Bafilipi 4:19 - INDAGANO INYA:YA

¹⁹ Nyamuanga wani arabayanaga byone binu mukenere, rwo buni:bi bwae mwikusyo kutyo buri mu Kristo Yesu.

Indagano Inyaaya mu-Chijita

¹⁹ Mbe, Nyamuwanga waani, aribhayaana ebhiinu bhyone bhinu omukena okuruubhana na obhuniibhi bhwaye bhwafu. Arikora kutyo ku‑njira ya Kirisito Yeesu.

Bafilipi 4:19 Referans Kwoze

1 Petero 5:10

Mbe ariba mwamara okunya:sibwako mwanya muto:to, Nyamuanga aribaku:misya, nabarumya, nabayana managa. Niwe Nyamuanga we cigongo co:ne, unu ababirikiye mu Kristo korereki mwingire mwikusyo ryae rya kajanende.

1 Timoteo 6:17

Ukomeresyega abani:bi ba mu magoro ganu ati, basigega kwikuya, amwi kwiikanya obuni:bi bunu butari bwo kwikara, nawe be:ikanyega Nyamuanga unu kaciyanaga bi:nu byone mu bwira, korereki cibikondererwega.

Bakolosai 1:27

Banu Nyamuanga endere okube:resya obuni:bi bwa rikusyo ryo bumbise bunu kutyo buri mu ba:maanga, nibwo Kristo mwimwe, nikwo okwiikanya kwa rikusyo.

Baefeso 3:16

abayane emwe okurumibwa na managa mu Mwoyo wae mu mu:nu wa munda, rwo buni:bi bwa rikusyo ryae kutyo buri,

Bakolosai 3:16

Omusango gwa Kristo gwikarega mwimwe no kufura, nimwiigisyanya nimukajusyanya mu bwenge bwone nimwimbira Nyamuanga nimumusi:ma mu mitima jemwe mu jaburi na mu nyimbo, na mu nyimbo jo mwoyo.

Barumi 8:18

Okuba okunyasibwa kwa mu siku jinu enibara ati, kute:ire kuriŋanyibwa na rikusyo rinu ciriswerurirwa.

Baefeso 1:7

Mu mwene ciri no kucungurwa kweswe kurwa manyinga gae, nikwo okwiswaririrwa kwe bikayo byeswe, rwo buni:bi bwe cigongo cae kutyo buri.

2 Bakorinto 4:17

Okuba okunya:ka kweswe kunu kwanguire okwo mwanya omuto:to, okucikorera rikusyo ryafu muno erya kajanende.

Barumi 9:23

Korereki e:resye obunibi bwa rikusyo ryae ku bimogwa bye cigongo, binu e:ra:biye ecibaro kuso:ka kara,

Baefeso 3:8

Nanye omuto:to kukira abato:to ba mu be:ru bo:ne, nayabirwe ecigongo cinu ati, nisimure mu ba:maanga obuni:bi bwa Kristo bunu butana bute:ro.

Baefeso 1:18

Mwesibwega ame:so ge mitima jemwe, korereki mumenye okwiikanya kwo kubirikira kwae kutyo kuri, no buni:bi bwa rikusyo ryo mwandu gwae mu be:ru kutyo buri.

Baefeso 2:7

Korereki mu magoro ganu garija e:resye obuni:bi bwafu muno obwe cigongo cae mu bufura bunu buri kwiswe mu Kristo Yesu.

Barumi 2:4

?Tere amwi ougaya obuni:bi bwo bwira bwae, no kwigumirisya kwae, no kurindirira kwae, si utakumenya ati, obwira bwa Nyamuanga obukurerta mu kuta?

Barumi 11:33

Obure:ra bwo buni:bi bwo bwenge no bwo kumenya kwa Nyamuanga butana ndengo! Okuramura kwae kutakutatirisibwa, na jinjira jae jitakuru:birisibwa!

1 Petero 5:1

Mbe enibabwira abakaruka ba ikanisa banu bari mwimwe, okuba anye ndi mukaruka we:ja:nyu, na unu narorere jinya:ko ja Kristo, na ka nisangiye rikusyo rinu eryenda okuswerurwa.

1 Batesalonika 2:12

Nicibabwira muribatega rwa kutyo kwiire ku Nyamuanga unu kababirikira okwingira mu bukama bwae na mwikusyo ryae.

Barumi 1:8

Okwamba enisi:ma Nyamuanga wani mu Yesu Kristo kubwemwe bo:ne, okuba okwikirisya kwemwe okwaikwa mu ca:ro come.

Yowana 20:27

Mbe namubwira Tomaso ati, Re:ta:nu eca:ra cao urore ebiganja byani. Ure:te no kuboko kwao, ukute mu rubafu rwani. Usige kuba unu atakwikirisya, nawe unu ke:kirisya.

Yowana 20:17

Yesu namubwira ati, Utangwatako okuba nicari kurinya mu rwire ku Rata. Nawe genda ku ba:na ba:su, ubabwire ati, Enirinya mu rwire ku Rata na Kwisomwana, na ku Nyamuanga wani na ku Nyamuanga wemwe.

Filemoni 1:4

Enisi:ma Nyamuanga wani kusiku, ninkwaika mu kusabwa kwani,

2 Bakorinto 12:21

Anye ariba nasubo:ku:ja, Nyamuanga wani asiga kunkeya imbere yemwe, nanye nasiga kubasurumbarira aba:fu banu banyamuye kara, nibarema okuta obujabi bwebwe no buromesi ne bya maswaro binu bakorere.

Matayo 6:32

Okuba ebyo byone nibyo abamaanga abayenja. Kwo kuba Esomwana wa mu rwire amenyere ati, mukenere ebyo byone.

Bafilipi 4:7

No murembe gwa Nyamuanga, gunu ogukira okusombo:kerwa kwone, gurabarindaga emitima jemwe na me:ganirisyo gemwe mu Kristo.