Galesia 6:18 - Kewa East: Gotena epe agale

¹⁸ Amenu, naana Mudu Ali Yesu Keriso-na epe raba meape kone-para epe kuma pi kone raapu mealepa. Go ora. Apo mada lawade. Ni Pol.

Galesia 6:18 Referans Kwoze

2 Timoti 4:22

Ali Mudu-ri nena kone raapu piralia. Go-rupa puma nimi raayome Gote-na epe raba meape kone kuma pi mealimina.

Rom 16:20

Go palimiri Gote ora kuma pi konena re yaa-pulu nipumi Satan nimina age rolo-para rabuaaoma mapiraalia. Naana Mudu Ali Yesuna raba meape konere nimuna lo robaa-para epelea-le meamina.

Filemon 1:25

Abiri Mudu Ali Yesu Keriso-me nipuna raba meape kone kuma pi nimina lo robaa-para maa rapaaina. Go puma nimi raapu wina. Go mada. Ni Pol yaade.

Pagaa 22:21

Gore Mudu Ali Yesuna epe raba meape kuma pi konere nimi raayo radaa wina. Go yaade. Jon.

Rom 16:23

Gaius-re nipumi ni nipuna ada-pare lamua pea. Nipumi nimi epe-rupa piralepape lo rapaata. Go alina ada-parare Keriso-na enaali medaloma kiritaeme. Go page Erastus-ri go adarena kana surube aliri naana ame Kwartus page epe-rupa piralepe agale lo rapaayo.

Aposel 1:15

Go puma yapi medaloma pisa rabu kone rulae enaalinu kiritasimi. Enaaliri gu-rupa 120 kiritasimi. Go rabu Pita-me rekoma agale gu-rupa lisa:

Rom 1:13

Naa ame balinu pagalepape. Rana adaapu nimi adolalo pe pare ele medalomame ni pa saapia. Neme nimu ruru rado raba misua rabu nimumi Gote madaa kone rulasimi-rupare nimi page go-rupa raba mulalo pi.

Galesia 3:15

Gore nana ame balinu, neme pa kone meda madaa remaa lagiano. Ali laapome nipu ele meda madaa agale komea loma go-rupa papana tepe-daare kone mada naperekealipi. Go page ali medame apo piale agale madaa rado meda makibumaaoma agale mada nayokalia.

Galesia 4:12

Gore ame balinu-ya, nimimi naa kone komea-rupa samina. Gore niri abala nimina kone muma nimi-rupa abi go pi-daa. Nimimi abalade ni-para koeyae meda napisimide.

Galesia 4:28

Amenu, nimiri Gote-me nipuna pogalu pirape agalena rolo-para madisa Aisak komea-rupa nipuna si piraminalo pea.

Galesia 6:1

Gore nana ame balinu, nimimi ali medana koeyae pina adalimiri gore nimi Holi Spirit muma pimi alinumiri nipuna kone pawasi wala ma-redepo yaatapape. Go palimi rabu Satan-me nimi page kotyala-le nimina kone waru surubalepape.