1 Corinthians 1:13 - Sa Ugud Apudyus

¹³ Nagoggogwa ḵamman aḵ Kristu? Aḵ Paul ḵamman natoy atte kros para ḵan diḵayu? Baḵon nu nabonyagan ḵayu ḵamman atte ngadan Paul?

1 Corinthians 1:13 Referans Kwoze

Ephesians 4:5

Os-ossaan Apu taḵu, os-ossaan pammati taḵu ya os-ossaan nabonyagan taḵu.

2 Corinthians 11:4

Te nu awad umali sinat aḵ angiwaḻagawag ḵan diḵayu'tte sabali nu sa iwwaḻagawagni ye mipanggob ḵan Jesus, allasu we umapyu ḵayu. Ḵad isuna bose allasu we tumimpuyug ḵayu'tta sabali ye ispiritu ya allasu we unudonyu da sabali ye tuttudu we adipun miyisu'tte Ispiritu Santu ya sa Ambaḻu we Damag we dingngoḻyu ḵan diḵani.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

1 Corinthians 10:2

Ḵad da danaḵḵoḻ taḵu, isun di nabonyagandae niyossaan ḵan Moses te binigbigdae siya pangatda si naalidunganda'tte libuu ya sa nanaddaḻananda si baybay.

Acts 19:5

Dingngoḻda ḵad ay sadi, nampabonyagda'tte ngadan Apu Jesus.

Acts 10:48

Pun imbilin Peter we mabonyaganda si ngadan Jesu Kristu. Pun tinawidanda'ḵ Peter ta inggaw ḵan dida'ḵ adu we aḻgaw.

Galatians 1:7

Sa ḵatuttuwaan, ippun udum aḵ Ambaḻu we Damag yaḵon ibagaḵ anna te awad da udume angulu'tta somsomoḵyu ya padpadasonda baliḵtadon Ambaḻu we Damag mipanggob ḵan Kristu.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

1 Corinthians 1:15

Ta ippun oḵyan angibaga ḵanane binonyagaḵ dida'tte ngadanḵu.

Romans 14:9

Te natoy ya ummuli'ḵ Jesu Kristu ta siya an-Apun da matattagu ya da natoy.

Acts 8:16

te sa sadi ye timpu daampun umoy Ispiritu Santu ḵan dida, abus nampabonyagda'tte ngadan Apu Jesus.

Matthew 3:6

Imbabaggada da basuḻda pun binonyagan John dida'tte tawwang Jordan.