Baefeso 2:8 - INDAGANO INYA:YA

⁸ Okuba mwaonyibwe kurwe cigongo kurwo kwikirisya, amwi bitaso:kere kwimwe, nawe ni ciyanwa ca Nyamuanga.

Indagano Inyaaya mu-Chijita

⁸ Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Baefeso 2:8 Referans Kwoze

Baefeso 2:5

Eswe anu cariga cifu:ye kurwe bikayo byeswe, acikorere baanga aamwi na Kristo. Mwaonyibwe kurwe cigongo.

Barumi 4:16

Nikwo ebikora nibisorka mu kwikirisya, korereki bibega bye cigongo, omurago korereki gurume ku rwiburo rwone, tari ku ba mu biragiro era, nawe ku banu bari bo kwikirisya kwa Iburaimu, unu ari saja eswe bo:ne, rwa kutyo byandikirwe ati, Nakukorere ube saja wa maanga ma:fu.

Barumi 10:17

Mbe okwikirisya okuso:ka mu kungwa, no kungwa okuso:ka mu musango gwa Nyamuanga.

Ebikorwa 16:31

Niba:ika ati, Numwikirisye Ratabugenyi Yesu Kristo, oukisibwa, awe na ba mu nyumba yao.

Yowana 6:37

Bo:ne banu Rata kanana bari:ja kwanye, na unu ka:ja kwanye, nitarimuirisisya aanja na katyari.

Yowana 5:24

Ni cimari cimari, enibabwira ati, Unu kongwa omusango gwani ne:kirisya unu antumire, ari no buanga bunu butakuwao, amwi atari:ja mu ntambara, nawe aso:kere mu kufwa kukinga mu buanga.

Yowana 4:10

Yesu naindura namubwira ati, Kumba wari umenyere eciyanwa ca Nyamuanga na kutyo ari unu kakubwira ati, Naneko amanji ninywe, awe wakamusabirwe, omwene niwe akakuyae amanji go buanga.

Ruuka 7:50

Nabwira omugasi uyo ati, Okwikirisya kwao kwakuonya. Genda no murembe.

Mariko 16:16

Unu ke:kirisya nabatijibwa, ariona. Nawe unu atakwikirisya aritemerwa eci:na ca intambara.

Yowana 3:36

Unu ke:kirisya Omwana ari no buanga bunu butakuwao. Nawe unu atakwikirisya Omwana, ataribona buanga, nawe risungu rya Nyamuanga rimuriko.

Barumi 4:5

Nawe unu atakukora, nawe ne:kirisya Unu kababarira abakai oburenge:resi, omu:nu oyo okwikirisya kwae kabarirwa oburenge:resi.

Baefeso 2:10

Okuba eswe ciri mirimu jae banu camogeywe mu Kristo Yesu korereki cikore ebikorwa byo bwana, binu Nyamuanga aci:ra:biye kara korereki ciribatiregamo.

Bagalatia 3:22

Nawe binu byandikirwe byegariye byone mu butunge bwe bibi:bi, banu be:kirisisye korereki bayabwe omurago gunu oguso:ka mu kwikirisya Yesu Kristo.

Ebikorwa 13:39

Na kubwoyo, mu:nu wo:ne unu kamwikirisya kabarirwa oburengeresi mu byone binu atakaturire kubona burengeresi kurwe biragiro bya Musa.

Bagalatia 3:14

Ribando rya Iburaimu korereki rikinge ku ba:maanga mu Kristo Yesu, korereki eswe ciyabwe omurago gwo Mwoyo kurwo kwikirisya.

Yowana 6:40

Okuba okwenda kwa Rata unu antumire ni kunu ati, mu:nu wo:ne unu karora Omwana no kumwikirisya, abe no buanga bunu butakuwao, nanye ndimusu:rurira ku rusiku rwa ku bute:ro.

Yowana 6:35

Yesu nababwira ati, Nanye ebiryo byo buanga. Unu kanyijako atarirumwa mweko kata, unu kanyikirisya atari:twa bwiro na katyari.

Baefeso 1:19

Mumwenye no bukuru bwafu obwa managa gae kwiswe abe:kirisya kutyo buri, rwo buinga bwa managa gae kutyo agakora,

Ebikorwa 14:27

Wejire bakinga nibakofya aba ikanisa, nibabasombo:rera byone binu Nyamuanga akorere aamwi nabo, na rwa kutyo abe:guriye abamaanga omuryango gwo kwikirisya.

Yowana 6:65

Na:ika ati, Kwonakora nimbabwira ati, Atariwo mu:nu unu katura oku:ja kwanye, Rata atamuyae okutura.

Bakolosai 2:12

Mwasi:kirwe aamwi nage mu kubatijibwa, kunu mwasu:kiremo aamwi nage kurwo kwikirisya mu kukora kwa Nyamuanga unu amusu:ruye mu bafu:ye.

Yowana 6:44

Atario unu katura oku:ja kwanye, tari akuruywe na Rata unu antumire. Nanye ndimusu:rurira ku rusiku rwa ku bute:ro.

1 Petero 1:5

emwe banu omurindwaga no buinga bwa Nyamuanga kurwo kwikirisya, korereki mubone omweruro gunu gumaririye okuswerurwa mu siku ja ku bute:ro.

Bafilipi 1:29

Okuba nitayabirwe kurwa Kristo, tari kumwikirisya era, nawe no kunya:sibwaga kubwae.

Barumi 10:14

?Mbe, barimubirikira kutiki Unu bate:kirisisye? ?Ka barimwikirisya atiki Unu batendega kungwa? ?Ka baryungwa atiki, batabona wa kubabwira?

Matayo 16:17

Yesu naindura namubwira ati, Una ribando Simoni wa Yona, okuba omubiri na manyinga bitakusweruriye eco, tari Rata unu ari mu rwire.

Ebikorwa 16:14

Mbe ariga ariwo mugasi risi:na ryae Ludia, omuka:ni wo rusombyo rwo ruyo:yo, unu ariga wa mu musi gwa Tuatira, unu aramyaga Nyamuanga. Omwene nacungwa. Ratabugenyi ne:gura omwoyo gwae ategeresye jinu Paulo a:ikire.

2 Batesalonika 1:9

Nibo bariyanwa intambara, nikwo kusimagira kwa kajanende okuso:ka mu me:so ga Ratabugenyi, na mwikusyo rya managa gae,

Ebikorwa 15:11

Nawe eci:kirisya ati, eswe arikisibwa kurwe cigongo ca Ratabugenyi Yesu, na bene one kutyo.

Barumi 9:16

Mbe bitakusoika mu kwenda amwi kubirima kwo mu:nu, nawe ebiso:ka ku Nyamuanga unu kafwira ecigongo.

Baeburania 6:4

Okuba banu barabwene obweru, nibaraba ku ciyanwa ca mu rwire, nibasangira no Mwoyo Mweru,

Matayo 20:9

Bejire ba:ja aba saa ekumi na imwi, nibayabwa mu:nu wo:ne siringi imwi imwi.