1 Petero 1:4 - INDAGANO INYA:YA

⁴ korereki cirye omwandu gunu gutakubora, na gunu gutana bujabi, gunu gutakuotoka, nigwo gunu mubi:kiywe mu rwire,

Indagano Inyaaya mu-Chijita

⁴ Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

1 Petero 1:4 Referans Kwoze

Obhusweruro 21:27

Eci:nu co:ne cinu cite:rere citaringiramo na katyari, amwi unu kakora binu ebifururusya ne byo rurimi, tari abo era banu bandikirwe mu citabo co buanga eco Mwana wa Ina:ma.

Baeburania 9:15

Mbe omwene naba mwaikanya wa indagano inya:ya, korereki banu babirikiywe bayabwe omwandu gwa kajanende gunu baragirwe, okuba okufwa kwabeeo kunu okucungura mu bikayo binu byakorerwe mu ndagano ya kara.

1 Petero 5:4

Mbe Omure:fi omukuru ariba aswerurwa, muriyabwa orutenga rwa rikusyo runu rutakuotoka.

2 Timoteo 4:8

Cinu casigaeo, nibi:kiywe orutenga rwo burenge:resi, runu Ratabugenyi arinanira ku rusiku ruriya, niwe unu katema eci:na cirengere. Amwi atari anye era, nawe aribayana bo:ne banu abenda okuboneka kwae.

Bakolosai 1:5

Kurwo kwiikanya kunu mwabikiywe mu rwire, kunu mwonguywe kara mu musango gwe cimari ogwe Bigambo byo bwana,

Matayo 25:34

Mbe niwo Omukama aribabwira banu bari ku kuboko kwae okwe buryo ati, Mu:je mwingire mu bukama bunu mwabikiywe kuso:ka kumogwa kwa i:si.

Baefeso 1:18

Mwesibwega ame:so ge mitima jemwe, korereki mumenye okwiikanya kwo kubirikira kwae kutyo kuri, no buni:bi bwa rikusyo ryo mwandu gwae mu be:ru kutyo buri.

Baefeso 1:14

Niwe ecigwatirisyo co mwandu gweswe, kukinga obutungi bwa Nyamuanga runu buricungurwa, rikusyo ryae rikuibwega.

Baefeso 1:11

Mu:yo nimwo eswe cabonee omwandu, okuba casorerwe kara mu bukarae bwa Unu kakora byone rwa kutyo kenda mu kurwaja kwae.

Barumi 8:17

Araba ciri ba:na, mbe ciri bari bo mwandu. Ciri bari bo mwandu ba Nyamuanga, banu Cirirya omwandu aamwi na Kristo. Ni cimari cikanya:sibwa aamwi nage, nuwo arikusibwa aamwi nage.

Ebikorwa 26:18

Korereki wigure ame:so gebwe, baso:ke mu cisu:te baindukire obweru, baso:ke mu managa ga Syetani baindukire Nyamuanga, korereki bayabwe okwiswaririrwa ebibi:bi no mwandu mu banu be:sibwe kurwo kunyikirisya anye.

Ebikorwa 20:32

Na wori enibata ku Nyamuanga, na ku musango gwe cigongo cae, cinu ecitura okubombaka, no kubagabira omwandu aamwi na banu bo:ne abe:sibwa.

Yakobo 1:11

Okuba risu:ba eriuruka no mumwi mwafu, niriotosya obunya:si, no bwaso bwendeko niburagara, no bure:si bwo rususo rwabwo nibubura. Mbe nikwo kutyo one omuni:bi ariotoka mu njira jae.

Bakolosai 1:12

Musi:mega Rata unu acikorere cibe banu ci:ire okugabirwa omugabo gwo mwandu ogwa be:ru mu bweru.

Bagalatia 3:18

Okuba omwandu araba oguso:ka mu biragiro, gutacaso:ka mu murago, nawe Nyamuanga aguyae Iburaimu kurwo kuraga.

1 Bakorinto 9:25

No mu:nu wo:ne unu katangirana, ke:baririra mu byone. Mbe abene abakora bakorereki bayabwe orutenga runu orunyamuka, nawe eswe runu rutakunyamuka.

1 Petero 3:9

Mutasubisyanya cibi:bi ne ce:ja:bo, amwi cifumo ne ce:ja:bo, nawe mube banu abasabirwa ribando. Okuba eco nico mwabirikiririywe, korereki murye omwandu gwa ribando.

Mariko 10:17

Wejire e:muka, nakinga ku njira, omu:nu umwi nabirima namu:jako, namwifukamira namubu:sya ati, Omwiigisya wo bwana, ?nje nikore kutiki, korereki nirye omwandu gwo buanga bwa kajanende?

Bakolosai 3:24

Okuba mumenyere ati, Ratabugenyi aribaye:ra omuye:ro gwo mwandu, okuba omumukorera Ratabugenyi Kristo.

Baeburania 10:34

Okuba mwafwiriye ababoywa ecigongo, nimwikirisya okusa:kurwa ebi:nu byemwe nimukonderwa, okuba mumenyere ati muri ne bi:nu bye kisi na binu ebi:karao.