Baefeso 4:9 - INDAGANO INYA:YA

⁹ ?Nawe omusango ogwo ati, Arinyire, niki tari okwaika ati, e:kire mu mbara jemwaro eja i:si?

Indagano Inyaaya mu-Chijita

⁹ Mbe, omusango ogwo ati, “꞉Aariinyire inguru,” obhugajuro bhwagwo niki? Nikwo okwayika ati, omwene wone ꞉eekire emwaro muno ku‑chaaro anu.

Baefeso 4:9 Referans Kwoze

Yowana 3:13

Atario unu ararinyire mu rwire, tari unu aso:kere mu rwire, niwe Omwana wo mu:nu.

Matayo 12:40

Kwo kuba rwa Yona kutyo amarire siku isatu mu mwisi na mu ngeta ari munda ya ikungurutare nyaburiko Omwana wo mu:nu arimara siku isatu mu mwisi na mu ngeta ari munda ya i:si.

Yowana 6:33

Okuba ebiryo bya Nyamuanga nibyebyo ebiso:ka mu rwire, binu ebire:tera eca:ro obuanga.

Baeburania 2:9

Nawe ecirore:rera Yesu oyo akorerwe are:bereo kuto:to ku ba:naraika kurwa jinyako jo kufwa, nafwafibwa orutenga rwa rikusyo ne cibaro, korereki arabe orufu kurwa ba:nu bo:ne, kurwe cigongo ca Nyamuanga.

Yowana 20:17

Yesu namubwira ati, Utangwatako okuba nicari kurinya mu rwire ku Rata. Nawe genda ku ba:na ba:su, ubabwire ati, Enirinya mu rwire ku Rata na Kwisomwana, na ku Nyamuanga wani na ku Nyamuanga wemwe.

Baeburania 2:7

Wamukorere arebereo kuto:to ku ba:naraika, Numufwafya orutenga rwa rikusyo ne cibaro, Numutungya ku mirimu ja maboko gao,

Yowana 8:14

Yesu naindura nababwira ati, Nakabee nire:imako omwene era, okwiimako kwani ni kwa cimari, kwo kuba nimenyere enu naso:kere, ne:nu enija. Nawe emwe mutakumenya enu eniso:ka nakabee enu enija.

Yowana 6:62

?Mbe biriba kutiki ariba mwarora Omwana wo mu:nu narinya enu ariga okwamba?

Yowana 6:58

Binu nibyo ebiryo binu byaso:kere mu rwire. Tari rwa basa:ja kutyo baryaga nibafwa. Unu karya ebiryo binu ariba muanga kajanende na kajanende.

Yowana 6:51

Nanye ebiryo ebianga binu byaso:kere mu rwire. Omu:nu akarya ku biryo binu ariba muanga kajanende na kajanende. Ebiryo binu ndigaba kurwo buanga bwa i:si, nigwo mubiri gwani.

Yowana 6:41

Mbe Abayaudi nibe:toŋanira okuba a:ikire ati, Nanye ebiryo binu byaso:kere mu rwire.

Yowana 6:38

Okuba nitaso:kere mu rwire korereki nikore binu enenda anye, tari binu kenda unu antumire.