Luk 1:29 - Kewa East: Gotena epe agale

²⁹ Ena Maria-me go ensel-na agale pagoma kone adaapu wisa. Go alina agalere akepu lena kone suma kedaa waru komisa.

Luk 1:29 Referans Kwoze

Aposel 10:17

Gore Pita-me kone adaapu suma apo upaame adalo elere ali yapae kone wisa. Go kone saapiralaina Kornilius-mi mo maa epenalisa alinumi agale meaoma ipumare Saimon-na ada pora gaape-nane epa rekesimi.

Aposel 10:4

Nipumi mo ensel paala komoma pa adabaaoma talo: Mudu Ali, ake palua ya? Go rabu ensel-me gu-rupa abulisa: Nena beten-para ele raba mi kone-parare Gote-me adaba pia.

Luk 1:12

Gore Sekaraia nipumi mo ensel adoma ora paalame waru komoma pogolasaasa.

Luk 2:51

Gore nipu agi aaraa laapo raapu puma Nasaret su-para puma pirisimi. Go Nasaret ada puma piruma agi aaraa laapona agale epe-rupa pagoma pirisa. Nipuna agimi mode agale raayo kone-para maa su pirisa.

Luk 2:19

Yapare Maria-me mogo agale raayo nipuna kone-para maa suma kone adaapu su pirisa.

Luk 1:66

Enaali raayome go agale kone-para su kiraloma nimu kone adaapu wisimi. Nimumi gu-rupa lisimi: Werepe go naakimiri ake palia pae? Gore mo naaki madaa Mudu Alimi puri kalisa adisimi-pulu go-rupa lisimi.

Matyu 16:7

Gore nimumi go-rupa lisimi: Naame bret namuma epamade madaa lea pa kone wisimi.

Luk 1:28

Go rabu ensel mo ena Maria piri pumare go ena epe-rupa pirape lisa. Ali Mudumi nere kodome komoma ne raapu komea-para pia lisa.