Baefeso 2:2 - INDAGANO INYA:YA

² Binu mwaribatiragamo kara rwa magoro ge ca:ro rinu kutyo gari, nimuru:baga ebyo mukuru wo buinga bwa mu rutumba, nigwo omwoyo gunu ogukora woryanu mu ba:na bo butongwa.

Indagano Inyaaya mu-Chijita

² Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

Baefeso 2:2 Referans Kwoze

Baefeso 6:12

Okuba okurwana kweswe citakurwana na mubiri na manyinga, nawe ecirwana na bakuru na bo buinga na batungi be cisu:te ca magoro ganu, ne bise bye myoyo jo bubi:bi mu mbara ja mu rwire.

1 Yoana 5:19

Cimenyere ati Ciri ba Nyamuanga, ne ca:ro co:ne ci:kae mu mubi:bi.

Baefeso 2:3

Neswe bo:ne kara caribatiraga aamwi nabo mu kurigira kwe mibiri jeswe, nicikumisya okwenda kwo mubiri no kwa me:ganirisyo geswe, nicibaga aba:na ba risungu mu busimuka rwa bandi.

Yowana 12:31

Woryanu i:si inu eitemerwa eci:na. Woryanu Omukuru wa i:si inu kajo:kuirisisibwa emwira.

Baefeso 5:6

Omu:nu wo:ne asige kubabebeya ne misango ja kutyo era, kuba nijo ejire:ta risungu rya Nyamuanga ku banu batakungwa.

Yowana 8:44

Emwe muri ba:na be:somwana niwe Syetani, ka omwenda okukora okurigira kwesomwana. Oyo ni mwiti kuso:ka ku bwambiro, ka atakwikara mu bye cimari, okuba ebye cimari bitamurimo. Wora a:ika ebyo rurimi, ka:ika cinu eciso:ka mu byae, kwo kuba ni wa rurimi, na ka nesemwene orurimi.

Baefeso 4:22

Mu bya jintungwa ja kara, emwe mufu:re omu:nu wa kara unu kabora kurwo kurigira kwo rurimi.

1 Bakorinto 6:11

Ka na bandi mwimwe mwariga muri kutyo, nawe mwosibwe, nimwesibwa, nimuyabwa oburengeresi kurwa risi:na rya Ratabugenyi Yesu Kristo, na kubwo Mwoyo wa Nyamuanga weswe.

2 Bakorinto 4:4

Mungu wa magoro ganu aofufifye ame:so go bwenge bwebwe banu batakwikirisya, basige kwakirwa obweru bwe Bigambo byo bwana ebya rikusyo rya Kristo, niwe orususo rwa Nyamuanga.

1 Yoana 5:4

Okuba rinu co:ne ce:buywe na Nyamuanga eciiga i:si. No kuiga kunu kwaigire i:si nikwo okwikirisya kweswe.

1 Yoana 3:10

Mu musango gunu aba:na ba Nyamuanga ababu:risibwa na ba:na ba Syetani ati, omu:nu wo:ne unu atakukoraga burenge:resi oyo atari wa Nyamuanga, nakabee ari unu atakwenda mwana wa:bo.

1 Petero 1:14

Mube rwa ba:na abo:roro, musige kwisusanya rwo kurigira kwemwe kwa kara okwa mu butamenya bwemwe.

Obhusweruro 20:2

Nagwata riyoka, niyo injoka ya kara, inu eitogwa Mubeeresya na Syetani, namuboya myaka cisira,

1 Yoana 4:4

Emwe muri ba Nyamuanga, aba:na ba:ni abato:to. Ka murabaigire abo, okuba Unu ari mwimwe kakira obukuru unu ari mu:si.

1 Petero 4:3

Okuba ji:siku jinu jiraturire nijo jabe:ire okukora rwa kutyo aba:maanga abenda, no kuribatiraga mu buromesi, na mu namba, na mu kukorwa, na mu kuyerwa, na mu kunywanywa, no kuramya ebisusano ebibi:bi.

Bakolosai 1:21

Nemwe kara mwariga ba:maanga na baremo mu kwiganirisya kwemwe kurwe bikorwa byemwe ebibi:bi.

Bagalatia 1:4

Unu e:tegereyo kurwe bibi:bi byeswe, korereki acicungure mwiimbo rinu ribi:bi rya wori, rwa kutyo endere Rata Nyamuanga weswe.

Barumi 12:2

Musige kususanyibwa na be ca:ro cinu, nawe muindurwega okukorwa buya:ya ame:ganirisyo gemwe, korereki mumenye binu Nyamuanga kenda kutyo biri bye kisi, ne bikonde, ne biku:miye.

Yakobo 4:4

Emwe abaromerwa, ?mutakumenya ati, obusa:ni bwa i:si ni busoko ku Nyamuanga? Mbe omu:nu wo:ne akenda okuba musa:ni wa i:si ke:kora musoko wa Nyamuanga.

1 Bakorinto 5:10

Nitakwaika ati mwiŋaŋe kata abaromesi ba mu:si inu, amwi abarigisi, amwi abasa:kusi, amwi banu abaramya ebisusano. Kwenda biri kutyo, kwakabe:ire okuso:ka mu:si.

Ebikorwa 5:3

Nawe Petero na:ika ati, Anania, ?Syetani e:jusisyaki omutima gwao okubebeya Omwoyo Mweru, nubisako ku jinu ja:ma:so:kamo mwisambu?

Yowana 15:19

Mwakabae muri ba i:si, i:si yakendere ecayo. Nawe okuba mutari ba i:si, nawe anye nabasorere mu: si, i:si nikwo eikora ni:basoka.

Yowana 14:30

Nitaca:ika muno nemwe, okuba Omukuru wa i:si inu ka:ja, nawe atari na eci:nu kwanye.

2 Petero 2:14

Ame:so gebwe ge:juye oburomesi, nigarema okusiga ebibi:bi, nibakongyakongya emyoyo ja banu batarumire. Bari ne mitima jinu jinarire okurigira, ni ba:na be ci:imo.

Yowana 16:11

Kurwo kuramura, kwo kuba Omukuru wa i:si inu aramuywe.

Yowana 13:27

Wejire amara okuyabwa ritonge, Syetani namwingiramo. Mbe Yesu namubwira ati, Cinu oukora, kora bwangu.

Yowana 13:2

Anu bariga bacarya ebiryo bya mu ngeta, Syetani ariga amarire kara okumutamo mu mutima gwa Yuda Iskariote, Omwana wa Simoni, ati amuromere iniku.

Yowana 8:23

Nababwira ati, Emwe muri be mwaro, anye ndi wa inguru. Emwe muri ba mu:si munu, anye nitari wa mu:si munu.

Yowana 7:7

I:si itakutura kubiirirwa emwe, nawe eibiirirwa anye, okuba ena:ika ejendemo kutyo jiri, ati emirimu jendemo ni mibi:bi.

Matayo 13:38

Risambu niryo i:si. Imbibo yo bwana nibo aba:na bo bukama, nawe amagorogoro ni ba:na bo mubi:bi.

Obhusweruro 13:8

Na baririramya ba:nu bo:ne banu be:kae mu ca:ro, banu bo:ne amasi:na gebwe gatandikirwe mu citabo co buanga eco Mwana wa Ina:ma unu e:tirwe, kuso:kerera ku kuyangwa kwe ca:ro.

1 Yoana 3:8

Unu kakoraga ebibi:bi ni wa Syetani, okuba Syetani kakoraga ebibi:bi kuso:kerera ku bwambiro. Kwakorere Omwana wa Nyamuanga nabu:risi-bwa, korereki asimagisye emirimu ja Syetani.

Yakobo 1:7

Okuba omu:nu oyo ate:ganirisyaga ati, aribona ci:nu co:ne ku Ratabugenyi.

2 Timoteo 4:10

Okuba Dema ansigire, nenda ebya mu ca:ro cinu, nagenda Tesalonika. Kireseke nagenda Galatia, Tito nagenda Dalimatia.

Ebikorwa 19:35

Omwandiki wo musi ugwo, wejire ajibisya aba:nu na:ika ati, Emwe abamura ba Efeso, ?ni mu:nu ki unu atakumenya ati, omusi gwa Baefeso nigwo ogurinda iyekaru ya Aritemi Omukuru, ne cisusano cinu caguye okuso:ka mu rwire.

Ruuka 22:31

Ratabugenyi na:ika ati, Simoni, Simoni mbe Syetani kenda emwe abaungure rwo buro.

Ruuka 16:8

Mbe esebugenyi nakuya omubi:ki omurangirangi, okuba akora eco bwenge. Okuba aba:na ba magoro ganu ni bengeso mwiimbo ryebwe kukira aba:na bo bweru.

Matayo 11:19

Omwana wo mu:nu ejire narya no kunywa, niba:ika ati, Ni wa muru:ru unu na ni mukorwa, omusa:ni wa batobesya na be bibi:bi! Nawe obwengeso obuyabwa oburenge:resi kurwe bikorwa byabwo.

Obhusweruro 16:17

Maraika wa kata:nu na kabiri nasuka akabiga kae mu rutumba. Oburaka bunene nibuso:ka mu yekaru ku citebe ca iŋoma nibwaika ati, Byawa.

Obhusweruro 13:14

Niribebeya banu be:kae ku ca:ro kurwe bibarikisyo binu ryayabirwe okukora imbere ya rityanyi. Niribwira banu be:kae ku ca:ro ati bakorere rityanyi ecisusano, niryo rityanyi rinu ryariga na riuta ryo kufwa niriora.

Obhusweruro 12:9

Na riyoka rinene niryeswa, niryo riyoka rya kara, rinu eritogwa Mukurisya, niwe Syetani, unu kabebeya ca:ro co:ne. Ne:swa ku ca:ro, na bamaraika bae nibe:swa aamwi nage.

Matayo 13:22

Na oyo abibirwe mu mawa, niwe unu kongwa omusango, nawe okurumwarumwa ebye ca:ro no kubebeywa obuni:bi mbi:ganya omusango, nguremo:twasya.

Mariko 4:19

mbe, emifurubendo je ca:ro, no kubebeywa obuni:bi, no kurigira kwe bi:nu ebindi nibingira nibisoritya omusango, nigurema okutwasya.

Baefeso 1:21

namuta inguru muno kukira obutungi bwone no buinga bwone na managa go:ne no bukuru bwone, ne:si:na ryone rinu eritogorwa, tari mu magoro ganu era, nawe na mu ganu gari:ja.

Baefeso 2:11

Mbe mwicuke ati, emwe mwariga muri ba:maanga mu mubiri kara, banu mwatogwaga Batatendere na banu batogwaga Abatende mu mubiri, kunu okukorwa na mabako

Baefeso 2:13

Nawe woryanu mu Kristo Yesu, emwe banu mwariga kura kara, woryanu mwafugesibwe kurwa manyinga ga Kristo.

Baefeso 4:17

Mbe ena:ika nimbabwira mu Ratabugenyi ati, kuso:ka wori emwe musige kuribata rwa ba:maanga kutyo abaribata mu kwiganirisya kwa kutyo era,

Baefeso 5:8

Okuba mwariga cisu:te kara, nawe woryanu muri bweru mu Ratabugenyi. Mbe muribatega rwa ba:na bo bweru,

Yakobo 1:27

Idini yo bwana inu itariko ekomo imbere ya Nyamuanga Rata njii, okujo:rora abasigwa na batumba mu butaka bwebwe no kwibaririra areme okuba na makomo ga mu:si.