Baefeso 4:16 - INDAGANO INYA:YA

¹⁶ Mu:yo omubiri gwone oguumbanyibwa kisi na binu ebire:twa ne byungo byone, rwo kukora kwa indengo ya jimba:ra jo:ne kutyo iri, omubiri nigukura kurwo kwiyumbaka mu kwenda.

Indagano Inyaaya mu-Chijita

¹⁶ Kirisito niwe kaagwatanya omubhiri gwone aamwi na omubhiri gwone ogumbakwa ku‑bhusakisi bhwa ebhiwuga ebhindi. Omwanya gunu bhuri chungo cha omubhiri echikora omurimu gwacho kisi, omubhiri gwone ogukura na bhuri chungo echeendana na echeejabho.

Baefeso 4:16 Referans Kwoze

Bakolosai 2:19

Oyo atakugwata Omutwe, gunu oguri:sya omubiri gwone, nigurumibwa mu byungo na mu nga, nigukura rwa kutyo Nyamuanga kagukorera.

Yowana 15:5

Anye nanye omujabibu, emwe amatabi. Unu kaba mwanye, anye one mu mwene, oyo katwasya amatwasyo ma:fu, okuba anye nikaba nitario mutakutura kukora ci:nu.

Bakolosai 2:2

Korereki emitima jebwe jisi:ri:sibwe, baumbwe aamwi mu kwendana, bakinge ku buni:bi bwone obwo kusombo:kerwa no kumenya kata, bamenye obumbise bwa Nyamuanga niwe Kristo.

Baefeso 4:12

Babeo kurwo kuku:misya abe:ru, na kurwo murimu gwo kufurubenda, na kurwo kumbaka omubiri gwa Kristo.

1 Bakorinto 13:13

Nawe woryanu kurio kwikirisya, no kwiikanya, no kwenda, ku busatu, nawe kwibyo cinu cikirire byone ni kwenda.

Baefeso 4:15

Nawe ca:ikega ebye cimari mu kwenda, korereki mu byone cimukuriremo Kristo niwe omutwe.

1 Timoteo 1:5

Nawe obute:to bwe ciragiro nikwo okwenda kunu okuso:ka mu mutima omweru, na mu nwoyo gwe kisi, na mu kwikirisya kunu kutarimo burigerige,

1 Batesalonika 2:13

Neswe kwecikora nicisi:ma Nyamuanga kusigira uri, okuba wejire mwaramira omusango gwa Nyamuanga, gunu mwonguywe kwiswe, mutaguramiye uti musango gwa ba:nu, nawe rwo musango gwa Nyamuanga rwa kutyo guri cimari, nigwo gunu ogukorera mwimwe abe:kirisya.

Bafilipi 1:9

Enisabwa ati, okwenda kwemwe kwiyongesye no kufura mu kumenya no kusombo:kerwa kwone.

Baefeso 3:17

Kristo e:karega mu mitima jemwe kurwo kwikirisya, korereki mubega ne misi, murumibwega mu kwenda,

1 Petero 1:22

Mwamarire okwiyesya emyoyo jemwe mu kworobera ebye cimari, nimukinga mu kwendana na ba:na ba:su kunu kutarimo burigerige. Mukome:rega okwendana mu mutima gwerere.

Baefeso 3:7

Nibyo naberee mukosi wabyo, rwe ciyanwa ce cigongo ca Nyamuanga kutyo ciri, cinu nayabirwe rwo kukora kwa managa gae kutyo kuri.

Baefeso 1:4

Rwa kutyo acisoree mu mwene, i:si icari kumogwa, eswe cibe be:ru banu batariko esoro imbere yae mu kwenda.

Bagalatia 5:22

Nawe amatwasyo go Mwoyo ni ganu, okwenda, no kukonderwa, no murembe, no kwigumirisya, no bwira, no bufura, no kwiikanyibwa,

1 Yoana 4:16

Eswe cimenyere na ka ce:kirisisye okwenda kunu Nyamuanga acendere. Nyamuanga niwe okwenda. Unu ke:kara mu kwenda, oyo ke:kara mu Nyamuanga, na Nyamuanga ke:kara mu mwene.

2 Batesalonika 1:3

Ba:na Ba:su, kuci:ire eswe okusi:ma Nyamuanga kurwemwe. Kuci:ire okukora kutyo, okuba okwikirisya kwemwe okwiyongesya, no kwendana kwemwe bo:ne okufura.

1 Batesalonika 3:12

Nawe Ratabugenyi ongesye no kufufya okwendana kwemwe, no kwenda kwemwe ku ba:nu bo:ne, rweswe kutyo ecibenda emwe,

1 Batesalonika 1:3

Nici:cuka kusiku omurimu gwemwe ogwo kwikirisya, no kukome:ra kwemwe okwo kwenda, no kwigumirisya kwemwe okwo kwiikanya mu Ratabugenyi Yesu Kristo, imbere ya Nyamuanga Rata.

Bagalatia 5:6

Okuba mu Kristo Yesu okutendwa kutari ci:nu, nakabee buri butatendwa, nawe ni kwikirisya kunu okukora mu kwenda.

1 Bakorinto 8:1

Ku bigambo bya binu abatambira ebisusano, cimenyere ati, bo:ne ciri no bumenyi. Obumenyi obure:ta ecigundu, nawe okwenda okumbaka.

Barumi 12:4

Okuba rwa kutyo ciri ne byungo byafu mu mubiri, nawe ebyungo byone bitana murimu gumwi era,

1 Bakorinto 10:17

Okuba omukate ni gumwi, neswe ciri ba:fu nawe ciri mubiri gumwi, okuba eswe bo:ne ecisangiraga mukate gumwi.