1 Petero 4:2 - INDAGANO INYA:YA

² Mukore kutyo korereki mumare ji:siku jemwe mu mubiri jinu jicasigaeo, tari rwa kutyo aba:nu abarigira, nawe rwa kutyo Nyamuanga kenda.

Indagano Inyaaya mu-Chijita

² Ku‑njira eyo, jisiku jaaye joone jinu jisigaaye omwene okwikara ku‑chaaro kunu, ariikara rwa kutyo Nyamuwanga keenda, kutari okuruubha obhurigire bhwa echinyamuunu.

1 Petero 4:2 Referans Kwoze

1 Petero 1:14

Mube rwa ba:na abo:roro, musige kwisusanya rwo kurigira kwemwe kwa kara okwa mu butamenya bwemwe.

Baefeso 6:6

Mutakoreraga ndorerwa, rwa banu abenda okusi:mwa aba:nu, nawe mukorega no mutima binu Nyamuanga kenda, rwa bagaya ba Kristo.

Barumi 6:11

Nilwo kutyo emwe one mwibarega ati murafu:ye ku bibi:bi, nawe muri baanga ku Nyamuanga mu Kristo Yesu.

2 Bakorinto 5:15

Mbe afwiriye bo:ne korereki abaanga basigega kuba baanga rindi kubwebwe abe:ne:ra, tari kubwa Unu afu:ye nasu:ka kubwebwe.

Baefeso 2:3

Neswe bo:ne kara caribatiraga aamwi nabo mu kurigira kwe mibiri jeswe, nicikumisya okwenda kwo mubiri no kwa me:ganirisyo geswe, nicibaga aba:na ba risungu mu busimuka rwa bandi.

Barumi 6:2

Uri na katyari. ?Eswe banu cirafu:ye ku bibi:bi, je ciramemo rindi kutiki?

Baefeso 4:17

Mbe ena:ika nimbabwira mu Ratabugenyi ati, kuso:ka wori emwe musige kuribata rwa ba:maanga kutyo abaribata mu kwiganirisya kwa kutyo era,

Barumi 14:7

Okuba atario mwiswe unu kaba muanga kubwae era, na ka atario unu kafwa kubwae era.

1 Petero 2:1

Mbe mutega kura orwango rwone no burigerige bwone, no rurimi, na rifuwa, no kwaika kubi:bi kwone.

Yowana 7:17

Omu:nu akenda okukora wuriya binu kenda, arimenya okwiigisya kunu araba kwaso:kere ku Nyamuanga, araba ena:ika ebyani era.

Mariko 7:21

Okuba mu mitima ja ba:nu, nimwo agaso:ka ame:ganirisyo amabi:bi, no busengi no kwiba, no kwita, no kuromera,

Mariko 3:35

Okuba mu:nu wo:ne unu arakoraga jinu Nyamuanga kenda, oyo niwe omumura wa:su no muyara wa:su na mai.

1 Yoana 2:17

Ka i:si eiwao aamwi no kurigira kwayo, nawe unu kakora binu Nyamuanga kenda, oyo ke:kara kajanende.

Yakobo 1:18

Niwe aci:buye no musango gwae rwa kutyo akarariye, korereki cibe rwo mutongoro gwa binu ayangire.

Baeburania 13:21

abaku:misye mu misango jo:ne ejo bwana, korereki mukorega binu kenda. Akorega mwiswe binu ebimukondera mu me:so gae kubwa Yesu Kristo. Oyo akusibwega kajanende na kajanende. Amina.

1 Batesalonika 5:18

Musi:mega mu byone, okuba okwo nikwo Nyamuanga kenda kwimwe mu Kristo Yesu.

Bakolosai 1:9

Neswe kwecikora niciremo:siga okubasabirwa, kuso:ka ku rusiku runu conguywe, nicibaremberesisya, korereki mwijusibwe okumenya binu kenda, mu bwenge bwone na mu kusombo:kerwa kwo mwoyo.

Baefeso 5:17

Mbe mutabaga banu batana bwenge, nawe musombo:kerwe binu Ratabugenyi kenda kutyo biri.

Barumi 12:2

Musige kususanyibwa na be ca:ro cinu, nawe muindurwega okukorwa buya:ya ame:ganirisyo gemwe, korereki mumenye binu Nyamuanga kenda kutyo biri bye kisi, ne bikonde, ne biku:miye.

Barumi 7:4

Nyaburiko, ba:na ba:su, emwe one mwafu:ye ku biragiro kurwo mubiri gwa Kristo, mugwatanyibwe no undi niwe Oyo asu:rukire mu bafu:ye, korereki cimutwasisye Nyamuanga amatwasyo.

Yowana 1:13

Banu bate:buywe kurwa amanyinga nakabee kuri kwenda kwo mubiri, nakabee kuri kwenda kwo mu:nu, nawe be:buywe na Nyamuanga.

Matayo 21:31

?Kwabo bo:ne niga unu akoree esemwene binu endere? Niba:ika ati, Owo kwamba. Yesu nababwira ati, Ni cimari enibabwira ati, Abatobesya na bamaraya ababatangatira emwe okwingira mu bukama bwa Nyamuanga.

Matayo 12:50

Kwo kuba unu wo:ne kakora ebyo Rata wa mu rwire kenda, oyo niwe omumura wa:su no muyara wa:su na mai.

Matayo 7:21

Tari ati mu:nu wo:ne unu kambwira ati, Ratabugenyi, Ratabugenyi, nuwe aringira mu bukama bwa mu rwire, tari unu kakora ebyo Rata unu ari mu rwire binu kenda.

Bakolosai 4:12

Epafura niwe owewanyu, omugaya wa Kristo Yesu, niwe kabake:sya, kakome:ra okubasabirwa kusiku, korereki mwimereguru muku:miye na ka musombo:keywe byone binu Nyamuanga kenda.

Bakolosai 3:3

Okuba murafu:ye, no buanga bwemwe bubisirwe na Yesu mu Nyamuanga.

Matayo 20:4

Nababwira ati, Emwe one mugende mwisambu ryani rye mijabibu, na cinu cire:ya nje mbayane. Nibagenda.