1 Petero 3:8 - INDAGANO INYA:YA

⁸ Ebya ku bute:to, mubega bo:ne no kwiganirisya kumwi, mufwirane ecigongo, mwendane rwa ba inda eimwi, mubega bafura na bo:roro.

Indagano Inyaaya mu-Chijita

⁸ Ku‑bhuteero, enibhabhwira emwe bhoone ati, mubhe na obhwira bhumwi, mufwirane echigongo, mwendane rwa abha inda imwi, mubhe abhafura na mubhe abheekeeya.

1 Petero 3:8 Referans Kwoze

Barumi 12:10

Mwendanega uti ba nda imwi. Mu cibaro mu:nu wo:ne akusyega be:ja:bo.

1 Petero 1:22

Mwamarire okwiyesya emyoyo jemwe mu kworobera ebye cimari, nimukinga mu kwendana na ba:na ba:su kunu kutarimo burigerige. Mukome:rega okwendana mu mutima gwerere.

Baefeso 4:31

Okurura kwone na risungu no kubiirwa, na inyombo, no kufuma bibaso:keko aamwi no rwango rwone.

Yakobo 3:17

Nawe obwenge bunu obuso:ka inguru, okwamba bwerere, ka ni bwo murembe, ni bwo bwororo, ni bwangu kungwa, bwijuye ecigongo na matwasyo go bwana, amwi butana soro:re, amwi butana burigerige.

Baefeso 4:2

Muribatega mu bwikeya bwone, na mu bwororo, na mu kwigumirisya, nimwigumirisyanya no kwendana.

Bakolosai 3:12

Mbe, okuba muri basorwa ba Nyamuanga, abe:ru na bendwa, mufwarega omwoyo gwe cigongo no bwira, no bworo:ro, no bufura, no kwigumirisya.

1 Bakorinto 12:26

Na iŋingo eimwi ika:sibwa, jiŋingo jone nijasibwa aamwi nayo. Amwi iŋingo eimwi ikakusibwa, jiŋingo jone nijikonderwa aamwi nayo.

Matayo 18:33

?Na:we one kwariga kutakwiire kufwira ecigongo omugaya wejanyu rwanye kutyo nakufwiriye awe ecigongo?

1 Yoana 3:14

Eswe cimenyere ati, caso:kere mu kufwa nicingira mu buanga, okuba ecenda aba:na ba:su. Unu atana kwenda e:kae mu kufwa.

1 Bakorinto 1:10

Mbe enibe:remberesya, ba:na ba:su, kurwa risi:na rya Ratabugenyi Yesu Kristo, ati, bo:ne mwaikega gumwi no kwaukana kusigega kubao mwimwe, nawe mugwatanyibwega mu kwiganirisya kumwi na mu kurwaja kumwi.

Ebikorwa 4:32

Ne cise ca banu be:kirisisye bariga na mwoyo gumwi no mutima gumwi, amwi atabeeo mu:nu unu a:ikaga ati ebi:nu binu anabyo ni byae enyere, nawe bariga basangiye bi:nu byone.

1 Petero 5:5

Nyaburiko, nemwe abato:to mworoberega abakaruka. Mbe emwe bo:ne mwiboega obwororo, nimukorerana emwe abene:ra. Okuba Nyamuanga kayajana na be cigundu, nawe abo:roro kabayana ecigongo.

Baeburania 13:1

Mugumega okwendana na ba:na be:ja:su.

2 Petero 1:7

Na mu bwiyami bwemwe mwongesyega okwendana na ba:na banyu. Na mu kwendana na ba:na banyu mwongesyega okwenda.

1 Petero 2:17

Mubarega ba:nu bo:ne. Mwendega aba:su. Mu:bayega Nyamuanga. Mubarega omukama.

Yakobo 5:11

Mbe, ecibatoga ba ribando banu be:gumirisyaga. Mwonguywe ebyo kwigumirisya kwa Yobu, na ka mwarorere obukarae bwa Ratabugenyi, rwa kutyo Ratabugenyi ni wo bufura bwafu ne cigongo ca:fu.

Yakobo 2:13

Okuba unu atakufwira cigongo ariramurwa cigongo uri. Nawe ecigongo eci:ku:isya ku ntambara.

Bafilipi 3:16

Nawe ku cinu cakingireko, ciribatirega mwico.

Barumi 15:5

Na Nyamuanga wo kwigumirisya no wo kusi:ri:sya abayane okwiganirisya kumwi emwe abene:ra, rwa kutyo ari Yesu Kristo.

Ebikorwa 28:7

Gariga gario yei ao amasambu go mukuru wa risinga eryo, risi:na ryae Pubilio. Oyo nacikuma, nacima:mya kisi siku isatu.

Ebikorwa 27:3

Mwejo nicigoba Sidoni. Julio nakorera Paulo ebya kisi, namwikirisisya okugenda ku basa:ni bae bamwigane.

Ebikorwa 2:1

Mbe wejire rwaku:mira orusiku rwa Pentekote, bariga be:kofyanyisye bo:ne aamwi.

Ruuka 10:33

Nawe Omusamaria umwi ariga naribata naja anu ariga:ri. Wejire amurora namufwira ecigongo.

Baefeso 4:32

Mubega no bufura emwe abene:ra. Mubega no bwira, nimwiswaririrana, rwa kutyo Nyamuanga abe:swaririye emwe mu Kristo.

Bafilipi 2:3

Mutakoraga ci:nu co:ne kurwo kuyomba, nakabee kurwo kwikuya kutyo era, tari mu:nu wo:ne mu bwororo akusyega owejabo kukira omwene.