Loum 4:17 - Godeeyo To Tekepo

¹⁷ Bei, Godeeyo to booka mapoo hogugu oso Eibalahameeyo goo maga egeesee takooso, “Ayo no mi odoo susuga dia ama doloso badalame olo hesiaso,” diso. Esiga Eibalahameeye Godee mapoo tei too maga goo hagee olo peledabaso. Esiga Godee hagee odoo wedia hogaduloso gie badeli teneli yoso. Osoloso bi dia peledabalame moodeli Godee hedebe yoso.

Loum 4:17 Referans Kwoze

Yonee 5:21

Egeesi ma kulodu Maye odoo wedia hogogaduloso see gie badeli egee tenemolo, egeesee solone, Owolo ayo odoo mawo goomoga mapoo gie badeli ka tenemoloso.

Yonee 6:63

Dio Tei oso gie badeli ka tenemoloso. Esino suso goomoga goo oso gie badeli koo tenemoloso. To ayo nimapoo taka ee Dio Tei maga simi, esiga to oso gie badeli ka tenemoloso.”

Loum 8:11

Esino nibada su ee wedioga, Godeeye o Dio Tei maga nibada su wedia mapoo see gie badeli tenelaiso. Bei, Yesu Keliso ta maga see hogadi Godee o Dio Tei ee nima kulodu badoga.

Yonee 5:25

Esiga ayo nimapoo ka taka. Biame oso sibileiso, esino biame ee olo simiso, odoo tei telega wedia oso Godeeyo Owolo mo to dulei. Egeesi ma kulodu edebeeyo mo to duloso tei toga, yo badoboso kookaiyo gie badeli talaiso.

Loum 3:29

Egeesi ma kulodu iba tei toso, Godee yo hedebe Yu odoo dia Godeenee. Esino Godee yo Yu odoonee sabolosee dia Godee doloso ka badoso.

1 Timoti 6:13

No goolee, Godeeye bi susuga mapoo gie badeli teneliso. Osoloso Yesu Kelisoye o goo maga Pontiyus-Pailet eyo howo woola tei goo takaso. Esiga Godeeyo howo woola, osoloso Yesuwo howo woola ayo toso kitulugu sabolo namapoo taka,

Loum 9:26

Daga Godeeye dimapoo takolone, “Niba tei mo odoonee,” diso. Esino see yayo dimapoo takolone, “Niba gie badeli Godeeyo owolo dio dalaiso.”

Loum 4:2

Goo yayo moodoomo silee oso yo Godeeyo howo woola tekepo badebei diepi, goo oso eyo nediliyo si howalai bei meliyo. Esino yo Godeeyo howo woola eyo nediliyo si koo howeli. Bei, yo eyo goo moodoo maga tekepo doloso ka badele.

Diye Di Odoo 15:18

Esiga odoo abo oso goo hagee gooleedalame Godeeye daga hoogoo takaso.’

Matiyu 3:9

Osoloso niba niso nediliyo niba Eibalahameeyo amawe dioga, Godeeye kamana goo maga mada pia dabalaiso, dee na goolee. Bei, ayo nimapoo taka. Godee yimapoo kitulugu moloso, yo hagoso see Eibalahameeyo amawe dio palai.

Loum 4:18

Egeesi ma kulodu Godeeye Eibalaham mapoo to edidi magolone egeesee takaso, “Nayo mi odoo susuga dia ama doloso badalaiso,” dee takeme, nei Eibalahameeye goo omapoo goo goolee bakadio delega, wulo tei toloso bameleeso. Bei, Godeeye see yimapoo egeesee takaso, “Namawe dio oso diya baloga ee hesigilei tebileime,” dee takaso. Eseme Eibalaham yo holo soomagelega adaga poloso badolone, to Godeeye taka mapoo tei tooso.

Loum 9:11

Egeesi ma kulodu giso holo bakadio hagee soomagelega badoboome, Godeeye Lebeka mapoo egeesee takaso, “Nowolo daga holo oso omolowo to mapoo mesimo sileiso,” diso. Esiga o bakadio oso goo moodoolai ee gooleedelega doboome, Godeeye to hagee malalo olo takaso. Esiga Godeeye o odoo egee hesigamolo ee yayo goo moodoo ogoloso koo hesieli. Esino yo wulo eyo goomoga goo ee dodolone ka hesieli.