Baeburania 1:3 - INDAGANO INYA:YA

³ Oyo niwe okuse:ka:na kwa rikusyo ryae, no rususo rwae kata kutyo ari, na ka niwe agumisye ebi:nu byone no musango gwo buinga bwae. Oyo wejire amara okukora eco kwesya ebibi:bi, nenyanja ku kuboko kwe buryo okwa Nyabuinga mu rwire.

Indagano Inyaaya mu-Chijita

³ Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Baeburania 1:3 Referans Kwoze

Obhusweruro 4:11

Awe Ratabugenyi na Nyamuanga weswe, awe wiire okuramira rikusyo ne cibaro no buinga, okuba awe wayangire byone, nibiyangwa nibibao kurwo kwenda kwao.

Yowana 1:14

Omusango naba mubiri, ne:kara kwiswe, nicirora rikusyo ryae, niryo rikusyo rya Unu ebuywe umwi enyere:ra na Rata, e:jue ecigongo ne cimari.

2 Bakorinto 4:4

Mungu wa magoro ganu aofufifye ame:so go bwenge bwebwe banu batakwikirisya, basige kwakirwa obweru bwe Bigambo byo bwana ebya rikusyo rya Kristo, niwe orususo rwa Nyamuanga.

Baeburania 12:2

Nicirore:era Yesu, niwe Omwambi no Mukumisya wo kwikirisya kweswe, Unu okuba akondereywe binu byateywe imbere yae, ne:gumirisya omusaraba, nagaya amaswaro, nenyanja ku kuboko kwe buryo okwe citebe ca iŋoma eca Nyamuanga.

Yowana 1:4

Obuanga bwariga mu Mwene. No buanga nibuba obweru bwa ba:nu.

Baeburania 10:12

Nawe Oyo wejire amara okutamba eco:go cimwi era eca kajanende kurwe bibi:bi, mbe niwo nenyanja ku kuboko kwe buryo okwa Nyamuanga.

Yuuda 1:25

ku Nyamuanga umwi era, niwe Omukisya weswe, rikusyo ribega ku Mwene kubwa Ratabugenyi Yesu Kristo, no bukuru, na managa, no buinga, kuso:ka kari:ja na kari:ja, na ka wori na kukinga kajanende ko:ne. Amina.

Baeburania 9:26

Okuba bikaba kutyo, kwakamwiire okunya:sibwaga kwiya ka:fu kuso:kerera ku kuyangwa kwa i:si. Nawe woryanu ku butero bwa magoro abu:risibwe rumwi era, korereki e:tambe omwene kuba co:go co kuso:sya ebibi:bi.

1 Yoana 1:7

Nawe cikaribatira mu bweru, rwo Mwene kutyo ari mu bweru, ecisangira eswe abene:ra, na manyinga go Mwana wae Yesu Kristo agace:sya ebibi:bi byone.

Baeburania 4:14

Mbe cirumyega binu ce:kirisisye, okuba ciri no mugabisi Omukuru unu engiye mu rwire, niwe Yesu Omwana wa Nyamuanga.

1 Yoana 3:5

Ka mumenyere ati, Omwene a:bu:risibwe korereki aso:syeo ebibi:bi na mu Mwene citarimo cibi:bi.

2 Petero 1:16

Okuba eswe cita:ru:bire sumo jinu jate:me:kerwe mu bwengebwenge anu cariga nicibamenyesya obuinga bwa Ratabugenyi Yesu Kristo no ku:ja kwae, nawe carorere amakanyo gae na me:so geswe.

1 Petero 3:22

Niwe agendere mu rwire, ari ku kuboko kwe buryo okwa Nyamuanga, bamaraika na batungi na ba managa nibai:nywa emwaro yae.

1 Petero 1:21

Kubwae emwe mwekirisisye Nyamuanga unu amusu:ruye mu bafu:ye namuyana rikusyo, korereki okwikirisya kwemwe no kwiikanya kwemwe bibe ku Nyamuanga.

Baeburania 8:1

Mbe mu misango jinu ca:ikire, omunene ni gunu ati, Ciri no mugabisi Omukuru unu ari kutiyo, unu enyanjire ku kuboko kwe buryo okwe citebe ca iŋoma eco Bukuru, mu rwire,

Mariko 16:19

Mbe Ratabugenyi Yesu ejire amara okwaika nabo nagegwa mu rwire, nenyanja ku kuboko kwe buryo kwa Nyamuanga.

Obhusweruro 3:21

Unu kaiga ndimuyana okwiyanja aamwi nanye ku citebe ca:ni eco bukama, rwanye one kutyo naigire nininyanja aamwi na Rata ku citebe cae eco bukama.

Baeburania 7:27

Oyo ata:kenere kuso:sya byogo kusiku, okwamba kurwe bibi:bi byae omwene, niwo kurwe bibi:bi bya ba:nu, rwa bagabisi abakuru bariya kutyo bakoraga, okuba Omwene akorere kata rumwi era, ne:tegayo omwene kuba co:go.

Ebikorwa 2:33

Mbe, wejire amara okuku:ibwa ku kuboko kwe buryo okwa Nyamuanga, nayabwa omurago gwo Mwoyo Mweru Kwisemwene, mbe niwo nabe:tururira cinu omurora no kucungwa woryanu.

Yowana 1:29

Mwejo Yoana narora Yesu namu:jako, na:ika ati, Rora, Omwana wa Ina:ma wa Nyamuanga, Unu kaso:syao ebibi:bi bye ca:ro.

Bakolosai 3:1

Araba mwasu:kiye aamwi na Kristo, mbe muyenjega binu biri inguru anu Kristo enyanjire ku kuboko kwe buryo kwa Nyamuanga.

Barumi 8:34

?Niga unu kabaramura? Kristo niwe unu afu:ye, yee no kukirao, asu:kire, kari ku kuboko kwe buryo okwa Nyamuanga, kacisabirwaga.

Ebikorwa 7:56

Na:ika ati, Enirora orwire rwigukire, no Mwana wo mu:nu emereguyu ku kuboko kwe buryo kwa Nyamuanga.

Barumi 1:16

Okuba Ebigambo byo bwana bitakunswasya, okuba ni buinga bwa Nyamuanga bunu obure:ta omweruro ku mu:nu wo:ne unu ke:kirisya, okwambira ku Muyaudi na ku Mugiriki one.

Baeburania 9:16

Okuba indagano yo mwandu ikaba iriwo, ni busibusi kubeo okufwa kwa unu aragire.

Matayo 22:24

Niba:ika ati, Omwiigisya, Musa a:ikire ati, Omu:nu arafwaga akaba atari na ba:na, Omwana wabo atware omugasi wae, e:burire Omwana wabo aba:na.

Tiito 2:14

Oyo niwe e:teeyo kurweswe, korereki acicungure mu bumaya bwone, e:cumire aba:nu babe bae cimari, banu bakome:ree ebikorwa bye kisi.

Baeburania 1:13

?Nawe arabwiriye maraika ki ati, Inyanja ku kuboko kwani okwe buryo, Kukinga runu ndikora abaremo bao Kuba rwe citebe ce bigere byao?

2 Petero 1:17

Okuba Nyamuanga Rata a:muyanire ecibaro na rikusyo, wejire riraka ryaso:ka mwikusyo ryafu nirimwaika ati, Unu niwe Omwana wani omwendwa unu enikondererwa muno.