Bafilipi 2:22 - INDAGANO INYA:YA

²² Nawe mumenyere orukuma rwae ati, akoreraga aamwi nanye mu Bigambo byo bwana, rwo mwana ne:semwene.

Indagano Inyaaya mu-Chijita

²² Nawe mumenyere kutyo orukuma rwa Timoteewo rwariga ruri rwa ekisi. ꞉Aakorere aamwi na anye emirimu ja okuraasya Emisango ja Ekisi, rwa omwana na esemwene.

Bafilipi 2:22 Referans Kwoze

1 Bakorinto 4:17

Kwonakorere nintuma Timoteo kwimwe, niwe Omwana wani omwendwa, no mwiikanyibwa mu Ratabugenyi. Niwe aribe:cukya jintungwa jani jinu ninajo mu Kristo, rwa kutyo eniigisyaga wo:ne wo:ne mu kanisa jo:ne.

2 Timoteo 1:2

Ku Timoteo, omwana wani omwendwa. Ecigongo no bwira no murembe bibe kwawe, binu ebiso:ka ku Nyamuanga Rata na ku Kristo Yesu Ratabugenyi.

1 Timoteo 1:2

Ku Timoteo, omwana wani kata mu kwikirisya. Ecigongo no bwira no murembe bibega kwawe, binu ebiso:ka ku Rata Nyamuanga, na ku Ratabugenyi Yesu Kristo.

2 Bakorinto 2:9

Okuba nikwo nakorere nimbandikira, korereki nibasake nimenye araba omungwa mu misango jo:ne.

1 Timoteo 1:18

Awe mwana wani Timoteo, enikukomeresya eciragiro rinu, rwo buragi bunu bwatangatire okubao, korereki urwanirega oburemo bwe kisi kurwebyo,

2 Bakorinto 8:22

Aamwi nabo ecituma owa:su unu cirarorere kwiya ka:fu ati ni mukome:e muno mu misango myafu. Nawe woryanu ni mukomee muno, okuba abe:ikanyisye emwe muno muno.

Tiito 1:4

Ku Tito, omwana wani kata mu kwikirisya kweswe bo:ne. Ecigongo no murembe bibega kwawe, binu ebiso:ka ku Nyamuanga Rata na ku Kristo Yesu Mukisya weswe.

2 Timoteo 3:10

Nawe awe waru:bire kisikisi okwiigisya kwani, na jintungwa jani, no bukarae bwani, no kwikirisya kwani, no kwigumirisya kwani, no kwenda kwani, no kurindirira kwani,

Bafilipi 2:20

Okuba nitana mu:nu undi unu ano mutima guriŋene no gwae, unu ke:gana emisango jemwe cimari.

2 Bakorinto 8:24

Mbe, mube:resye okumasya kwo kwenda kwemwe no kwo kwiku:ya kweswe kurwemwe. Mube:resye imbere ya jikanisa.

2 Bakorinto 8:8

Nitakwaika eco ati ni ciragiro, nawe korereki nisake okumasya kwo kwenda kwemwe kurwo kukome:ra kwa bandi.

Ebikorwa 16:2

Oyo asimirwe na abairi ba mu Lusitira na Ekonio.

Barumi 5:4

No kwigumirisya okure:ta okwikomeisya kwo mwoyo, no kwikome:sya kwo mwoyo okurema okwiikanya,

1 Bakorinto 16:10

Mbe Timoteo akabakingako, mumwigane abega mwimwe ku:baya uri, kwo kuba kakora omurimu gwa Ratabugenyi rwanye kutyo enikora.

Bafilipi 1:5

Enisi:ma kurwo kusangira kwemwe mu Bigambo byo bwana, kuso:ka ku rusiku rwo kwamba kukinga woryanu.

Bafilipi 1:7

Nikwo kutyo kunyiire okube:ganirisisya kutyo emwe bo:ne, okuba ndi nemwe, muri mu mutima gwani, ka bo:ne musangiye nanye mu cigongo cinu, mu kuboywa kwani na mu kurwanirira Ebigambo byo bwana no kubirumya.

Bafilipi 1:12

Nawe ba:na ba:su enenda emwe mumenye ati, binu byambeeko byabee bya kuswisisya Ebigambo byo Bwana.

Bafilipi 1:16

Banu abasimura kurwo kwenda, bamenyere ati, nateyweo kurwo kurwanirira Ebigambo byo bwana,

1 Timoteo 4:6

Ure:cukyaga ba:na ba:su ebyo, urabaga mukosi we kisi owa Yesu Kristo, niwiri:sya mu misango jo kwikirisya ne jo kwiigisya kwe kisi kunu waru:bire.