Bafilipi 3:19 - INDAGANO INYA:YA

¹⁹ Obute:ro bwebwe nikwo kusimagira, mungu webwe niyo inda, ne cibaro cebwe ciri mu nswaro jebwe, abe:ganirisya ebye ca:ro.

Indagano Inyaaya mu-Chijita

¹⁹ Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

Bafilipi 3:19 Referans Kwoze

Barumi 16:18

Okuba abe:ja:bo abo batakukorera Ratabugenyi Yesu Kristo, nawe abakorere kwigutya nda jebwa era. Aba:ika no kusi:ma ne bigambo byoro:ro, nibabebeya emitima ja banu batasombokeywe.

2 Petero 2:3

Abo baribona amabona mwimwe kurwo kurigira kwebwe, niba:ika emisango jo rurimi. Intambara yebwe kuso:ka kara itakuko:ra, no kusimagisibwa kwebwe kutakuongerera.

Bakolosai 3:2

Mwiganirisyega binu biri inguru, amwi tari binu biri ku ca:ro.

2 Petero 2:1

Nawe bariga bario abaragi bo rurimi mu ba:nu, na ka mwimwe one baribao abe:igisya bo rurimi, banu barire:ta okwiigisya kunu okusimagisya mu burigerige. Barirema Ratabugenyi unu abagurire, nibe:re:tera okusimagisibwa bwangu.

2 Bakorinto 11:15

Mbe gutari musango munene abakosi bae okwi:susanya rwa bakosi bo burengeresi. Obute:ro bwebwe buriba rwe bikorwa byebwe.

2 Bakorinto 11:12

Nawe rwa kutyo enikora, nikwo ndakoraga korereki nibabutukisye banu abayenja omwanya, gubabure, korereki babarore rweswe mu cinu abe:ku:isyamo.

2 Petero 2:13

Abajo:bona omuye:ro gwo bunyamusi bwebwe. Abatoga ati, orumura rwa kusiku nikwo okukonderwa. Ni mabara na masoro anu abarya aamwi nemwe nibaru:ba orumura mu kubebeya kwebwe.

Bagalatia 6:13

Okuba banu batenderwe one batakugwata ebiragiro abene, nawe abenda emwe mutendwe korereki be:kumangisye ku mibiri jemwe.

Obhusweruro 21:8

Nawe abo:ba na banu batakwikirisya, na banu abafururusya, na be:ti, na baromesi, na ba maiku, na banu abaramya ebisusano, na bo rurimi bo:ne, omugabo gwebwe guriba mu nyanja inu eyaka omuriro ne cibiriti. Okwo nikwo okufwa kwa kabiri.

1 Bakorinto 3:3

Kwo kuba mucari mu byo mubiri, okuba rifuwa no kuyomba bikaba bibarimo, angu mutari bo mubiri? ?Mutakuribata rwa ba:nu abandi era.

Obhusweruro 22:15

Ku mwira niyo jiri jimbwa, na ba maiku, na baromesi, na be:ti, na banu abaramya ebisusano, na unu wo:ne kenda orurimi narukora.

Yuuda 1:16

Abo nibo abe:toŋanira nibatukuma, ni banu abaribata rwo kurigira kwebwe kutyo kuri. Ne minwa jebwe ejisagirira okwaika emisango jo kwiku:ya nibayana aba:nu ecibaro korereki babonemo amibona.

2 Timoteo 3:4

Banu abaso:ka be:ja:bo mu ciwi, na ba kasinye, na banu abe:kuya, banu abenda orumura kukira Nyamuanga.

1 Timoteo 6:5

no kukarasyanya kwa ba:nu baranyamukire obwenge, banu balaso:sibweko ebye cimari, nibe:ganirisya ati oku:baya Nyamuanga ni kuboneramo muri:ro.

2 Batesalonika 2:12

Korereki baramurwe bo:ne banu batakwikirisya ebye cimari, nawe abakondererwa obunyamusi.

Bafilipi 2:21

Okuba bo:ne abayenja byebwe abene, bitari bya Yesu Kristo.

1 Bakorinto 5:6

Okwikuya kwemwe kutakondere. ?Mutakumenya ati, ecifwimbya cito:to ecifwimbya ecirengo come?

1 Bakorinto 5:2

Nemwe mwatunu:nire, amwi mutasurumbae, nawe kwari kwiire oyo akorere kutyo aso:sibwe mwimwe.

Obhusweruro 19:20

Rityanyi nirigwatwa aamwi no muragi wo rurimi unu akorere ebibarikisyo imbere yaryo nabebeya abo be:kirisisye orunyamo rwa rityanyi, na banu baramyaga ecisusano caryo. Abo ku bubiri nibe:swa mbarora mu nyanja yo muriro gunu ogwaka ne cibiriti.

Yakobo 4:16

Nawe woryanu omwiku:ya mu kutu:nu:na kwemwe. Okwiku:ya kwone kwejabo okwo ni kubi:bi.

2 Batesalonika 2:8

Mbe niwo arisweruka omwikoti uriya, unu Ratabugenyi Yesu ari:ta no mwika gwa mu kanwa kae, niwe arimumarao no kusweruka kwo ku:ja kwae.

Ruuka 18:4

Natangata okurema, nawe ejire e:ya na:ika munda yae ati, Nakabee nitaku:baya Nyamuanga amwi nitakubara mu:nu,

Ruuka 16:19

Ariga:rio mu:nu muni:bi ariga nafwara omwenda gwo ruyoyo na bafuta nde:si, nakonderwa kusiku mu byo rumura.

Ruuka 12:19

Kumara ndibwira Omwoyo gwani ati, Mwoyo gwani, uri ne bi:nu byafu binu wibi:kiye bya myaka myafu. Isya omwoyo, urye, unywe, usandabe.

Matayo 25:41

Mbe niwo aribabwira abo bari ku kuboko kwae okwe bumosi ati, Munso:keko, emwe banu mweimirwe, mugende mu muriro gunu gutakuwao, gunu gwera:bi:ywe Syetani na bamaraika bae.

Matayo 16:23

Yesu nacu:ka nabwira Petero ati, Suba inyuma yani Syetani. Uri ci:ku:juro kwanye, okuba utakwiganirisya ebya Nyamuanga, nawe ebya ba:nu era.

Obhusweruro 18:7

Rwa kutyo e:ku:isye ne:kara mu rumura, mumuyane kutiyo okunya:ka no kusurumbara. Okuba ka:ika mu mutima gwae ati, Ninyanjire ati mugore amwi nitari mutumba, amwi nitaribona butaka na katyari.

Yuuda 1:4

Okuba bario aba:nu banu bengiye bwitebe, banu batu:riywe intambara inu kuso:ka kara, ni banu bataku:baya Nyamuanga, banu abacu:sya ecigongo ca Nyamuanga kuba rukubo, nibarema Omukuru umwi enyere, niwe Ratabugenyi Yesu Kristo.

Barumi 6:21

?Mbe ni matwasyo ki ago mwabwene mu siku ejo? Mu misango ejo omuswasibwa wori, okuba obute:ro bwejo ni kufwa.

2 Batesalonika 1:9

Nibo bariyanwa intambara, nikwo kusimagira kwa kajanende okuso:ka mu me:so ga Ratabugenyi, na mwikusyo rya managa gae,

Yuuda 1:10

Nawe aba:nu banu nibo abafuma binu batamenyere, nibe:nyamura mu binu bamenyere mu busimuka, rwa jintyanyi jinu jitana bwenge.