1 Petero 1:7 - INDAGANO INYA:YA

⁷ Korereki okusakwa kwo kwikirisya kwemwe kuboneke kuri no kusi:ma, na rikusyo ne cibaro mu kusweruka kwa Yesu Kristo. Okusakwa kwo kwikirisya ni kwa kisi okukira okwa ijaabu inu eiwao nakabee eisakwa mu muriro.

Indagano Inyaaya mu-Chijita

⁷ Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Petero 1:7 Referans Kwoze

Yakobo 1:12

Ari na ribando omu:nu unu ke:gumirisya okusakwa, okuba ariba aiga ariyabwa orutenga rwo buanga, runu Ratabugenyi aragire banu abamwenda.

1 Petero 4:12

Abendwa, mutarugu:raga okusakwa kunu kuri mwimwe, kunu okubasaka rwo muriro, uti mwarora ci:nu cigenyi.

Barumi 2:7

Abo abe:gumirisya okukora ebyo bwana nibayenja rikusyo ne cibaro no bunyatafwa, nibo bariyanwa obuanga bwa kajanende.

1 Bakorinto 3:13

Mbe omurimu gwa buri mu:nu guribu:risibwa, okuba orusiku rurya rurigubu:risya, okuba guriswerurirwa muriro. No muriro ogwene gurisaka omurimu gwa buri mu:nu kutyo guri.

Yuuda 1:24

Nawe ku Oyo katura okubarinda obute:ku:jura, no kube:meregusyu mutariko esoro imbere ya rikusyo ryae mu kusandaba,

2 Petero 1:4

Kwibyo cayabirwe emirago jo bugusi burambu ne minene muno, korereki kurwebyo musangire obusimuka bwa Nyamuanga, wejire mwamara okuona mu bunyamuke bunu buri mu ca:ro kurwo kurigira.

1 Petero 2:4

Mwejire ku:yo, niwe ribui rianga, rinu aba:nu baremere nawe Nyamuanga niwe arisorere, eryo bugusi burambu.

Matayo 25:21

Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa eso bugenyi.

Obhusweruro 3:10

Okuba wagwatire omusango gwani ogwo kwigumirisya, anye one ndikurinda usige kwingira mu mwanya gwo kusakwa gunu ogwenda oku:ja ku ca:ro co:ne okubasaka banu be:kae mu ca:ro.

Obhusweruro 2:10

Uto:bayaga okunya:sibwa kunu oujo:bona. Mbe, Syetani kajo:kwesa abandi mwimwe mu mabubusi, korereki musakwe. Murinya:sibwa siku ikumi. Ubega mwiikanyibwa kukinga kufwa, anye ndikuyana orutenga rwo buanga.

Obhusweruro 1:7

Rora, ka:ja na me:re. Ame:so go:ne garimurora, na banu ba:musomere barimurora. Na jiŋanda jo:ne ja mu ca:ro jiririra jimamu kubwae. Yee, Amina.

1 Bakorinto 4:5

Mbe mutatemaga eci:na co musango gwone jisiku jicari kwiya, okukinga runu Ratabugenyi ari:ja, unu arimurika binu bibisirwe ebya mu cisu:te, ka aribukisya okurwaja okwa mu mutima. Mbe niwo buri mu:nu aribona okusi:mwa kwae ku Nyamuanga.

Ebikorwa 8:20

Petero namubwira ati, Nu:fwe na mapirya gao, okuba we:togera ati, eciyanwa ca Nyamuanga ecigurwa na jimpirya.

Yowana 12:26

Omu:nu wo:ne akankorera, andu:be. Anu anye niri, eyo omukosi wani one niyo arabaga. Omu:nu wo:ne akankorera, Rata arimuyana ecibaro.

Yowana 5:44

Emwe omutura kutiki okwikirisya, nimwenda okuyabwa ecibaro emwe abene era, nimurema okuyenja ecibaro cinu eciso:ka ku Nyamuanga oumwi era.

Ruuka 12:33

Muka:ne binu muri nabyo, mugabire abakene. Mwibari:rire jinsagwa jinyatakokora, nibwo obuni:bi bunu butakuwao mu rwire, anu omwifi atakufugera, amwi amaenje gatakunyamura.

Matayo 25:23

Esebugenyi namubwira ati, Wakondya, uri mugaya wa bwana na mwiikanyibwa. Wariga mwiikanyibwa ku bito:to, ndikutungya byafu. Ingira mu kukonderwa kwa esobugenyi.

Matayo 19:28

Yesu nababwira ati, Ni cimari enibabwira ati, Mu kwiburwa kwa kabiri, orwo Omwana wo mu:nu ariyanja ku citebe ca rikusyo ryae, emwe one banu mwandu:bire muriyanja ku bitebe ekumi na bibiri nimutemera eci:na jiŋanda ekumi ne:biri eja Israeli.

Obhusweruro 3:18

Mbe nikubwire obwenge ati, nugure kwanye ijaabu inu yesibwe mu muriro, korereki uni:be. Ugure na jingubo jinyeru korereki ufware, jiswaro jo buju:re bwao jisige kuboneka. Ugure no muti gwo kubambaga ku me:so gao korereki urore.

2 Petero 1:1

Anye Simoni Petero, unu ndi mugaya na intumwa ya Yesu Kristo, enandikira banu babwene okwikirisya kwo bugusi burambu aamwi neswe mu bure-nge:resi bwa Nyamuanga no Mukisya weswe, niwe Yesu Kristo.

1 Petero 2:7

Mbe kwimwe banu mwekirisisye oyo ni wa bugusi burambu. Nawe ku banu batakwikirisya abee Ribui rinu abombasi baremere, Niryo ryabee ribui rinene rya ku sonde.

1 Petero 1:5

emwe banu omurindwaga no buinga bwa Nyamuanga kurwo kwikirisya, korereki mubone omweruro gunu gumaririye okuswerurwa mu siku ja ku bute:ro.

Barumi 2:29

Nawe Omuyaudi wa munda oyo niwe Omuyaudi, no kutendwa kwe cimari ni kwa mu mutima, na kwa mu mwoyo, tari kwa mu nyuguta. Okukuibwa kwae kutakusorka mu ba:nu, tari ku Nyamuanga.

Ruuka 17:30

Nikwo kutyo one jiriba ku rusiku runu Omwana wo mu:nu ariswerurwa.

Barumi 2:10

Nawe rikusyo ne cibaro no murembe biriba ku mu:nu wo:ne unu kakora ebye kisi, okwambira ku Muyaudi na ku Mugiriki one.

Barumi 8:19

Okuba ebimogwa byone ebirindirira nibiranga okuswerurwa kwa ba:na ba Nyamuanga.

1 Petero 1:13

Mbe mwiboega ebibunu byo bwenge bwemwe, mwikenge, nimwiikanya kata ecigongo cinu murire:terwa orwo Yesu Kristo arisweruka.

1 Petero 4:13

Nawe mukonderwega okuba musangiye mu kunya:sibwa kwa Kristo, korereki mukonderwe no kusandabira mu kusweruka kwa rikusyo ryae.

1 Petero 5:1

Mbe enibabwira abakaruka ba ikanisa banu bari mwimwe, okuba anye ndi mukaruka we:ja:nyu, na unu narorere jinya:ko ja Kristo, na ka nisangiye rikusyo rinu eryenda okuswerurwa.

2 Petero 3:14

Mbe abendwa, okuba omurindirira ebyo, mukome:rega korereki abasange mu murembe mutariko ebara amwi mutariko esoro.