Baefeso 2:10 - INDAGANO INYA:YA

¹⁰ Okuba eswe ciri mirimu jae banu camogeywe mu Kristo Yesu korereki cikore ebikorwa byo bwana, binu Nyamuanga aci:ra:biye kara korereki ciribatiregamo.

Indagano Inyaaya mu-Chijita

¹⁰ Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 2:10 Referans Kwoze

Bafilipi 2:13

Okuba Nyamuanga niwe kakora mwimwe, mwendega no kukora rwa kutyo asi:mire mu kwenda kwae.

Bakolosai 1:10

Muribatega rwa kutyo kwiire mu Ratabugenyi, nimumukondisya mu byone, mutwasyega amatwasyo mu mirimu jo:ne jo bwana, nimwiyongesyaga okumumenya Nyamuanga.

Baeburania 13:21

abaku:misye mu misango jo:ne ejo bwana, korereki mukorega binu kenda. Akorega mwiswe binu ebimukondera mu me:so gae kubwa Yesu Kristo. Oyo akusibwega kajanende na kajanende. Amina.

2 Bakorinto 5:17

Mbe omu:nu wo:ne akaba ari mu Kristo, ni cimogwa ciya:ya. Ebya kara byone byaoeo, rora byabee biya:ya.

2 Bakorinto 9:8

Mbe Nyamuanga katura okutarasya amabando gome kwimwe, korereki emwe mube na binu ebibamara byone mu misango jo:ne kusiku, korereki musagirire mu bikorwa byone ebyo bwana.

Baefeso 4:24

Mufware omu:nu omuya:ya, unu ayangirwe mu rususo rwa Nyamuanga mu burenge:resi na mu bweru bwe cimari.

Bafilipi 1:6

Nimenyere kara omusango gunu ati, Oyo ambire omurimu gwo bwana mwimwe, niwe arigukumisya kukinga ku rusiku rwa Yesu Kristo.

2 Timoteo 3:17

Korereki omu:nu wa Nyamuanga aku:mire, abe na byone binu bi:ire ku murimu gwone ogwo bwana.

Baefeso 4:1

Kwenikora nimbaremberesya, anye omuboywa mu Ratabugenyi, ati, muribatega rwa kutyo kwiire okubirikirwa kunu mwabirikiriywe,

2 Timoteo 2:21

Mbe, omu:nu ake:cumako ebyo, arabaga ci:nu ce cibaro, cinu ce:sibwe, na cinu ci:ire omwenenyumba okukoreraga, cinu cicumacumiywe omurimu gwone ogwo bwana.

Tiito 2:14

Oyo niwe e:teeyo kurweswe, korereki acicungure mu bumaya bwone, e:cumire aba:nu babe bae cimari, banu bakome:ree ebikorwa bye kisi.

Baefeso 1:4

Rwa kutyo acisoree mu mwene, i:si icari kumogwa, eswe cibe be:ru banu batariko esoro imbere yae mu kwenda.

1 Timoteo 6:18

Bakorega ebye kisi, babega bani:bi mu bikorwa byo bwana, babega bangu kugaba, no kusangira ebi:nu.

Tiito 3:14

Abeswe be:igire okwikomesya mu bikorwa byo bwana korereki basakire mu bukene, basige kuburwa amatwasyo.

Baeburania 10:24

Na ci:ganirisyanyega eswe abene:ra korereki cikome:syanye okwenda no kukora ebyo bwana.

Tiito 3:8

Omusango gunu ni mwiikanyibwa. Enenda awe ukome:sye kata ebigambo binu ati, banu abe:kirisya Nyamuanga bakabuke okukome:ra mu bikorwa byo bwana. Ebyo ni bya kisi ka birengere aba:nu.

Bakolosai 3:10

nimufwara omu:nu omuya:ya, unu kakorwa buya:ya mu kumenya, rwo rususo rwa Unu amuyangire.

Tiito 2:7

Mu byone wiyeresyega rwe cirorero ce bikorwa byo bwana. Niwiyeresyega okuba wo bwima mu kwiigisya, na we cibaro.

1 Bakorinto 3:9

Okuba eswe ciri bakosi be:ja:bo ba Nyamuanga. Muri esambu rya Nyamuanga, muri nyumba inu yombakirwe na Nyamuanga.

1 Petero 2:12

Mube na jintungwa jemwe je kisi mu ba:maanga, korereki nakabee ababa:ikako rwa bakosi be bibi:bi, nawe bakusye Nyamuanga mu rusiku rwo kurorwa, okuba barorere ebikorwa byemwe ebyo bwana.

Tiito 3:1

Ube:cukyega okworoberaga abatungi na bakuru no kubongwa, bamaririrega okukora omurimu gwone ogwo bwana.

1 Yoana 2:6

unu ka:ika ati, nimurimo, kumwiire omwene one aribatega rwo Mwene kutyo a:ribataga.

Matayo 5:16

Nikwo kutyo obweru bwemwe bwakega imbere ya ba:nu, barorega ebikorwa byemwe byo bwana, korereki bakusye Esomwana unu ari mu rwire.

Yowana 3:21

Nawe unu kakora ebye cimari ka:ja mu bweru korereki ebikorwa byae biboneke ati, byakoreywe mu Nyamuanga.

2 Batesalonika 2:17

abasi:ri:sye emitima jemwe, abarumyega mu bikorwa byone byo bwana, na mu misango jo:ne jo bwana.

Barumi 8:29

Okuba banu ariga amenyere kuso:ka kara, nibo aba:uye kuso:ka kara basusanyibwe no rususo rwo Mwana wae, korereki abe wo bubere mu ba:na ba:bo ba:fu.

Ebikorwa 9:31

Mbe jikanisa nijibona omurembe mu Buyaudi yo:ne na mu Galilaya na mu Samaria, nijumbakwa mu byo mwoyo nijiribata mu ku:baya Ratabugenyi, na mu kusi:ri:sibwa kwo Mwoyo Mweru, nijiyongesya.

2 Bakorinto 5:5

Nawe unu acikorere kurwo musango gunu ni Nyamuanga, unu aciyae Omwoyo rwe co kugwatirisya.

1 Timoteo 5:25

Nikwo kutyo ebikorwa bye kisi ebya bandi ebiboneka abweru, na binu bitari kutyo bitakutura kubiswa.

1 Timoteo 2:10

Nawe be:cume ne bikorwa byo bwana, rwa kutyo kwiire abagasi banu abe:toga baramya ba Nyamuanga.

1 Timoteo 5:10

Abe unu ka:ikwa kisi kurwe bikorwa byo bwana, araba arerere aba:na, araba akumire abagenyi, araba aro:sisye ebigere bya be:ru, araba arasakiye banu abanya:sibwa, araba e:kome:sisye mu bikorwa byone byo bwana,

1 Yoana 1:7

Nawe cikaribatira mu bweru, rwo Mwene kutyo ari mu bweru, ecisangira eswe abene:ra, na manyinga go Mwana wae Yesu Kristo agace:sya ebibi:bi byone.

Ebikorwa 9:36

Mbe mu Yopa ariga:rio mwiigisibwa umwi, risi:na ryae Tabisa, obugajuro bwaryo ati Dorika (kasosoji). Omugasi uyo ariga e:juye ebikorwa byo bwana ne biyanwa binu aso:syaga.

Bagalatia 6:15

Okuba okutendwa citari ci:nu, nakabee kuri kurema kutendwa, nawe ni cimogwa ciya:ya.

Barumi 8:1

Mbe woryanu itario ntambara kwabo bari mu Kristo Yesu.

Baefeso 2:2

Binu mwaribatiragamo kara rwa magoro ge ca:ro rinu kutyo gari, nimuru:baga ebyo mukuru wo buinga bwa mu rutumba, nigwo omwoyo gunu ogukora woryanu mu ba:na bo butongwa.

Baefeso 1:1

Anye Paulo, unu ndi ntumwa ya Yesu Kristo, enibandikira emwe abe:ru banu bari mu Efeso na banu abe:kirisya Kristo Yesu.

Baefeso 2:6

Nacisu:rura aamwi nage, nacinyanja aamwi mu rwire mu Kristo Yesu.

Baefeso 2:13

Nawe woryanu mu Kristo Yesu, emwe banu mwariga kura kara, woryanu mwafugesibwe kurwa manyinga ga Kristo.

Baefeso 2:15

Wejire amara okuso:syao obusoko kurwo mubiri gwae, nibyo ebiragiro bye mitungirwe jinu jiri mu kuragirira, korereki akore ababiri babe mu:nu umwi muya:ya mu Mwene, nikwo nakora omurembe.