Baefeso 2:3 - INDAGANO INYA:YA

³ Neswe bo:ne kara caribatiraga aamwi nabo mu kurigira kwe mibiri jeswe, nicikumisya okwenda kwo mubiri no kwa me:ganirisyo geswe, nicibaga aba:na ba risungu mu busimuka rwa bandi.

Indagano Inyaaya mu-Chijita

³ Omwanya ogwoogwo eswe bhoone wone, chaariga nichikora rwa kutyo abhaanu bhanu bhatakugayuka Nyamuwanga bhaakoraga. Chaakoraga rwa kutyo emibhiri jeeswe na obhwiganirisya bhweswe bhyendaga. Okuruubhana na jitungwa jeeswe jimbiibhi ja obhusimukwa, risungu rya Nyamuwanga ryekaga inguru yeeswe rwa ku‑bhaanu abhandi bhoone.

Baefeso 2:3 Referans Kwoze

Tiito 3:3

Okuba eswe one kara cariga ciri batamutamu na banyantongwa, na barubebeibwa, nicikorera marigire no rumura rundi na rundi, cariga bo rwango na bo rwiso, na bo busoko, nicitamanganwa.

1 Petero 1:14

Mube rwa ba:na abo:roro, musige kwisusanya rwo kurigira kwemwe kwa kara okwa mu butamenya bwemwe.

Baefeso 4:22

Mu bya jintungwa ja kara, emwe mufu:re omu:nu wa kara unu kabora kurwo kurigira kwo rurimi.

Barumi 13:14

Nawe mumufware Ratabugenyi Yesu Kristo, musigega kwiganirisya okurigira kwo mubiri.

Barumi 6:12

Mbe ebibi:bi bisigega okutunga emibiri jemwe jinu ejifwa, musige kungwa inamba yajo.

1 Yoana 2:16

Okuba binu biri mu:si, nikwo okurigira kwo mubiri, no kurigira kwa me:so, no kwiku:ya kwo buanga, ebyo bitakuso:ka ku Rata, nawe ebiso:ka mu:si.

Baefeso 2:2

Binu mwaribatiragamo kara rwa magoro ge ca:ro rinu kutyo gari, nimuru:baga ebyo mukuru wo buinga bwa mu rutumba, nigwo omwoyo gunu ogukora woryanu mu ba:na bo butongwa.

Yowana 8:44

Emwe muri ba:na be:somwana niwe Syetani, ka omwenda okukora okurigira kwesomwana. Oyo ni mwiti kuso:ka ku bwambiro, ka atakwikara mu bye cimari, okuba ebye cimari bitamurimo. Wora a:ika ebyo rurimi, ka:ika cinu eciso:ka mu byae, kwo kuba ni wa rurimi, na ka nesemwene orurimi.

2 Bakorinto 7:1

Mbe abendwa, okuba ciri ne mirago ejo, ciyesyega obujabi bwone obwo mubiri no bwo mwoyo, niciku:misya obweru mu ku:baya Nyamuanga.

1 Bakorinto 4:7

?Okuba niga unu kakukora ati ukirire oundi? ?Ka uri na ki cinu utayanirwe? Nawe araba wayanirwe, ?niki cinu oukora niwikuisya uti araba utayanirwe?

Barumi 7:18

Okuba nimenyere ati, mwanye mu mubiri gwani citarimo ci:nu ca kisi, okuba okwenda ninakwo, nawe okukora ebya kisi ebinta:mya.

Mariko 4:19

mbe, emifurubendo je ca:ro, no kubebeywa obuni:bi, no kurigira kwe bi:nu ebindi nibingira nibisoritya omusango, nigurema okutwasya.

Barumi 11:30

Mbe rwa kutyo emwe kara mutongwaga Nyamuanga, nawe woryanu mwafwiriywe cigongo kurwo butongwa bwebwe,

Barumi 9:22

?Mbe niki, araba Nyamuanga endere okweresya risungu ryae, no kumenyesya obuinga bwae, ergumirisisye muno ebimogwa bya risungu binu byariga bi:ra:biywe okusimagisibwa,

Yowana 1:13

Banu bate:buywe kurwa amanyinga nakabee kuri kwenda kwo mubiri, nakabee kuri kwenda kwo mu:nu, nawe be:buywe na Nyamuanga.

2 Petero 2:18

Okuba aba:ika emisango minene muno eja kutyo era, nibakongyakongya banu abe:ruka abo nibabakongyakongya mu kurigira kwo mubiri na mu rukubo.

2 Petero 2:14

Ame:so gebwe ge:juye oburomesi, nigarema okusiga ebibi:bi, nibakongyakongya emyoyo ja banu batarumire. Bari ne mitima jinu jinarire okurigira, ni ba:na be ci:imo.

1 Timoteo 6:9

Nawe banu abenda okuni:ba abagwa mu kusakwa na mu muye:to, na mu kurigira okwafu okwo bumu:mu na kunu okunyamura. Okurigira okwo okutubisya aba:nu mu kusimagira no kubura.

Bagalatia 3:22

Nawe binu byandikirwe byegariye byone mu butunge bwe bibi:bi, banu be:kirisisye korereki bayabwe omurago gunu oguso:ka mu kwikirisya Yesu Kristo.

Barumi 1:24

Kwakorere Nyamuanga nabasindika mu namba ye mitima jebwe baru:bega obujabi, no kunyamuranaga ecibaro ce mibiri jebwe.

1 Yoana 2:8

Rindi enibandikira eciragiro eciya:ya, gunu guri gwe cimari mu Mwene na mwimwe, okuba ecisu:te eciwao, no bweru bwe cimari woryanu bwase:ka:nire.

Ebikorwa 14:16

Unu ariga asigire amaanga go:ne garibatirega mu njira jebwe abene, mu maimbo ga kara,

Barumi 2:14

Okuba abamaanga banu batari na biragiro, wora bakora mu busimukwa ebye biragiro, abo nakabee batana biragiro, babee ne biragiro byebwe abene.

Barumi 5:9

Mbe okuba cabariywe oburenge:resi kurwa manyinga gae, okukira muno cirionyibwa mwisungu.

Barumi 5:10

Okuba anu cariga cicari baremo, cagwatanyisibwe na Nyamuanga kurwo kufwa kwo Mwana wae, mbe okuba cagwatanyisibwe, okukira muno cirionyibwa no buanga bwae,

Bakolosai 1:21

Nemwe kara mwariga ba:maanga na baremo mu kwiganirisya kwemwe kurwe bikorwa byemwe ebibi:bi.

1 Batesalonika 4:13

Nawe ba:na ba:su, citakwenda mureme okusombo:kerwa ebya banu baongee musige kusurumbara rwa bandi banu batana kwiikanya.

1 Batesalonika 5:6

Mbe cisigega kuongera rwa bandi, nawe citengeje ci:baririrega.