nidaḻaan.