Baefeso 1:4 - INDAGANO INYA:YA

⁴ Rwa kutyo acisoree mu mwene, i:si icari kumogwa, eswe cibe be:ru banu batariko esoro imbere yae mu kwenda.

Indagano Inyaaya mu-Chijita

⁴ Okubha, Nyamuwanga ꞉aachisorere chibhe na obhumwi na Kirisito, noorwo achaari okubhumba echaaro, korereki mu‑ryenda ryaye chibhe abheeru bhanyamburwa esoro mu‑meeso gaaye.

Baefeso 1:4 Referans Kwoze

2 Timoteo 1:9

Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

Baefeso 2:10

Okuba eswe ciri mirimu jae banu camogeywe mu Kristo Yesu korereki cikore ebikorwa byo bwana, binu Nyamuanga aci:ra:biye kara korereki ciribatiregamo.

Matayo 25:34

Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si.

Yakobo 2:5

Mungwe, ba:na ba:su abendwa. ?Nyamuanga atasorere abataka ba mu ca:ro, babe bani:bi mu kwikirisya, barye omwandu gwo bukama bunu aragire banu abamwenda?

1 Petero 2:9

Nawe emwe muri rwiburo rusorwa, muri bagabisi be cikama, abo ruganda rweru, ka muri ba:nu bo butunge, korereki mukumusyega ebyo bwana bya Unu ababirikiye okuso:ka mu cisu:te mwingire mu bweru bwae obwo kurugu:ra.

Obhusweruro 13:8

Na baririramya ba:nu bo:ne banu be:kae mu ca:ro, banu bo:ne amasi:na gebwe gatandikirwe mu citabo co buanga eco Mwana wa Ina:ma unu e:tirwe, kuso:kerera ku kuyangwa kwe ca:ro.

Yowana 15:16

Tari imwe nemwe mwansorere anye, nawe nanye nabasorere emwe, nimbatao, mugende mutwasyega amatwasyo, na matwasyo gemwe ge:kareo, co:ne cinu murasabwaga Rata mwisi:na ryani, acibayanega.

1 Petero 1:2

Banu mwasorerwe rwa kutyo Nyamuanga Rata ambire okubamenya kara, nimwesibwa no Mwoyo, korereki mumworobere Yesu Kristo no kumijirwako amanyinga gae. Ecigongo no murembe biyongesye kwimwe.

1 Petero 1:20

Unu ariga amenyerwe kara, i:si icari kutu:rwako rufuka, nawe nabu:risibwa kurwemwe ku bute:ro bwa ji:siku.

Bakolosai 3:12

Mbe, okuba muri basorwa ba Nyamuanga, abe:ru na bendwa, mufwarega omwoyo gwe cigongo no bwira, no bworo:ro, no bufura, no kwigumirisya.

Bakolosai 1:22

Nawe woryanu aba:ikanyisye omure:bo mu mubiri gwae ogwe minofu mu kufwa, korereki abare:te emwe imbere yae, muri be:ru, mutariko esoro, amwi mutariko ca kwaikwako.

Baefeso 5:27

Korereki e:bonere ikanisa ye cibaro itariko ebara, nakabee iri funyo, amwi co:ne cinu ecisusana rwebyo, nawe ibe nyeru itariko burema.

Obhusweruro 17:8

Rityanyi rinu warora ryariga ririwo, ka ritariwo wori, eri:ja okuso:ka mu ryobo rinu ritana bute:ro nirigenda mu kubura. Na banu be:kae ku ca:ro, banu batandikirwe masi:na gebwe mu citabo co buanga, kuso:kerera anu i:si yayangirwe, nibo barirugu:ra ariba barora rityanyi rinu ryarigao, ka ritariwo, nawe ririsuba okubao.

Ebikorwa 13:48

Abamaanga wejire bongwa ebyo nibakonderwa, nibakusya omusango gwa Ratabugenyi. Nibe:kirisya bo:ne banu bate:yweo ku buanga bunu butakuwao.

Yowana 17:24

Rata, banu wananire, enenda ao niri anye, abene one babega nanye, barore rikusyo ryani rinu wananire, okuba wanyendere anye i:si icari kumogwa.

1 Batesalonika 4:7

Okuba Nyamuanga atacibirikiriye bujabi nawe ce:sibwe.

Bafilipi 2:15

Mube ba:na ba Nyamuanga, banu mutariko esoro, amwi burigerige, amwi cikayo, aagati ya riimbo rinu rikotakotere ne ryo butongwa, nemwe omuboneka rwo bweru bwa mu:si.

2 Timoteo 2:19

Nawe omusingi gwa Nyamuanga guri ao gurumire, guriko ecibarikisyo cinu ati, Ratabugenyi amenyere abae, na rindi ati, Unu wo:ne katogora risi:na rya Ratabugenyi, asige byo burangirangi.

Ebikorwa 18:10

Okuba anye ndi aamwi na:we, amwi atario mu:nu wa kukusyaka amwi kukukora kubi:bi. Okuba anye ndi na ba:nu ba:fu mu musi gunu.

2 Timoteo 2:10

Kwenikora ninigumirisya byone kurwa basorwa, korereki abene one babone omweruro gunu guri mu Kristo Yesu aamwi na rikusyo rya kajanende.

Baefeso 4:2

Muribatega mu bwikeya bwone, na mu bwororo, na mu kwigumirisya, nimwigumirisyanya no kwendana.

1 Bakorinto 1:8

Unu aribasimbagisya kukinga ku bute:ro, mutane:soro mu rusiku rwa Ratabugenyi Yesu Kristo.

Matayo 24:31

Na arituma bamaraika bae no buraka bunene obwa iŋombi, abo barikofya abasorwa bae kuso:ka mu miyaga ena, kuso:ka ku bute:ro bwo rwire no kukinga ku butero bwarwo.

Baefeso 5:2

Muribatega mu kwenda, rwa Kristo kutyo abendere emwe, ne:tegayo kurweswe naba ciyanwa ne co:go ku Nyamuanga, okuba ruunyo runu oruunya kisi.

Yowana 10:16

Na ka ndina jina:ma ejindi jinu jitari ja mwigutu rinu. Ejo one kunyiire okujire:ta. Jiryungwa riraka ryani, nijiba eijo rimwi, no mure:fi umwi.

1 Batesalonika 3:12

Nawe Ratabugenyi ongesye no kufufya okwendana kwemwe, no kwenda kwemwe ku ba:nu bo:ne, rweswe kutyo ecibenda emwe,

Baefeso 3:17

Kristo e:karega mu mitima jemwe kurwo kwikirisya, korereki mubega ne misi, murumibwega mu kwenda,

Bagalatia 5:13

Okuba emwe, ba:na ba:su, mwabirikiywe mube ne ci:bure, nawe eci:bure cemwe cisigega kukorera omubiri, nawe mukoranirega emwe abene:ra mu kwendana.

Barumi 8:33

?Niga unu aribabu:ra abasorwa ba Nyamuanga? Nyamuanga niwe unu kababarira oburenge:resi.

Matayo 24:24

Okuba bari:ja bakristo bo rurimi na baragi bo rurimi. Barikora ebibarikisyo binene ne birugu:ro, korereki bakatura, bababebeye na basorwa one.

Matayo 24:22

Ji:siku ijo jija jitabuturwako, atakaonere mu:nu wo:ne. Nawe kurwa abasorwa jiributurwako ji:siku ijo.

1 Yoana 4:16

Eswe cimenyere na ka ce:kirisisye okwenda kunu Nyamuanga acendere. Nyamuanga niwe okwenda. Unu ke:kara mu kwenda, oyo ke:kara mu Nyamuanga, na Nyamuanga ke:kara mu mwene.

2 Petero 3:14

Mbe abendwa, okuba omurindirira ebyo, mukome:rega korereki abasange mu murembe mutariko ebara amwi mutariko esoro.

Bakolosai 2:2

Korereki emitima jebwe jisi:ri:sibwe, baumbwe aamwi mu kwendana, bakinge ku buni:bi bwone obwo kusombo:kerwa no kumenya kata, bamenye obumbise bwa Nyamuanga niwe Kristo.

Bagalatia 5:22

Nawe amatwasyo go Mwoyo ni ganu, okwenda, no kukonderwa, no murembe, no kwigumirisya, no bwira, no bufura, no kwiikanyibwa,

Bagalatia 5:6

Okuba mu Kristo Yesu okutendwa kutari ci:nu, nakabee buri butatendwa, nawe ni kwikirisya kunu okukora mu kwenda.

Ebikorwa 15:18

Nikwo kutyo ka:ika Ratabugenyi unu e:resyaga ebigambo binu kuso:kerera kara.