Baefeso 1:7 - INDAGANO INYA:YA

⁷ Mu mwene ciri no kucungurwa kweswe kurwa manyinga gae, nikwo okwiswaririrwa kwe bikayo byeswe, rwo buni:bi bwe cigongo cae kutyo buri.

Indagano Inyaaya mu-Chijita

⁷ Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Baefeso 1:7 Referans Kwoze

1 Petero 2:24

Niwe agegere ebibi:bi byeswe kwiti mu mubiri gwae omwene, eswe banu cafu:ye ku bibi:bi korereki cibega baanga ku burenge:resi. Mwaonyibwe kurwa mauta gae.

Barumi 3:24

Nibabarirwa oburenge:resi kutyo era mu cigongo cae, ku njira yo bucungusi bunu buri mu Yesu Kristo.

Bakolosai 1:14

Mu Mwene nimwo ciri no kucungurwa kweswe, nikwo okwiswaririrwa ebibi:bi byeswe.

Baeburania 9:22

Na mu bira:giro uti bi:nu byone ebyesibwa no rwamba. No rwamba rukarema okwitwa mbe no kwiswaririrwa kutariwo.

Matayo 26:28

Okuba cinu nigo amanyinga gani aga indagano, ganu agaurura kurwa ba:fu kurwo kwiswaririrwa ebibi:bi.

Obhusweruro 5:9

Nibemba orwimbo oruya:ya, niba:ika ati, Awe wiire okugega ecitabo no kusurumura ebiboero byaco, okuba we:tirwe, nu:gurira Nyamuanga aba:nu ba mu ŋanda jo:ne, na mu nyaika jo:ne, na mu nyami jo:ne ja ba:nu, na mu maanga go:ne, kurwa manyinga gao,

1 Yoana 2:12

Enibandikira emwe aba:na bato:to, okuba mweswaririywe ebibi:bi byemwe kurwa risi:na ryae.

Bafilipi 4:19

Nyamuanga wani arabayanaga byone binu mukenere, rwo buni:bi bwae mwikusyo kutyo buri mu Kristo Yesu.

Baefeso 2:7

Korereki mu magoro ganu garija e:resye obuni:bi bwafu muno obwe cigongo cae mu bufura bunu buri kwiswe mu Kristo Yesu.

1 Bakorinto 1:30

Nawe ku Mwene emwe mwabwene okuba mu Kristo Yesu, unu Nyamuanga akorere okuba bwenge bweswe no burengeresi bweswe, no kwesibwa kweswe, no kucungurwa kweswe.

Baefeso 3:16

abayane emwe okurumibwa na managa mu Mwoyo wae mu mu:nu wa munda, rwo buni:bi bwa rikusyo ryae kutyo buri,

2 Bakorinto 8:9

Okuba mumenyere ecigongo ca Ratabugenyi Yesu Kristo ati, nakabee ariga:ri muni:bi, nawe naba mutaka kurwemwe, korereki emwe mube bani:bi kurwo butaka bwae.

Barumi 2:4

?Tere amwi ougaya obuni:bi bwo bwira bwae, no kwigumirisya kwae, no kurindirira kwae, si utakumenya ati, obwira bwa Nyamuanga obukurerta mu kuta?

1 Yoana 2:2

No:yo niwe eco:go kurwe bibi:bi byeswe. Amwi tari kurwe bibi:bi byeswe era, nawe kurwa ba:nu bo:ne aba mu ca:ro.

Tiito 2:14

Oyo niwe e:teeyo kurweswe, korereki acicungure mu bumaya bwone, e:cumire aba:nu babe bae cimari, banu bakome:ree ebikorwa bye kisi.

Ebikorwa 2:38

Petero nababwira ati, Nimute, mubatijibwe buri mu:nu mwisi:na rya Yesu Kristo, korereki mwiswaririrwe ebibi:bi byemwe, omujo:kuyabwa eciyanwa co Mwoyo Mweru.

Matayo 20:28

Rwa kutyo Omwana wo mu:nu ate:jire kufurubenderwa, tari okufurubenda no kuso:sya obuanga bwae korereki acungure ba:nu ba:fu.

1 Yoana 4:10

Okwenda kuri ati, tari ati eswe cendere Nyamuanga, nawe Omwene niwe acendere, natuma Omwana wae abe co:go kurwe bibi:bi byeswe.

Ebikorwa 20:28

Mwirindega emwe abene, na riijo ryone rinu Mwoyo Mweru abateeo emwe murirojega, no kure:baga ikanisa ya Nyamuanga inu agurire na manyinga gae Omwene.

1 Petero 3:18

Okuba na Kristo one anya:sibwe rumwi era kurwe bibi:bi. Omurenge:resi nanya:sibwa kubwa banu batari barenge:resi, korereki acire:te ku Nyamuanga. E:tirwe mu mubiri, nawe nakorwa muanga mu mwoyo.

Baefeso 3:8

Nanye omuto:to kukira abato:to ba mu be:ru bo:ne, nayabirwe ecigongo cinu ati, nisimure mu ba:maanga obuni:bi bwa Kristo bunu butana bute:ro.

Ebikorwa 10:43

Oyo abaragi bo:ne abamwimako ati, Kwisi:na ryae mu:nu wo:ne unu kamwikirisya, ke:swaririrwa ebibi:bi.

Yowana 20:23

Unu wo:ne muriso:syako ebibi:bi, ariso:sibwako, na unu wo:ne muriboyera ebibi:bi byae, arabaga aboyeyweko.

Mariko 14:24

Nababwira ati, Ganu ni manyinga gani aga indagano inya:ya ganu agaurura kurwa ba:nu ba:fu.

Tiito 3:6

kunu aci:tururiyeko bwafu, kubwa Yesu Kristo Mukisya weswe,

1 Timoteo 2:6

unu e:tegereyo acungure bo:ne, orusingiro rubeo mu mwanya gwarwo.

Bakolosai 2:13

Nemwe anu mwariga mufu:ye kurwe bikayo byemwe, no kuremo:tendwa kwe mibiri jemwe, abakorere baanga aamwi nage, wejire amara okuci:swaririra ebikayo byeswe byone.

Bakolosai 2:2

Korereki emitima jebwe jisi:ri:sibwe, baumbwe aamwi mu kwendana, bakinge ku buni:bi bwone obwo kusombo:kerwa no kumenya kata, bamenye obumbise bwa Nyamuanga niwe Kristo.

Bakolosai 1:27

Banu Nyamuanga endere okube:resya obuni:bi bwa rikusyo ryo bumbise bunu kutyo buri mu ba:maanga, nibwo Kristo mwimwe, nikwo okwiikanya kwa rikusyo.

Baefeso 2:4

Nawe Nyamuanga okuba niwe omuni:bi we cigongo kurwo kwenda kwae kwafu kunu acendere eswe,

Barumi 9:23

Korereki e:resye obunibi bwa rikusyo ryae ku bimogwa bye cigongo, binu e:ra:biye ecibaro kuso:ka kara,

Ebikorwa 3:19

Mbe nimute mucu:ke, ebibi:bi byemwe korereki bisimibwe, amagoro go kufuŋama gaje okuso:ka imbere ya Ratabugenyi.

Ruuka 24:47

Na ba maanga go:ne barira:sibwa okuta no kwiswaririrwa kwe bibi:bi mwisi:na ryani, okwambira mu Yerusalemi.

Ruuka 1:77

No kubamenyesya aba:nu bae omweruro Mu kube:swaririra ebibi:bi byebwe.

Obhusweruro 14:4

Abo nibo bate:jabiasisye ku bagasi, okuba ni be:baririsi. Abo nibo abaru:ba Omwana wa Ina:ma wo:ne wo:ne enu kagenda. Nibo bagurirwe mu ba:nu babe mutongoro ku Nyamuanga na ku Mwana wa Ina:ma.

Baefeso 1:6

Korereki rikuibwe rikusyo rye cigongo cae cinu aciyae kutyo era mu:yo Omwendwa.

Matayo 6:12

Uci:swaririre amabanja geswe, rweswe kutyo eci:swaririra banu ecitonga.

Barumi 3:25

Niwe Nyamuanga amuteeo okuba ngwatanya kurwa manyinga gae inu iriwo mu kwikirisya, korereki e:resye oburenge:resi bwae kurwo kurembekesya ebibi:bi binu byakorwaga kara, mu kwigumirisya kwa Nyamuanga.

Baefeso 1:8

Nico ecigongo cinu asagirisisye kwiswe mu bwenge bwone na mu kusombo:kerwa kwone.

Baefeso 1:14

Niwe ecigwatirisyo co mwandu gweswe, kukinga obutungi bwa Nyamuanga runu buricungurwa, rikusyo ryae rikuibwega.

Baefeso 1:18

Mwesibwega ame:so ge mitima jemwe, korereki mumenye okwiikanya kwo kubirikira kwae kutyo kuri, no buni:bi bwa rikusyo ryo mwandu gwae mu be:ru kutyo buri.