Bafilipi 1:5 - INDAGANO INYA:YA

⁵ Enisi:ma kurwo kusangira kwemwe mu Bigambo byo bwana, kuso:ka ku rusiku rwo kwamba kukinga woryanu.

Indagano Inyaaya mu-Chijita

⁵ kwa okubha musangiiye aamwi na anye mu‑kuraasya Emisango ja Ekisi, okwambira orusuku runu ꞉mweekirisiisye okukingira reero.

Bafilipi 1:5 Referans Kwoze

Baeburania 3:14

Okuba cirabee banu asangiye mu Kristo, cikaba cirumisye okwiikanya kweswe kwo kwamba kukinga ku bute:ro.

Filemoni 1:17

Mbe, araba oumbara ati ndi we:ja:nyu, umuramire oyo rwanye omwene.

Bafilipi 1:7

Nikwo kutyo kunyiire okube:ganirisisya kutyo emwe bo:ne, okuba ndi nemwe, muri mu mutima gwani, ka bo:ne musangiye nanye mu cigongo cinu, mu kuboywa kwani na mu kurwanirira Ebigambo byo bwana no kubirumya.

1 Yoana 1:3

Gunu carorere nicungwa, nigwo ecibabwira, korereki emwe one musangire neswe. No kusangira kweswe ecisangira na Rata no Mwana wae Yesu Kristo.

Baefeso 3:6

Ati, aba:maanga babe bari bo mwandu be:ja:bo, na bo mubiri gumwi, na banu basangiye omurago mu Kristo Yesu mu Bigambo byo bwana.

2 Bakorinto 8:1

Mbe bama ba:su, ecibabwira ebye cigongo ca Nyamuanga cinu cagabiywe mu kanisa ja Makedonia.

Barumi 15:26

Okuba abende Makedonia na bende Akaya bakondeywe okusoro:sisya abataka ba mu be:ru banu bari mu Yerusalemi.

1 Yoana 1:7

Nawe cikaribatira mu bweru, rwo Mwene kutyo ari mu bweru, ecisangira eswe abene:ra, na manyinga go Mwana wae Yesu Kristo agace:sya ebibi:bi byone.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

Bafilipi 2:12

Mbe, abendwa bani, rwa kutyo mwongwaga siku jo:ne, tari runu anye enibao era, nawe woryanu kukira muno anu nitario, mbe, mukumisyega omweruro gwemwe abene mu ku:baya no kuyarara.

1 Bakorinto 1:9

Nyamuanga ni mwiikanyibwa, niwe ababirikiye emwe mwingire mu kusangira kwo Mwana wae niwe Yesu Kristo Ratabugenyi.

Barumi 11:17

Nawe akaba amatabi agandi gakonoywe, na:we unu wariga mujeituni gwe mwira, wongirwemo, nusangira na risina ryo mujeituni no bunure bwagwo,

Ebikorwa 2:42

Nibe:kome:sya mu kwiigisya kwa jintumwa na mu kusangira, na mu kubegana omukate, na mu kusabwa.

Barumi 12:13

Mugabirega abe:ru binu bakenere. Mukome:rega okukuma abagenyi.

Bafilipi 1:12

Nawe ba:na ba:su enenda emwe mumenye ati, binu byambeeko byabee bya kuswisisya Ebigambo byo Bwana.

Bafilipi 1:16

Banu abasimura kurwo kwenda, bamenyere ati, nateyweo kurwo kurwanirira Ebigambo byo bwana,

Bafilipi 1:27

Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Bafilipi 2:22

Nawe mumenyere orukuma rwae ati, akoreraga aamwi nanye mu Bigambo byo bwana, rwo mwana ne:semwene.

Bafilipi 4:3

Yee enikusabwa awe one, omugaya we:ja:su, usakire abagasi abo, okuba banya:kaga emirimu aamwi mu Bigambo byo bwana, aamwi na Kelementi one, na bakosi be:ja:su abandi banu amasi:na gebwe gari mu citabo co buanga.