Filemoni 1:14 - INDAGANO INYA:YA

¹⁴ Nawe nitakwenda kukora musango ke:nu nitamenyere kwiganirisya kwao, obufura bwao bwasiga kuba mu kusinyirisibwa, nawe mu kwenda.

Indagano Inyaaya mu-Chijita

¹⁴ Nawe woori naarora ati, itari kisi okukora gwonegwone awe utanyikirisiisye. Nitakwenda okukusinyiirisya ati unsakire, tari eneenda ukore ja ekisi mu‑kwenda kwawo omwene.

Filemoni 1:14 Referans Kwoze

2 Bakorinto 9:7

Omu:nu wo:ne akorega rwa kutyo akarariye mu mutima gwae, tari mu busurumbae amwi mu kusinyirisibwa, okuba Nyamuanga kenda unu kagaba akondeywe.

2 Bakorinto 9:5

Kwonakorere nini:ganirisya ati, kunyiire okubwira aba:su batangate oku:ja kwimwe, bambe bakofye ebiyanwa bya ribando binu mwaragire kara, korereki bibe bimaririye rwa binu ebiyanwa mu kwenda, tari mu bununu.

2 Bakorinto 8:12

Okuba okwenda kukaba kurio, omu:nu ke:kirisibwa, rwa binu anabyo kutyo biri, tari rwa binu atanabyo.

2 Bakorinto 1:24

Tari ati, citungire okwikirisya kwemwe, nawe ciri banu abasakira okukonderwa kwemwe, okuba mwimereguyu mu kwikirisya kwemwe.

1 Bakorinto 9:17

Okuba nikakora kutiyo no kwenda, enibona omuye:ro. Nawe nikaba nitakukora no kwenda, mbe nasigiywe omurimu gwo kukora era.

1 Bakorinto 9:7

?Ni musirikare ki unu kaja ku buremo ne:riira omwene? ?Niga unu kayamba risambu rye mijabibu, naremo:kurya matwasyo gendemo? ?Amwi niga unu kare:ba riijo, naremo:kunywa amata gendemo?