Baefeso 3:9 - INDAGANO INYA:YA

⁹ Korereki nimurikirega bo:ne barore obusangi bwo bumbise kutyo buri, bunu kuso:kerera kara na kara ko:ne bwabisirwe mu Nyamuanga unu ayangire byone.

Indagano Inyaaya mu-Chijita

⁹ Nyamuwanga ꞉aanaaye obhuturo bhwa okusomboorera abhaanu bhoone emisango ejo, korereki bhamenye kutyo Nyamuwanga arikuumisya obhutinge bhwa imbisike yaaye. Obhutinge obhwo, bhwariga bhubhisirwe okusookerera kara ku‑Nyamuwanga unu ꞉aabhumbire ebhiinu bhyone.

Baefeso 3:9 Referans Kwoze

Bakolosai 1:26

Obumbise bunu bwabisirwe aba magoro go:ne na maimbo go:ne, nawe woryanu bwasweruywe ku be:ru bae.

Matayo 13:35

Korereki cikumire cinu ca:ikirwe no muragi ati, Ndyasama omunwa gwani mu bijekekanyo, Ndigamba binu bibisirwe kuso:ka buyangwa bwa i:si.

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

Bakolosai 3:3

Okuba murafu:ye, no buanga bwemwe bubisirwe na Yesu mu Nyamuanga.

Matayo 28:19

Mbe, mugende mukore amaanga go:ne kuba be:igisibwa, nimubabatija mwisi:na rya Rata ne ryo Mwana ne ryo Mwoyo Mweru,

Obhusweruro 4:11

Awe Ratabugenyi na Nyamuanga weswe, awe wiire okuramira rikusyo ne cibaro no buinga, okuba awe wayangire byone, nibiyangwa nibibao kurwo kwenda kwao.

Tiito 1:2

Mu kwiikanya kwo buanga bwa kajanende, bunu Nyamuanga aragire anu amagoro ga kajanende gacari kubao, ka niwe atakutura kubebeya.

1 Timoteo 3:16

Rwa kutyo ecitogora, obumbise bwo kuramya Nyamuanga ni bukuru, ati, Oyo niwe abu:risibwe mu mubiri, Naba murenge:resi mu mwoyo, Narorwa bamaraika, Nasimurwa mu ba:maanga, Ne:kirisibwa mu ca:ro, Nagegerwa mwikusyo.

Obhusweruro 13:8

Na baririramya ba:nu bo:ne banu be:kae mu ca:ro, banu bo:ne amasi:na gebwe gatandikirwe mu citabo co buanga eco Mwana wa Ina:ma unu e:tirwe, kuso:kerera ku kuyangwa kwe ca:ro.

1 Petero 1:20

Unu ariga amenyerwe kara, i:si icari kutu:rwako rufuka, nawe nabu:risibwa kurwemwe ku bute:ro bwa ji:siku.

2 Timoteo 4:17

Nawe Ratabugenyi e:mereguyu aamwi nanye, nantamo amanaga, korereki niku:misye binu nariga ninsimura, na ba:maanga bo:ne korereki bongwe, naonyibwe mu kanwa ka i:ntare.

2 Batesalonika 2:13

Eswe kuciire okusi:ma Nyamuanga kusiku kurwemwe, ba:na ba:su, banu mwenderwe Ratabugenyi. Ecisi:ma Nyamuanga unu abasorere ku bwambiro mukinge mu mweruro mu kwesibwa kwo mwoyo no kwikirisya ebye cimari.

Bakolosai 1:23

Mukaguma mu kwikirisya murumire ku rufuka, mutakucu:sibwa okusiga Ebigambo byo bwana binu mwonguywe, binu byasimuywe mu biyangwa byone binu biri emwaro yo rwire. Nibyo Ebigambo anye Paulo naberee mukosi wabyo.

Baefeso 1:4

Rwa kutyo acisoree mu mwene, i:si icari kumogwa, eswe cibe be:ru banu batariko esoro imbere yae mu kwenda.

1 Bakorinto 2:7

Nawe eca:ika obwenge bwa Nyamuanga mu bumbise, nibwo bwenge bunu bwabisirwe, bunu Nyamuanga aragiriye kara kurwa rikusyo ryeswe, ne ca:ro cariga cicari kubao.

Ebikorwa 15:18

Nikwo kutyo ka:ika Ratabugenyi unu e:resyaga ebigambo binu kuso:kerera kara.

Yowana 10:30

Anye na Rata riri umwi.

Yowana 5:19

Mbe Yesu naindura nababwira ati, Ni cimari cimari enibabwira ati, Omwana atakutura enyere era okukora eci:nu, ataroree kwisemwene nakora, okuba binu kakora byone, Omwana one nibyo kakora.

Yowana 5:17

Nawe Yesu nabaindura ati, Rata kakora kukinga woryanu, nanye one enikora.

Ruuka 24:47

Na ba maanga go:ne barira:sibwa okuta no kwiswaririrwa kwe bibi:bi mwisi:na ryani, okwambira mu Yerusalemi.

Matayo 25:34

Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si.

Matayo 10:27

Cinu enibabwirira mu cisu:te, muca:ikirirega mu bweru. Na cinu omungwirwa mu kutwi, muca:ikirirega inguru ku nyumba.

Obhusweruro 17:8

Rityanyi rinu warora ryariga ririwo, ka ritariwo wori, eri:ja okuso:ka mu ryobo rinu ritana bute:ro nirigenda mu kubura. Na banu be:kae ku ca:ro, banu batandikirwe masi:na gebwe mu citabo co buanga, kuso:kerera anu i:si yayangirwe, nibo barirugu:ra ariba barora rityanyi rinu ryarigao, ka ritariwo, nawe ririsuba okubao.

Obhusweruro 14:6

Nindora maraika oundi naguruka aagati mu rwire unu ariga:ri ne Bigambo byo bwana ebya kajanende, ebyo kubwira banu be:kae ku ca:ro, ku maanga go:ne, na ku ŋanda jo:ne, na ku ba nyaika jo:ne, na ku ba:nu ba nyami jo:ne.

Barumi 11:25

Okuba, ba:na ba:su, nitakwenda muremo:kumenya imbisike inu, mutajaga kwitoga abenge. Mumenye ati, obukomee bwabee ku Israeli rubara, okukinga okuku:mira kwa bamaanga ariba kweya.

Baefeso 3:2

Araba mwonguywe ebyo bugabi bwe cigongo ca Nyamuanga cinu nayabirwe kurwemwe,

Baefeso 6:19

Nanye one munsabirwe, korereki niyabwe okwaika na:samye omunwa gwani, na:ike no buba:si obumbise bwe Bigambo byo bwana.

Bakolosai 4:3

Mucisabirwega neswe one, Nyamuanga aci:gurireo orwigi rwo kwaika omusango gwae, ca:ike obumbise bwa Kristo, okuba nibwo naboeywe,