Bafilipi 1:27 - INDAGANO INYA:YA

²⁷ Nawe muribatega rwa kutyo kwiire Ebigambo byo bwana ebya Kristo. Ariba naja okubarora, amwi nikaba nitario nendere okungwa ebyemwe ati, murumire mu mwoyo gumwi, nimurwaniriraga okwikirisya kwe Bigambo byo bwana na mutima gumwi.

Indagano Inyaaya mu-Chijita

²⁷ Mbe, omusango gwa bhusibhusi ni ati jitungwa jeemwe jingane na Emisango ja Ekisi ja Kirisito. Aribha naaja okubharora, amwi nikarema okuuja, eneenda okuungwa ati omugenderera okurumatana na okubha na obhumwi, ka wone ati muri aamwi mu‑kurwanirira eriikirisya rinu erisookana na Emisango ja Ekisi.

Bafilipi 1:27 Referans Kwoze

Baefeso 4:1

Kwenikora nimbaremberesya, anye omuboywa mu Ratabugenyi, ati, muribatega rwa kutyo kwiire okubirikirwa kunu mwabirikiriywe,

1 Bakorinto 1:10

Mbe enibe:remberesya, ba:na ba:su, kurwa risi:na rya Ratabugenyi Yesu Kristo, ati, bo:ne mwaikega gumwi no kwaukana kusigega kubao mwimwe, nawe mugwatanyibwega mu kwiganirisya kumwi na mu kurwaja kumwi.

2 Petero 3:14

Mbe abendwa, okuba omurindirira ebyo, mukome:rega korereki abasange mu murembe mutariko ebara amwi mutariko esoro.

Bakolosai 1:10

Muribatega rwa kutyo kwiire mu Ratabugenyi, nimumukondisya mu byone, mutwasyega amatwasyo mu mirimu jo:ne jo bwana, nimwiyongesyaga okumumenya Nyamuanga.

Yuuda 1:3

Mbe abendwa bani, anu nariga nini:komesya okubandikira ejo mweruro gweswe bo:ne, nindora ati, ni busibusi nibandikire no kubakomeresya ati murwanirirega muno okwikirisya kunu abe:ru bayabirwe rumwi era.

1 Batesalonika 4:1

Ebya ku bute:ro, ba:na ba:su, ecibaremberesya no kubabwira mu Ratabugenyi Yesu, ati, mwiyongesyega muno okuribata rwa kutyo mwayabirwe kwiswe rwa kutyo kube:ire okuribataga no kukondisya Nyamuanga, ka na rwa kutyo omuribata.

Bafilipi 2:12

Mbe, abendwa bani, rwa kutyo mwongwaga siku jo:ne, tari runu anye enibao era, nawe woryanu kukira muno anu nitario, mbe, mukumisyega omweruro gwemwe abene mu ku:baya no kuyarara.

Bafilipi 3:18

Okuba ba:fu abaribata, banu nababwiriye kwiya ka:fu, na woryanu enibabwira nindira na masiga ati, nibo abaremo bo musaraba gwa Yesu Kristo.

2 Bakorinto 13:11

Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.

Ebikorwa 4:32

Ne cise ca banu be:kirisisye bariga na mwoyo gumwi no mutima gumwi, amwi atabeeo mu:nu unu a:ikaga ati ebi:nu binu anabyo ni byae enyere, nawe bariga basangiye bi:nu byone.

2 Petero 3:11

Araba mumenyere ati, ebyo byone biriwerera, ?mbe kube:ire mube ba ntungwa ki mu kuribata okweru no kwiyama?

1 Bakorinto 15:58

Mbe, ba:na ba:su abendwa, murumega kuteratera uri, mwiyongesyega kusiku mu murimu gwa Ratabugenyi, okuba mumenyere ati, emirimu jemwe mu Ratabugenyi jitari ja kutyo era.

Barumi 1:16

Okuba Ebigambo byo bwana bitakunswasya, okuba ni buinga bwa Nyamuanga bunu obure:ta omweruro ku mu:nu wo:ne unu ke:kirisya, okwambira ku Muyaudi na ku Mugiriki one.

Yakobo 3:18

Nawe ritwasyo ryo burenge:resi eriyambwa mu murembe ku banu abarega omurembe.

Filemoni 1:5

Okuba nonguywe okwenda kwao, no kwikirisya kunu unakwao ku Ratabugenyi Yesu na ku be:ru bo:ne.

Tiito 2:10

Basigega kwiba, nawe be:resyega okwiikanyibwa kwone kwo bwana, korereki bakondyega okwiigisya kwa Nyamuanga Omukisya weswe mu byone.

2 Timoteo 4:7

Ndarwanire oburemo bwo bwana, namarire okutangirana, ndarumisye okwikirisya.

1 Timoteo 1:19

Urumyega okwikirisya no mutima gwe kisi, abandi wejire baku:rira ebyo kura, niba:tikirwa obwato mu kwikirisya.

1 Timoteo 1:11

rwe Bigambo byo bwana ebya rikusyo rya Nyamuanga omukuibwa, binu ankomeresisye.

Ebikorwa 2:46

Bakome:e kusiku no mwoyo gumwi mu yekaru, nibabeganaga omukate mu nyumba imwi imwi, nibaryaga ebiryo, bakondeywe no mutima gwerere.

Matayo 12:25

Yesu namenya ame:ganirisyo gebwe nababwira ati, Obukama bwone bukasokana obwene obusimagira. No musi gwone amwi nyumba ikasokana eyene itari:mereguru.

1 Batesalonika 3:6

Nawe Timoteo woryanu akingire kwiswe okuso:ka kwimwe, nacibwira ebigambo byo bwana ebyo kwikirisya kwemwe no kwenda kwemwe, rwa kutyo omuci:cuka kisi siku jo:ne, nimukumbura okucirora, rweswe kutyo ecibakumbura.

Bakolosai 1:4

Okuba conguywe ebyo kwikirisya kwemwe mu Yesu Kristo no kwenda kunu muri nakwo ku be:ru bo:ne,

Bafilipi 2:24

Nawe eniikanya mu Ratabugenyi ati, nanye ndija bwangu.

Baefeso 1:15

Nikwo kutyo nanye one kuso:ka anu nonguywe okwikirisya kwemwe ku Ratabugenyi Yesu, no kwenda kunu munakwo ku be:ru bo:ne,

Baefeso 1:13

Nemwe one, wejire mwongwa omusango gwe cimari, nibyo Ebigambo byo bwana ebyo mweruro gwemwe, nemwe one wejire mwamwikirisya, nimutu:rwako ecibarikisyo niwe Mwoyo Mweru mu ariga aragirwe.

Bagalatia 1:7

Nawe bitario bindi, nawe bario banu ababanya:sya nibenda okucu:sya Ebigambo byo bwana ebya Kristo.

2 Bakorinto 9:13

Okuba mu kusakwa kwemwe okwa mu kufurubenda kunu, abamukusya Nyamuanga kurwo kworoba kwemwe mu kutogora Ebigambo byo bwana ebya Kristo na kurwo bugabi bwemwe obwafu ku be:ne na ku bo:ne.

2 Bakorinto 4:4

Mungu wa magoro ganu aofufifye ame:so go bwenge bwebwe banu batakwikirisya, basige kwakirwa obweru bwe Bigambo byo bwana ebya rikusyo rya Kristo, niwe orususo rwa Nyamuanga.

Barumi 15:29

Nimenyere ati ariba naba:jako, ndi:ja ni:juye ribando rya Kristo.

Barumi 15:16

Korereki nibe mukosi wa Kristo Yesu ku ba maanga, nibe mugabisi we Bigambo byo bwana bya Nyamuanga, abamaanga korereki babe co:go cinu ce:kirisibwe, na cinu ce:sibwe no Mwoyo Mweru.

Barumi 10:8

?Nawe obwaika atiki? Omusango guri yei na:we, guri mu kanwa kao na mu mutima gwao, nigwo omusango gwo kwikirisya gunu ecisimuraga.

Barumi 1:9

Okuba Nyamuanga unu enikorera mu mwoyo gwani mu kwaika Ebyobwana ebyo Mwana wae, niwe kanyimako ati, eniba:ika emwe buto:sa,

Barumi 1:5

Ku mwene cayabirwe ecigongo no butumwa mwisi:na ryae, korereki ba mu maanga gome bo:robere okwikirisya.

Ebikorwa 24:24

Nawe jisiku jejire jaturao, Feliki na:ja no mugasi wae Durusila, unu ariga:ri Muyaudigasi, nabirikira Paulo, namutegeresya ebyo kwikirisya Yesu Kristo.

Bafilipi 1:5

Enisi:ma kurwo kusangira kwemwe mu Bigambo byo bwana, kuso:ka ku rusiku rwo kwamba kukinga woryanu.

Bafilipi 3:20

Okuba obwinengo bweswe buri mu rwire. Niyo ecirindirira Omukisya unu kaso:kayo, niwe Ratabugenyi Yesu Kristo.

Bafilipi 4:1

Mbe, ba:na ba:su abendwa na be:sigomberwa bani, banu muri kukonderwa kwani no rutenga rwani, mbe mwimereguru murumire mu Ratabugenyi, abendwa bani.