1 Petero 4:10 - INDAGANO INYA:YA

¹⁰ Rwa kutyo buri mu:nu agabiywe eciyanwa, mufurubenderane emwe abene:ra, rwa babiki be kisi abe cigongo ca Nyamuanga ecindi ne cindi.

Indagano Inyaaya mu-Chijita

¹⁰ Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.

1 Petero 4:10 Referans Kwoze

Mariko 10:45

Okuba Omwana wo mu:nu one ate:jire kufurubenderwa, nawe e:jire okufurubendaga, no kuso:sya obuanga bwae bube cicunguriro ca ba:nu ba:fu.

Baeburania 6:10

Okuba Nyamuanga atari murangirangi okuba atakurabirwa omurimu gwemwe, no kwenda kwemwe kurwa risi:na ryae, kunu mweresisye mu kukorera abe:ru, rwa kutyo mucakora.

1 Bakorinto 15:10

Nawe niri kutyo niri kurwe cigongo ca Nyamuanga. Ne cigongo cae cinu cariga kwanye cariga citari ca kutyo era. Nawe anye nakorere mirimu kukira bo:ne, nawe atari anye, nawe ni cigongo ca Nyamuanga cinu cariga mwanye.

1 Bakorinto 3:10

Anye nateeo musingi, rwo mumbaki Omukuru owo bwenge, rwe cigongo ca Nyamuanga cinu ananire kutyo ciri. No undi nombakako. Nawe omu:nu wo:ne akabuke kutyo kombakako.

Baefeso 4:11

Omwene nayana abandi okuba jintumwa, na bandi abaragi, na bandi abasimusi be Bigambo byo bwana, na bandi abare:fi na be:igisya,

Barumi 15:27

Okuba bakondeywe okukora kutyo, ka bariga bana ribanja ku bene. Okuba araba abamaanga abasangira nabo ebyo mwoyo, kube:ire okubafurubendera ebyo mubiri.

Tiito 1:7

Okuba omukaruka kumwiire kuba atariko esoro, okuba ni mubi:ki wa Nyamuanga. Abe mu:nu atari mukome:e, atari we:sungu, atari mukorwa, atari mubumi, atakurigira mabona.

Baefeso 3:8

Nanye omuto:to kukira abato:to ba mu be:ru bo:ne, nayabirwe ecigongo cinu ati, nisimure mu ba:maanga obuni:bi bwa Kristo bunu butana bute:ro.

Ruuka 12:42

Yesu na:ika ati, ?Mbe niga omubi:ki uyo omwiikanyibwa no wo bwenge, unu esebugenyi arisigira aba mu nyumba yae okubagabira omugabo gwebwe ogwe biryo mu mwanya gwabyo?

1 Bakorinto 4:7

?Okuba niga unu kakukora ati ukirire oundi? ?Ka uri na ki cinu utayanirwe? Nawe araba wayanirwe, ?niki cinu oukora niwikuisya uti araba utayanirwe?

Ruuka 19:13

Nabirikira abagaya bae ekumi, nabayana ratiri ekumi ja jimpirya na:ika ati, Mwibusyegamo kukinga anu ndijira.

Ruuka 8:3

Na Joana muka Kuja, omubi:ki we bi:nu bya Erode, na Susana, na bandi ba:fu banu bamusakiraga ku bi:nu byebwe.

2 Bakorinto 6:1

Mbe, eswe banu ecikorera aamwi nage, enibaremberesya ati, musige kuramira ecigongo ca Nyamuanga kutyo era.

Barumi 15:25

Nawe woryanu enigenda Yerusalemi okufurubendera abe:ru.

Matayo 25:44

Mbe niwo abene one bariindura ati, Ratabugenyi, ?cakurorereri uri no mweko amwi uri no bwiro, anwi uri mugenyi, amwi uri tuyu, amwi urwae, amwi mu buboywa, nicirema okukufurubendera?

Matayo 20:28

Rwa kutyo Omwana wo mu:nu ate:jire kufurubenderwa, tari okufurubenda no kuso:sya obuanga bwae korereki acungure ba:nu ba:fu.

2 Timoteo 1:18

Awe umenyere kisi rwa kutyo anfurubendee mu Efeso. Ratabugenyi amufwire cigongo ca Ratabugenyi ku rusiku ruriya.

Matayo 24:45

?Mbe niga omugaya oyo omwiikanyibwa no wo bwenge, esebugenyi unu ateeo okukurira aba mu nyumba yae okubayanaga ebiryo byebwe mu mwanya gwabyo?

Matayo 24:14

Ne Bigambo byo bwana ebyo bukama birirasibwa mu ca:ro co:ne okuba rusingiro ku maanga go:ne. Mbe niwo obute:ro nibu:ja.

2 Bakorinto 9:1

Mbe mu byo kufurubendera abe:ru, nitakenere anye okubandikira.

Matayo 24:21

Okuba mu siku ijo iribao nya:ko nene, inu icariga kubao kuso:kerera ku bwambiro bwa i:si kukinga rero, ka itaribao rindi.

1 Petero 5:10

Mbe ariba mwamara okunya:sibwako mwanya muto:to, Nyamuanga aribaku:misya, nabarumya, nabayana managa. Niwe Nyamuanga we cigongo co:ne, unu ababirikiye mu Kristo korereki mwingire mwikusyo ryae rya kajanende.

1 Petero 5:12

Nabandikira inyaruba ye misango mito:to mu maboko ga Silwano owa:su omwikanyibwa rwa kutyo eni:ganirisya, nimbatongera, nimbabwira ati eco nico ecigongo ce cimari eca Nyamuanga. Mwimereguru murumire mu cigongo eco.

Matayo 25:17

Nikwo kutyo na unu ayabirwe jitaranta ebiri, nabonamo ebiri jindi.