Baefeso 2:16 - INDAGANO INYA:YA

¹⁶ Korereki aba:ikanye ku bubiri ku Nyamuanga mu mubiri gumwi kurwo musaraba, okuba e:tire obusoko ku musaraba ogwo,

Indagano Inyaaya mu-Chijita

¹⁶ Ku‑njira ya orufu rwaye ku‑musarabha, ꞉aasingaarisiisye obhusoko, ˆnaagwatanya aamwi abhaanu bhabhiri okubha omuunu umwi na okubhagwatanya bhoone ku‑Nyamuwanga.

Baefeso 2:16 Referans Kwoze

Barumi 5:10

Okuba anu cariga cicari baremo, cagwatanyisibwe na Nyamuanga kurwo kufwa kwo Mwana wae, mbe okuba cagwatanyisibwe, okukira muno cirionyibwa no buanga bwae,

Bakolosai 2:14

Nasimya orwandiko rwa mu biragiro orwo kucibu:ra, runu rwariga no busoko kwiswe, naruso:sya aagati yeswe, narubambira ku musaraba.

Baefeso 2:15

Wejire amara okuso:syao obusoko kurwo mubiri gwae, nibyo ebiragiro bye mitungirwe jinu jiri mu kuragirira, korereki akore ababiri babe mu:nu umwi muya:ya mu Mwene, nikwo nakora omurembe.

Bagalatia 2:20

Nabambirwe ku musaraba aamwi na Kristo, mbe nawe niri muanga, nawe wori atari anye, nawe Kristo niwe omuanga mwanye. No buanga bunu ndinabwo wori mu mubiri, ndinabwo kurwo kwikirisya Omwana wa Nyamuanga, unu anyendere, ne:tegayo kubwani.

Barumi 8:3

Okuba Nyamuanga akorere binu ebiragiro bitaturire okuba ni birenga kurwo mubiri, natuma Omwana wae kurwe bibi:bi na:ja mu rususo rwo mubiri gwe bibi:bi, naramura ebibi:bi mu mubiri.

Barumi 8:7

Okuba okwiganirisya kwo mubiri ni busoko ku Nyamuanga, okuba kutakworobera biragiro bya Nyamuanga, amwi kutakutura kubyorobera.

Barumi 6:6

Cimenyere ati, omu:nu weswe wa kara abambirwe aamwi nage ku musaraba, korereki omubiri gwe bibi:bi gusimagire, eswe cisige kuba bagaya be bibi:bi rindi.

1 Bakorinto 10:17

Okuba omukate ni gumwi, neswe ciri ba:fu nawe ciri mubiri gumwi, okuba eswe bo:ne ecisangiraga mukate gumwi.

Baefeso 3:6

Ati, aba:maanga babe bari bo mwandu be:ja:bo, na bo mubiri gumwi, na banu basangiye omurago mu Kristo Yesu mu Bigambo byo bwana.

Baefeso 4:4

Omubiri ni gumwi, no Mwoyo ni umwi, rwa kutyo mwabirikiywe mu kwiikanya okumwi okwo kubirikirwa kwemwe.

Bakolosai 3:15

Mbe omurembe gwa Nyamuanga gutunge mu mitima jemwe, gunu mwabirikiriywe mu mubiri gumwi, mubega no kusi:ma.