Efesus 5:19 - Kewa East: Gotena epe agale

¹⁹ Nimimi ame balinu raapu epe buk yasa lo epe-rupa yasa lo epe lotu yasa page epe lo robaa ginalo piralepape. Nimina lo robaa-para epe kone rubitabalia rabu Ali Mudu-para page epe agale-para epe yaalisa madaa loma palepape.

Efesus 5:19 Referans Kwoze

Kolosi 3:16

Keriso-na ora epe agalere nimina pu robaa-para waru rubina maitalepape. Nimina ame balinu epe agale rado rado mada ma-redepo yaina laketapape. Go puma nimimi epe rupale yasa-para epe maita-para epe lotu yasa-para loma nimina pu robaa-para wi koneme Gote-para ora pili waru tapape.

1 Korin 14:26

Go pea-le ame balinu-ya, nimimiri ake palimi ya? Nimi kiritaoma pimi raburi nimi raayo kogono peme. Ali medamere yasa temena medamere agale mogealimina medamere Gote-na agale mea temena medamere adaa agale rado lemena medame go agalena re maa lagialia. Go peme rabu go kogono raayome Yesuna ruru enaali raba mulalo peme.

Aposel 16:25

Go pisa pare ribaa rumu rumunare Pol Sailas laapome Gote-para beten loma yasa lo pirisipi. Go raburi nimuna mo karapo yagonumi pago pirisimi.

Jems 5:13

Gore nimina rikirana piri ame bali medame kedaa pi ele ruaayare nipumi Gote-para beten talo pea. Go puma ame bali medana lo robaa-para raaname komeare nipumi Gote-na bi minasaatalo yalisa talo pea.

Matyu 26:30

Go-rupa lomare nimumi yasa meda abala loma lisimina kamaa puma su Rudu Oliv-nane pisimi.

Matyu 15:8

Gote-me talo: Go enaalinuri nimuna agaleme nina bi minasaaeme. Pare nimuna pu robaa-para wi koneme ni giyoma re-para napimi.

1 Korin 14:15

Go pea-le neme ake palua ya? Gore naa kone wasupami beten toa pare naa koneme page pa beten toa. Go pumare yasa toa rabu kone wasupame page koneme page go laapo raitame toa.

Pagaa 5:9

Go raburi nimumi kagaa yasa meda go-rupa lisimi: Ne ora epelea-le mogo buk mumare Mo nipu rogaabaaya reke mada kepema sape. Gore abalade nimumi ne lu makomasimi rabu Nena yaapimi Gote-na enaali piraminalo kabesi. Gore neme ruru rado rado piri enaalinu-para Adaa agale rado rado leme-para page to rado rado aeme enaalinu page Ora kimisu su raayo-para piri enaalinu page nena yaapimi kabesi.