1 Petero 1:5 - INDAGANO INYA:YA

⁵ emwe banu omurindwaga no buinga bwa Nyamuanga kurwo kwikirisya, korereki mubone omweruro gunu gumaririye okuswerurwa mu siku ja ku bute:ro.

Indagano Inyaaya mu-Chijita

⁵ Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

1 Petero 1:5 Referans Kwoze

Bafilipi 1:6

Nimenyere kara omusango gunu ati, Oyo ambire omurimu gwo bwana mwimwe, niwe arigukumisya kukinga ku rusiku rwa Yesu Kristo.

Baefeso 2:8

Okuba mwaonyibwe kurwe cigongo kurwo kwikirisya, amwi bitaso:kere kwimwe, nawe ni ciyanwa ca Nyamuanga.

1 Petero 1:13

Mbe mwiboega ebibunu byo bwenge bwemwe, mwikenge, nimwiikanya kata ecigongo cinu murire:terwa orwo Yesu Kristo arisweruka.

Yuuda 1:1

Anye Yuda, unu ndi mugaya wa Yesu Kristo no mwana wa:bo Yakobo, enandikira banu babirikiywe, abendwa mu Nyamuanga Rata, na banu abarindwa kurwa Yesu Kristo.

Baeburania 9:28

Na Kristo nyaburiko, unu aso:sibwe rumwi era kuba co:go korereki agege ebibi:bi bya ba:nu ba:fu, ariboneka orwa kabiri atana cibi:bi, korereki akisye banu abamurindirira.

2 Timoteo 3:15

Okuso:ka ku buto:to bwao umenyere Binu Byandikirwe ebyeru, binu ebitura okukwengeya, kukinga mu mweruro kurwo kwikirisya kunu kuri mu Kristo Yesu.

Bagalatia 2:20

Nabambirwe ku musaraba aamwi na Kristo, mbe nawe niri muanga, nawe wori atari anye, nawe Kristo niwe omuanga mwanye. No buanga bunu ndinabwo wori mu mubiri, ndinabwo kurwo kwikirisya Omwana wa Nyamuanga, unu anyendere, ne:tegayo kubwani.

Yowana 17:15

Nitakusabwa ubaso:sye mu ca:ro, nawe ubarindega no mubibi.

Tiito 2:13

Nicirindirira okwiikanya kwa ribando, nikwo okuboneka kwa Nyamuanga omukuru no Mukisya weswe Yesu Kristo mwikusyo ryae.

Baefeso 3:17

Kristo e:karega mu mitima jemwe kurwo kwikirisya, korereki mubega ne misi, murumibwega mu kwenda,

Barumi 11:20

Nikwo kutyo. Bakonoywe kurwo bute:kirisya bwebwe, na:we urumire kurwo kwikirisya kwao. Ute:kuyaga nawe u:bayega.

Yowana 12:48

Unu karema anye, narema okwikkisya emisango jani, ari na unu kamutemera eci:na. Omusango gunu na:ikire, nigwo gurimutemera eci:na ku rusiku rwa ku bute:ro.

Yowana 5:24

Ni cimari cimari, enibabwira ati, Unu kongwa omusango gwani ne:kirisya unu antumire, ari no buanga bunu butakuwao, amwi atari:ja mu ntambara, nawe aso:kere mu kufwa kukinga mu buanga.

Yuuda 1:24

Nawe ku Oyo katura okubarinda obute:ku:jura, no kube:meregusyu mutariko esoro imbere ya rikusyo ryae mu kusandaba,

1 Yoana 3:2

Abendwa, ciri ba:na ba Nyamuanga woryanu, amwi cicari kubu:risibwa kutyo ciriba. Nawe cimenyere ati, Omwene ariba abu:risibwa, eswe ecisusana rwo Mwene, okuba cirimurora kutyo ari.

Baeburania 6:12

Musigega kurengaara, nawe mubaroreregako banu abarya omwandu gwa binu byaragirwe kurwo kwikirisya no kwigumirisya.

2 Bakorinto 1:24

Tari ati, citungire okwikirisya kwemwe, nawe ciri banu abasakira okukonderwa kwemwe, okuba mwimereguyu mu kwikirisya kwemwe.

Yowana 4:14

Nawe unu kanywa amanji ago anye ndimuyana, obwiro butarimwita na katyari kajanende, nawe amanji ganu ndimuyana garabaga omumiro gwa manji munda yae nigafukura kukinga mu buanga bunu butakuwao.

Barumi 8:18

Okuba okunyasibwa kwa mu siku jinu enibara ati, kute:ire kuriŋanyibwa na rikusyo rinu ciriswerurirwa.

1 Bakorinto 1:21

Okuba mu bwenge bwa Nyamuanga, i:si yejire yarema okumenya Nyamuanga kurwo bwenge bwayo, mbe nibimukondera Nyamuanga okuonya banu abe:kirisye mu njira yo bumu:mu bwo kusimura omusango.

Bafilipi 4:7

No murembe gwa Nyamuanga, gunu ogukira okusombo:kerwa kwone, gurabarindaga emitima jemwe na me:ganirisyo gemwe mu Kristo.

1 Petero 4:13

Nawe mukonderwega okuba musangiye mu kunya:sibwa kwa Kristo, korereki mukonderwe no kusandabira mu kusweruka kwa rikusyo ryae.

1 Petero 5:1

Mbe enibabwira abakaruka ba ikanisa banu bari mwimwe, okuba anye ndi mukaruka we:ja:nyu, na unu narorere jinya:ko ja Kristo, na ka nisangiye rikusyo rinu eryenda okuswerurwa.

2 Petero 1:3

Rwa kutyo obuinga bwa Bunyamuanga bwaciyae eswe byone ebyo buanga no bwiyami kurwo kumumenya Unu acibirikiye kurwa rikusyo ryae no bwira bwae omwene.