Bafilipi 2:15 - INDAGANO INYA:YA

¹⁵ Mube ba:na ba Nyamuanga, banu mutariko esoro, amwi burigerige, amwi cikayo, aagati ya riimbo rinu rikotakotere ne ryo butongwa, nemwe omuboneka rwo bweru bwa mu:si.

Indagano Inyaaya mu-Chijita

¹⁵ Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

Bafilipi 2:15 Referans Kwoze

1 Petero 2:12

Mube na jintungwa jemwe je kisi mu ba:maanga, korereki nakabee ababa:ikako rwa bakosi be bibi:bi, nawe bakusye Nyamuanga mu rusiku rwo kurorwa, okuba barorere ebikorwa byemwe ebyo bwana.

Matayo 5:45

Korereki mube ba:na ba Esomwana unu ari mu rwire, okuba risu:ba ryae kabaurusisya ababi:bi na be kisi, kabagimbira iŋuba abarenge:resi na banyamusi.

1 Batesalonika 5:23

Nyamuanga wo murembe omwene abe:sye kata. Ne myoyo jemwe no buanga ne mibiri jemwe birindwega byone bitane:soro, mu ku:ja kwa Ratabugenyi Yesu Kristo.

2 Petero 3:14

Mbe abendwa, okuba omurindirira ebyo, mukome:rega korereki abasange mu murembe mutariko ebara amwi mutariko esoro.

1 Bakorinto 1:8

Unu aribasimbagisya kukinga ku bute:ro, mutane:soro mu rusiku rwa Ratabugenyi Yesu Kristo.

Tiito 2:10

Basigega kwiba, nawe be:resyega okwiikanyibwa kwone kwo bwana, korereki bakondyega okwiigisya kwa Nyamuanga Omukisya weswe mu byone.

1 Petero 2:9

Nawe emwe muri rwiburo rusorwa, muri bagabisi be cikama, abo ruganda rweru, ka muri ba:nu bo butunge, korereki mukumusyega ebyo bwana bya Unu ababirikiye okuso:ka mu cisu:te mwingire mu bweru bwae obwo kurugu:ra.

Matayo 5:48

Mbe emwe mubega banu baku:miye rwa Esomwana wa mu rwire kutyo aku:miye.

1 Timoteo 3:10

Mbe, abo batangate okuregejwa, niwo bakore obufurubendi batariko esoro.

1 Timoteo 3:2

Mbe omuro:ji kumwiire kuba mu:nu unu atariko esoro, abega murume wa mugasi umwi, abe mwibaririsi no wo bwenge, no mwirenge:resi, omukumi wa bagenyi, unu amenyere okwiigisya,

Bafilipi 1:10

Korereki mwikirisye ebyo bwana, mube ba:nu ba cimari, banu batana cikayo kukinga ku rusiku rwa Kristo.

Baefeso 5:27

Korereki e:bonere ikanisa ye cibaro itariko ebara, nakabee iri funyo, amwi co:ne cinu ecisusana rwebyo, nawe ibe nyeru itariko burema.

Barumi 16:19

Okuba okungwa kwemwe kuramenyekere ku bo:ne. Kwenikora ninkonderwa kubwemwe, nawe enenda mubega ba bwenge mu bye kisi, na bafira mu bibi:bi.

Ebikorwa 2:40

Nabakomeresya mu misango ejindi myafu no kubakengya na:ika ati, Mwikisye mwiimbo rinu erikote.

Matayo 10:16

Mbe nabatuma rwa ji:na:ma agati ye misege. Mubega no bwenge rwa jinjoka no bwororo rwa jinjiba.

Baeburania 7:26

Okuba eswe kwariga kuci:ire okuba no mugabisi Omukuru rwoyo, anu ari mweru, atariko esoro, ka atariko cikayo, unu a:uywe ku be bibi:bi, na ka unu abee inguru kukira orwire.

Tiito 2:15

Yaika ebyo, ukomeresyega, no kugonya na managa go:ne. Mu:nu wo:ne asigega kukugaya.

Tiito 1:6

Omu:nu wo:ne akaba atariko esoro, omurume wo mugasi umwi, ari na ba:na banu abe:kirisya, banu batakubu:rwa ati ni bamagwemagwe amwi banyato:roba.

1 Timoteo 5:20

Banu abanyamura, ubagonye imbere ya bo:ne, korereki abandi bo:bayega.

Ebikorwa 20:30

Ka mwimwe abene bari:muka abamura banu baryaika ebigambo ebi:kote, barikongya abe:igisibwa babasubye inyuma.

Yowana 5:35

Oyo ariga itara inu eyaka ni:se:ka:na, nemwe mwendere okukondererwa obweru bwae mwanya muto:to.

Ruuka 6:35

Nawe nimwendega abaremo bemwe, nimubakorera kisi. Muri:syega amasi:ri, kwiikanya uri, no muyero gwemwe guriba mwafu, naka muriba ba:na ba Oyo ari inguru muno, okuba omwene ni wa bwana ku banyatasi:ma na babi:bi.

Matayo 17:17

Yesu naindura na:ika ati, Emwe aba riimbo rinyate:kirisya ne ri:ki:ke! ?Ndikingya:ri okuba nemwe? ?Ndigumirisya nemwe kukingya a:ki? Mumunde:tere anu.

Obhusweruro 3:9

Rora, banu aba mu rikofyanyisyo rya Syetani, banu abe:toga Bayaudi, ke:nu hatari nibo nawe ababeya, mbe ndibare:ta oku:ja okuramya imbere ye bigere byao, korereki bamenye ati anye nikwendere.

1 Timoteo 5:14

Kwenikora ninenda banu bacari bato:to batwarwega, be:burega aba:na, batungega jinyumba, basige kuyana omuremo omwanya gwo kugombana.

1 Timoteo 5:7

Ubakomeresye ebyo, basigega kufumwa.

2 Bakorinto 6:17

Mbe nikwo kutyo muso:ke aagati yebwe, mwaukane, kutyo ka: ika Ratabugenyi, amwi mutakuniaga ku ci:nu ecijabi, nanye ndibakuma.

Ruuka 1:6

Abo ku bubiri bariga barenge:resi imbere ya Nyamuanga, nibaribatira mu biragiro byone na mu misango ja Ratabugenyi batariko esoro.

Bafilipi 3:6

Mu kukome:ra, nariga ni:nya:sya ikanisa. Mu burenge:resi bunu buri mu biragiro, nariga nitariko cikayo.

Obhusweruro 2:5

Mbe icuka enu waguye, ute, ukorega ebikorwa byo kwamba. Araba utakukora kutyo eniku:jako, ninso:syao itara yao awayo, ariba utatee.