Pagaa 21:4 - Kewa East: Gotena epe agale

⁴ Go rabu nipumi nimuna lo pimi re ipa raayore dia yaalia. Go puma enaalinu nimu wala nakomoma lo robaa-para kedaa page wala namealimi. Go pumare nimumi re page wala mada nateme. Go puma nimumi radaa page wala nanalimi. Go puma abalana su yaa laapore ora dia yaalia lisa.

Pagaa 21:4 Referans Kwoze

Pagaa 7:17

Dia, sipsip siri nipu ali mudu pirape siaa rikirana pia-le nipuri nimuna surube ali-rupa piralia. Gore nipumi nimu ade abuna mapiraape ipa naaku-para maa palia. Go puma nimu puri mapalaape ipa nalimi. Go puma Gote-me nimuna le-para kilipialiade re kunalia-pulu nimumi re wala nateme.

1 Korin 15:26

Go kogono dialenaloma Keriso-me komape konena puri page lore ali-rupa rabuaaoma ma-dia yaalia.

1 Jon 2:17

Gore go su yaa laapo page enaalinumi su kamaa pulalo peme-a page ora dia yaalia. Go pea pare enaali raayome Gote-na kone mogealimi-daare nimu ade abuna kagaa piralimi.

Matyu 24:35

Go su yaa laapore mada dia yaalia pare nina agalere ade abuna kagaa pa salia lisa.

Pagaa 21:1

Go rabu neme kagaa yaa-para kagaa su laapo adisua. Go raburi abalana su-para yaa laapo raita dia yoma ipa solwara page dia yaalia rabu wala meda nasalia.

Pagaa 20:14

Go puma adaa naaku-para repena sulaa adaalepe raalaaya-parare komape kone-para kome enaalinu page maa lopasa. Go adaa magomawe naaku repena sulaa rala aaya-parare wala rana laapo pa komapere go-para palimi.

Pagaa 22:3

Go puma ele raayo Gote-me ralu rubalia rabu koe elenu meda go adare-para wala nasalia. Gore Gote-para Sipsip Mena Si laapona ali mudu pirape siaa king-ri go ada re-para salia. Go puma Gote nipuna kogono enaalinumi nipuna bi minasaoma beten lalaalimi.

2 Pita 3:10

Go pea pare Mudu Ali-na epape yapi di raburi paake ne ali-rupa epalia. Go raburi yaa-para buba loma so yaa-para aaya ele raayo ora dia yaalia. Go puma so yaa-para aaya kuba kedonuri raayo repena sulaame rabalia. Go puma go su page su kamaa aaya elenu page raayo rabalia.

1 Korin 7:31

Gore medalomame go su kamaa kogono peme-le go kogono komea madaa kone nasalepape. Gore go suri pereke yoma ora rado salia-pulu epe kone suma epe kogono palepape.

2 Korin 6:17

Go pisa-pulu Mudu Alimi go-rupa lisa: Nimiri nimuna rikirana giyoma ipulupape. Go pumare nimimi remonuna koe kone naratalepape. Go palimi-daare neme nimi raapu pitua.

2 Korin 5:17

Gore ali medame Keriso raapu piruma kagaa kone mealiare nipu ora kagaa ali piralia. Go puma abalana koe kone raayore giyoma kagaa kone mu maapiramina.

Hibru 12:27

Go agale lea-rupa nipumi su wala ma-lewa palia-pulu naame go agalena re go-rupa makuaamina: Abalade Gote-me warisa elenuri nipuna ma-lewa paoma wala mealia. Pare ele medaloma mada nama-lewa pape elenuri ora pa salia.

Pagaa 20:13

Go rabu abalade ipa solwara-para komisimide enaalinu page marekaalia rabu rekoma epalimi. Go puma koe komape naakumi nipuna makomaape enaalinu page epenatea. Go puma kose pagape alimi nimu raayona kose pagalia. Go puma abalade nimumi pisimide kogono makuaaoma nimuna kogono madaa rumaawa katea.