Baefeso 4:12 - INDAGANO INYA:YA

¹² Babeo kurwo kuku:misya abe:ru, na kurwo murimu gwo kufurubenda, na kurwo kumbaka omubiri gwa Kristo.

Indagano Inyaaya mu-Chijita

¹² ꞉Aabhateeye‑wo bhakore abheeru bha Nyamuwanga bhabhe bhatengeejere inguru ya emirimu ja obhukosi, korereki rikanisa rya Kirisito ryumbakwe, eryo nigwo omubhiri gwaye.

Baefeso 4:12 Referans Kwoze

Baefeso 4:16

Mu:yo omubiri gwone oguumbanyibwa kisi na binu ebire:twa ne byungo byone, rwo kukora kwa indengo ya jimba:ra jo:ne kutyo iri, omubiri nigukura kurwo kwiyumbaka mu kwenda.

1 Bakorinto 12:27

Nawe emwe muri mubiri gwa Kristo, ka muri ŋingo jendeko.

Barumi 15:14

Anye one, ba:na ba:su, nimenyere kata ati, emwe one mwijuye obukonde, ka mwijusibwe obwenge bwone, omutura one okukome:syanya emwe abene:ra.

1 Bakorinto 14:26

?Mbe ka niki, ba:na ba:su? Era mwekofyanya, omu:nu wo:ne akaba ari no rwimbo, akaba ari no kwiigisya, akaba ari no kuswerura, akaba ari no rurimi orundi, akaba ari no kugajura, mbe byone bikorwega kurwo kukome:sya.

Barumi 14:19

Nikwo kutyo ciru:bega omurembe, na binu bi:ire okumbakana.

1 Timoteo 1:12

Enisi:ma unu anae amanaga, niwe Yesu Kristo Ratabugenyi, okuba anyiganirisisye ati ndi mwiikanyibwa nantu:rao ku murimu gwae.

1 Bakorinto 14:12

Nikwo kutyo, okuba omwisigombera ebiyanwa byo mwoyo, mwendega muno okwiyongesya okukome:sya ikanisa.

Baeburania 13:17

Mungwega banu babatungire, mubo:roberega, okuba abo abe:gana emyoyo jemwe, rwa banu abajo:bu:sibwa binu barakorere, korereki bakore kutyo no kukonderwa, tari mu busurumbae, okuba emwe mutakabwenemo muri:ro.

Baeburania 6:1

Mbe cisige emisango jo kwamba eja Kristo, cikome:rega okukinga mu buku:miye. Cisige kusuba kutao orufuka rwo kuta mu bikorwa ebifu:ye, no kumwikirisya Nyamuanga,

2 Bakorinto 6:3

Citakurertera mu:nu wo:ne ci:ku:juro mu musango gwone, emirimu jeswe jisige kugambwa kubi:bi.

2 Bakorinto 5:18

Nawe byone ebiso:ka ku Nyamuanga, unu aca:ikanyisye no mwene kubwa Kristo, naciyana eswe omurimu gwo kwaikanya.

Ruuka 22:32

Nawe anye nakusabiywe, okwikirisya kwao kusige kugeruka. Nawe ariba wamara okucu:ka, ubarumye aba:na ba:nyu.

2 Timoteo 4:5

Nawe awe kengaga mu byone. Nya:kaga, ukorega omurimu gwo kusimuraga Ebigambo byo bwana, ku:misyaga okukora kwao.

Bakolosai 4:17

Mubwire Arikipo ati, akabukirega omurimu gunu Ratabugenyi amuyae, aguku:misye.

Bakolosai 1:28

Niwe ecisimura, nicikengya ba:nu bo:ne, niciigisya ba:nu bo:ne mu bwenge bwone, korereki cire:te buri mu:nu akumiye mu Kristo.

Bakolosai 1:24

Woryanu enikondererwa mu nya:ko jani kurwemwe. Enikumisya mu mubiri gwani binu bigerukireko mu nya:ko ja Kristo, kurwo mubiri gwae, niyo ikanisa.

Baefeso 1:23

nigwo omubiri gwae, nikwo okukumira kwa Oyo kakumisya byone mu byone.

2 Bakorinto 12:19

?Amwi omwiganirisya ati, eswe eci:bambarira imbere yemwe? Eca:ikira mu Kristo imbere ya Nyamuanga. Nawe binu byone ni byo kubombaka emwe, abendwa.

2 Bakorinto 7:1

Mbe abendwa, okuba ciri ne mirago ejo, ciyesyega obujabi bwone obwo mubiri no bwo mwoyo, niciku:misya obweru mu ku:baya Nyamuanga.

2 Bakorinto 4:1

Kwecikora nicirema okufwa omutima, okuba ciri no kufurubenda kunu rwa kutyo cafwiriywe cigongo.

2 Bakorinto 3:8

?Okukora kwo mwoyo kutarikira muno okuba na rikusyo?

1 Bakorinto 14:14

Okuba nikasabwa mu rurimi orundi, omwoyo gwani ogusabwa, nawe obwenge bwani butakutwasya.

Barumi 15:29

Nimenyere ati ariba naba:jako, ndi:ja ni:juye ribando rya Kristo.

Barumi 15:2

Mu:nu wo:ne mwiswe akondisyega omwikasyanya wae, abone ebye kisi korereki ombakwe.

Barumi 12:7

Bukaba buri bufurubendi, cikome:rega mu kufurubenda. Amwi unu ke:igisya, akome:rega mu kwiigisya.

Ebikorwa 20:28

Mwirindega emwe abene, na riijo ryone rinu Mwoyo Mweru abateeo emwe murirojega, no kure:baga ikanisa ya Nyamuanga inu agurire na manyinga gae Omwene.

Ebikorwa 20:24

Nawe obuanga bwani nitakububara ati ni ci:nu kwanye, amwi ati ni co bugusi burambu, korereki niku:misye orugendo rwani, no bukosi bunu nagabiywe Ratabugenyi Yesu, na:ikega Ebyobwana ebye cigongo ca Nyamuanga.

Ebikorwa 11:23

Omwene ejire akinga narora ecigongo ca Nyamuanga, nakonderwa. Nakomeresya bo:ne ati, murumatane na Ratabugenyi no bukarae bwo mwoyo.

Ebikorwa 9:31

Mbe jikanisa nijibona omurembe mu Buyaudi yo:ne na mu Galilaya na mu Samaria, nijumbakwa mu byo mwoyo nijiribata mu ku:baya Ratabugenyi, na mu kusi:ri:sibwa kwo Mwoyo Mweru, nijiyongesya.

Ebikorwa 1:25

Agege omugabo gwo bufurubendi no butumwa, bunu Yuda asigire kubwe bikayo byae, agende ku bwikaro bwae omwene.

Ebikorwa 1:17

Okuba ariga abariywe aamwi neswe, nayabwa omugabo gwo bukosi bunu.

2 Timoteo 4:11

Luka niwe cinage enyere:ra. Gega Mariko, u:je aamwi nage, okuba kansakira mu mirimu.

Baefeso 4:29

Omusango gwone omujabi gusige kuso:ka mu kanwa kemwe, nawe jibe ejo bwana jinu jiire okukome:sya unu akenere, korereki banu abongwa bayanwe cigongo.

Baefeso 4:4

Omubiri ni gumwi, no Mwoyo ni umwi, rwa kutyo mwabirikiywe mu kwiikanya okumwi okwo kubirikirwa kwemwe.

2 Bakorinto 13:9

Okuba ecikonderwa eswe cikaba citana managa ke:nu emwe muri na managa. Na cinu ecisabwa ciri ati, emwe mukurmire.

1 Bakorinto 12:7

Nawe omu:nu wo:ne kayabwa okweresibwa kwo Mwoyo kurwo kusakirana.

Barumi 12:5

Nikwo kutyo eswe ciri ba:fu, nawe ciri mubiri gumwi mu Kristo, neswe bo:ne ciri byungo bya be:ja:su.

2 Bakorinto 13:11

Ku bute:ro, bama ba:su, mubega kwa bwanabwana. Muku:mire, musi:ri:ke, mwiganirisyega gumwi. Mube no murembe, na Nyamuanga wo kwenda no murembe arabaga nemwe.