Matiyu 13:15 - Godeeyo To Tekepo

¹⁵ Bei, diba tei goo ee gooleedalai gowoolone, dieso dibada deeso dia dulu tobodo osoloso dia howo gisigaso. Esiga diba goo eyo bei ee gooleedalai tebile. Esino diayo ogoloso, osoloso duloso goo goolee tekepo toloso, amapoo wedi simi diepi, ayo dibada goo tokenee hapoloso boobado bigiliyo.’

Matiyu 13:15 Referans Kwoze

Maka 4:12

Esiga Aisayaye taka hagee peegoo debeli odoo maga taka, ‘Diayo medee hodu dileso agalaiso. Esino goo eyo bei diayo ogoloso gooleedalaime. Osoloso diba medee hodu dileso to taka duleiso. Esino goo eyo bei diayo medee gooleedalaime. Diayo gooleedoo diepi, dibada goo tokenee maga miligi pialoso, Godeeye goo tokenee hapoloso boobado bigiliyo,’ diso.”

2 Timoti 4:4

Egeeseelone, diayo tei eligi goo ee poogoloso see gesaboo oposusu mapoo medee dulone dabalaiso.

Diye Di Odoo 7:57

Eseme odoo susuga oso Sitibeneeyo to ee dulei gowoolone neligidi agadiga sabolo, dibada dulu toobooga doloso sibileso Sitiben tooso.

Diye Di Odoo 3:19

Esiga nibada goo su wuduloso, goo tokenee maga miligi pialoso, Godee mapoo bidiga debee. Egeeseega Godeeye nibada tokenee hapoloso boobado bigileiso. Nibada goo su wuduloso, goo tokenee maga miligi pialoso, Godee mapoo bidiga dobooga, Godeeye nimapoo kitulugu dia tenelaiso.

Luka 19:42

“Yelusalem odoo, niba kaseeyo? A diya goomogo, epedee niyo mesie goo toloso sibilei goo ono diya gooleedalame. Esino niba goo hagee medee ogoloso koo gooleedo. Bei, mesie goo ee nimaga mada magoo moloso.

Diye Di Odoo 28:27

Bei, diba goo eyo bei gooleedalai koo goomogo. Osoloso diba dulu tabagado, osoloso howo gisiga diga. Esino diayo ogoloso, osoloso duloso goo goolee tekepo toloso, amapoo wedi simi diepi, ayo dibada tokenee hapoloso boobado bigiliyo,’ diso.