Bafilipi 3:9 - INDAGANO INYA:YA

⁹ Ka niboneke mu Mwene ati, nitana burenge:resi bunu obuso:ka mu biragiro, nawe ni bunu burio kurwo kwikirisya Yesu, nibwo oburenge:resi bunu obuso:ka ku Nyamuanga kurwo kwikirisya.

Indagano Inyaaya mu-Chijita

⁹ ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

Bafilipi 3:9 Referans Kwoze

2 Bakorinto 5:21

Okuba unu ariga atamenyere bibi:bi amukorere kuba bibi:bi kurweswe, korereki cibe burengeresi bwa Nyamuanga mu Mwene.

1 Bakorinto 1:30

Nawe ku Mwene emwe mwabwene okuba mu Kristo Yesu, unu Nyamuanga akorere okuba bwenge bweswe no burengeresi bweswe, no kwesibwa kweswe, no kucungurwa kweswe.

Bagalatia 2:16

Neswe one ce:kirisisye Yesu Kristo, korereki ciyabwe oburenge:resi kurwo kwikirisya Yesu Kristo, nawe tari kurwe bikorwa bye biragiro, okuba cimenyere ati omu:nu atakuyabwa oburenge:resi kurwe bikorwa bye biragiro nawe kurwo kwikirisya Yesu Kristo. Okuba atario mu:nu unu kayabwa oburenge:resi kurwe bikorwa bye biragiro.

Barumi 8:1

Mbe woryanu itario ntambara kwabo bari mu Kristo Yesu.

Barumi 1:17

Okuba mwibyo oburenge:resi bwa Nyamuanga nimwo obubu:rikira bunu obusorka mu kwikirisya kukinga mu kwikirisya, rwa kutyo byandikirwe ati, Omurengeresi arabaga muanga kurwo kwikirisya.

Tiito 3:5

Nacionya, tari kurwe bikorwa byo burenge:resi binu cakorere eswe, nawe nacionya kurwe cigongo cae, kurwo kwosibwa kwo kwiburwa kwa kabiri, no kukorwa baya:ya no Mwoyo Mweru,

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

2 Bakorinto 5:17

Mbe omu:nu wo:ne akaba ari mu Kristo, ni cimogwa ciya:ya. Ebya kara byone byaoeo, rora byabee biya:ya.

Bafilipi 3:6

Mu kukome:ra, nariga ni:nya:sya ikanisa. Mu burenge:resi bunu buri mu biragiro, nariga nitariko cikayo.

Barumi 10:10

Okuba omu:nu ke:kirisya no mutima okukinga mu burengeresi, katogora no munwa gwae nabona omweruro.

Barumi 8:3

Okuba Nyamuanga akorere binu ebiragiro bitaturire okuba ni birenga kurwo mubiri, natuma Omwana wae kurwe bibi:bi na:ja mu rususo rwo mubiri gwe bibi:bi, naramura ebibi:bi mu mubiri.

Matayo 9:13

Nawe nimugende mwiigire obugajuro bwe cigambo cinu ati, Enenda ecigongo amwi nitakwenda co:go. Okuba nite:jire kubirikira abarengeresi tari abe bibi:bi.

1 Yoana 3:4

Omu:nu wo:ne mu kakora ebibi:bi niwe karema okuragirirwa okuba ebibi:bi nikwo okurema kuragirira.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

Yakobo 3:2

Okuba eswe bo:ne eciyaba kwiya ka:fu. Omu:nu wo:ne akaba atakuyaba mu kwaika, oyo ni mu:nu unu akumiye, niwe katura okuingirira no mubiri gwae gwone.

Baeburania 6:18

kurwe bigambo bibiri ebyo bitakucu:ka, binu Nyamuanga atakutura kubeeramo.

Barumi 16:7

Enike:sya Andironiko na Juniasi, abairi bani, banu caboerwe aamwi, banu bane cibaro mu ntumwa, ka nibo bantangatiye okwikirisya Kristo.

Barumi 5:21

Rwa kutyo ebibi:bi byatungire mu kufwa, nyaburiko ne cigongo one korereki citunge kurwo burengeresi, nicire:ta obuanga bwa kajanende kubwa Yesu Kristo Ratabugenyi.