Loum 3:10 - Godeeyo To Tekepo

¹⁰ Bei, Godeeyo to booka mapoo hogugu oso egeesee takooso, “Odoo heeso Godeeyo howo woola tekepo koo badoso. Tei takoo, odoo hee mauwe.

Loum 3:10 Referans Kwoze

Loum 3:23

Bei, odoo susuga iba goo tokenee olo tooso. Esiga Godeeye toowa doloso egee bado goo sabolo koo tobuoso.

Matiyu 15:19

Bei, o sooloo ma kuloduga goo tokenee susuga hagoso woola peledebeliso: tokenee gweli goo, osoloso odoo hee wooloomali goo, osoloso adaba kooka sobo sabolo kooka giso sabolo goo heli teli goo, osoloso sobo obuo sabolo giso kadiga sabolo goo heli teli goo, osoloso adaba bi heli teli goo, osoloso emegei dimaga gamenee takeli goo, osoloso emegei dia goo maga to tokenee takeli goo.

Taites 3:3

Esiga no iyo daga tei telega debei goo ee goolee. Iba tei telega dobolone, goo medee koo gweli odoo doloso debeiso. Iyo Godeeyo to mapoo mesilega doboome, odoo aboso iba tei goodee maga peegoo gido diliso. Osoloso goo tokenee iyo gilee goo ee osee tomo silone pagalai tebile. Iyo odoo abo mapoo goo tokenee moodeliso, osoloso emegei dia bi ogoloso talame diya gweliso. Osoloso edebeeyo iba hegiliso, eseega nei iyo diba hegiliso.

Maka 10:18

Eseme Yesu yo Godeeye hudi magoo doloso gooleedalame, yayo nei egeesee takaso, “Bei kasalame nayo a tekepo ka takala? Hedebe Godeeno medee tekepo.

Loum 3:4

Haye, egeesee selaime. Bei, hedebe Godee yino tei goodee takeli. Esino mi odoo susuga iba wulo gamenee takeli odoo. Bei, Godeeyo to booka mapoo hogugu oso egeesee takooso, “Godee, nayo to takooga, edebeeyo duloso nayo tei goodee takeli deliso. Osoloso edebeeyo nee goo midiga, nayo dagadileiso,” deliso.

Loum 11:8

Bei, Godeeyo to booka mapoo hogugu oso Isalael odoo dia goo maga egeesee takaso, “Godeeye dimapoo goo tiadili goo teneeso, diayo gooleedele pagalame. Osoloso Godeeye dia howo gagaso, diayo egele pagalame. Osoloso yayo dibada dulu tabagaso, diayo see dule pagalame. Esiga goo hageesi oso osee molone epedee hamapoo osee ka moloso.”

Loum 3:11

Osoloso tei takoo, Godeeyo goo gooleedoo odoo hee mauwe. Osoloso tei takoo, Godee esieli odoo hee mauwe.