1 Petero 2:4 - INDAGANO INYA:YA

⁴ Mwejire ku:yo, niwe ribui rianga, rinu aba:nu baremere nawe Nyamuanga niwe arisorere, eryo bugusi burambu.

Indagano Inyaaya mu-Chijita

⁴ Mbe, mufogere ku‑Yeesu, omwene ari rwa ribhuyi riwanga rya okuumbakira. Ribhuyi eryo, abhaanu ꞉bhaariremere, nawe niryo Nyamuwanga ꞉aasorere, ka wone riri na obhurambu obhunene mu‑meeso gaaye.

1 Petero 2:4 Referans Kwoze

1 Petero 2:7

Mbe kwimwe banu mwekirisisye oyo ni wa bugusi burambu. Nawe ku banu batakwikirisya abee Ribui rinu abombasi baremere, Niryo ryabee ribui rinene rya ku sonde.

Bakolosai 3:4

Kristo niwe obuanga bweswe, ariba abu:risibwa, mbe nemwe one muribu:risibwa aamwi nage mwikusyo.

2 Petero 1:4

Kwibyo cayabirwe emirago jo bugusi burambu ne minene muno, korereki kurwebyo musangire obusimuka bwa Nyamuanga, wejire mwamara okuona mu bunyamuke bunu buri mu ca:ro kurwo kurigira.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

1 Petero 1:19

Nawe mwacunguriywe na manyinga go bugusi oburambu aga Kristo, rwa go mwana wa ina:ma unu atariko esoro nakabee riri:komo.

1 Petero 1:7

Korereki okusakwa kwo kwikirisya kwemwe kuboneke kuri no kusi:ma, na rikusyo ne cibaro mu kusweruka kwa Yesu Kristo. Okusakwa kwo kwikirisya ni kwa kisi okukira okwa ijaabu inu eiwao nakabee eisakwa mu muriro.

Barumi 5:10

Okuba anu cariga cicari baremo, cagwatanyisibwe na Nyamuanga kurwo kufwa kwo Mwana wae, mbe okuba cagwatanyisibwe, okukira muno cirionyibwa no buanga bwae,

Yowana 14:19

Gwasigaeo mwanya muto:to, i:si itakundora rindi. Nawe emwe omundora. Okuba anye ndi muanga, nemwe one muriba baanga.

Yowana 14:6

Yesu namubwira ati, Nanye injira, nanye okumasya, nanye obuanga. Atario unu ka:ja ku Rata, atari mwanye.

Yowana 6:57

Rwa Rata omuanga kutyo antumire, anye one rwa kutyo ndi muanga kurwa Rata, nikwo kutyo one unu kandya, ariba muanga kubwani.

Yowana 6:37

Bo:ne banu Rata kanana bari:ja kwanye, na unu ka:ja kwanye, nitarimuirisisya aanja na katyari.

Yowana 5:40

Ke:nu mutakwenda ku:ja kwanye mube no buanga.

Yowana 5:26

Okuba rwa Rata kutyo arimo buanga, nikwo kutyo amuyae Omwana one okubamo obuanga.

Matayo 21:42

Yesu nababu:sya ati, ?Mucariga kusoma mu binu byandikirwe ati, Ribui rinu abombasi baremere, niryo ryabee rinene rya ku sonde. Cinu caso:kere ku Ratabugenyi, ka ni cirugu:ro mu me:so geswe.

Matayo 12:18

Rora omukosi wani unu nasorere. Niwe omwendwa wani unu omwoyo gwani gukondereywe. Ndimutako omwoyo gwani, arigambira abamaanga eci:na.

Matayo 11:28

Mu:je kwanye, emwe bo:ne banu muigirwe no kusitoererwa nanye enijo:bafuŋamya.

1 Bakorinto 3:11

Okuba atario mu:nu unu katura okutao musingi ogundi, tari gunu gurateeyweo, niwe Yesu Kristo.