1 Petero 1:21 - INDAGANO INYA:YA

²¹ Kubwae emwe mwekirisisye Nyamuanga unu amusu:ruye mu bafu:ye namuyana rikusyo, korereki okwikirisya kwemwe no kwiikanya kwemwe bibe ku Nyamuanga.

Indagano Inyaaya mu-Chijita

²¹ Okutura ku‑Yeesu Kirisito, woori emwe omwikirisya Nyamuwanga, unu ꞉aamusuuruuye okusooka mu‑bhafuuwe na okumuyaana rikusyo. Ogwo nigwo ogukora eriikirisya na obhwiyikanyo bhwemwe bhubhe ku‑Nyamuwanga.

1 Petero 1:21 Referans Kwoze

Ebikorwa 2:24

Oyo Nyamuanga namusu:rura, nasuru:mura okurumwa kwo kufwa, okuba kutaturire kumuremera.

Baeburania 2:9

Nawe ecirore:rera Yesu oyo akorerwe are:bereo kuto:to ku ba:naraika kurwa jinyako jo kufwa, nafwafibwa orutenga rwa rikusyo ne cibaro, korereki arabe orufu kurwa ba:nu bo:ne, kurwe cigongo ca Nyamuanga.

Yowana 12:44

Yesu na:ikirira inguru na:ika ati, Unu kanyikirisya, atakwikkisya anye tari wuriya antumke.

1 Petero 3:22

Niwe agendere mu rwire, ari ku kuboko kwe buryo okwa Nyamuanga, bamaraika na batungi na ba managa nibai:nywa emwaro yae.

1 Petero 1:11

Nibayenja okumenya amagoro kutyo gari amwi kutyo agasusana, ago ge:resibwe no Mwoyo wa Kristo unu atangatire okwaika ebyo kunya:sibwa kwa Kristo na rikusyo rinu erisingirira.

Baeburania 7:25

Kwokakora natura okukisya kata banu aba:ja ku Nyamuanga kubwae, okuba ni muanga siku jo:ne kabasabirwaga.

Baefeso 1:15

Nikwo kutyo nanye one kuso:ka anu nonguywe okwikirisya kwemwe ku Ratabugenyi Yesu, no kwenda kunu munakwo ku be:ru bo:ne,

1 Timoteo 1:1

Anye Paulo, intumwa ya Kristo Yesu rwa kutyo aragiriye Nyamuanga Omukisya weswe na Yesu Kristo, niwe okwiikanya kweswe,

Bakolosai 1:27

Banu Nyamuanga endere okube:resya obuni:bi bwa rikusyo ryo bumbise bunu kutyo buri mu ba:maanga, nibwo Kristo mwimwe, nikwo okwiikanya kwa rikusyo.

Barumi 10:9

Okuba ukatogora Yesu no munwa gwao ati, niwe Ratabugenyi, no kwikirisya mu mutima gwao ati, Nyamuanga amusuruye mu bafu:ye, mbe urikisibwa.

Barumi 4:24

Nawe byandikirwe kubweswe one, banu abajo:kubarirwa kutyo, eswe banu eci:kirisya oyo asu:ruye Yesu Ratabugenyi mu bafu:ye,

Ebikorwa 4:10

Mumenye emwe bo:ne aamwi na ba:nu bo:ne ba Israeli ati, mwisi:na rya Yesu Kristo wende Najareti, unu emwe mwamubambire ku musaraba, Oyo Nyamuanga amusu:ruye mu bafu:ye, kubwoyo omu:nu unu e:mereguyu imbere yemwe akobere.

Ebikorwa 3:15

Nimumwita Omusimuka wo Buanga oyo Nyamuanga asu:ruye mu bafu:ye, neswe riri bo kwimako ebyo.

Ebikorwa 3:13

Nyamuanga wa Iburaimu na Isaka na Yakobo, niwe Nyamuanga wa basaja, akusisye Omwana wae Yesu, oyo emwe mwagwatire, nimumwiga:na imbere ya Pilato, nakabee ariga atemere eci:na co kumuta:tira.

Yowana 17:1

Yesu a:ikire binu, narore:rera mu rwire na:ika ati, Rata, omwanya gweire. Umukusye Omwana wao, korereki Omwana wao akukusye awe.

Yowana 14:6

Yesu namubwira ati, Nanye injira, nanye okumasya, nanye obuanga. Atario unu ka:ja ku Rata, atari mwanye.

Yowana 14:1

Mutaja kuwa mwoyo mu mitima jemwe. Omwikirisya Nyamuanga, Anye one munyikirisye.

Yowana 3:34

Okuba unu atumirwe na Nyamuanga kaika ebigambo bya Nyamuanga, okuba Nyamuanga kagaba Omwoyo atakurenga.

Matayo 28:18

Yesu na:ja na:ika nabo ati, Nayabirwe obuinga bwone mu rwire na ku ca:ro.

Baeburania 6:1

Mbe cisige emisango jo kwamba eja Kristo, cikome:rega okukinga mu buku:miye. Cisige kusuba kutao orufuka rwo kuta mu bikorwa ebifu:ye, no kumwikirisya Nyamuanga,

Yowana 17:5

Na woryanu, Rata, unkusye aamwi na:we na rikusyo rinu nariga naryo aamwi na:we i:si icari kubao.

Yowana 17:24

Rata, banu wananire, enenda ao niri anye, abene one babega nanye, barore rikusyo ryani rinu wananire, okuba wanyendere anye i:si icari kumogwa.

2 Bakorinto 6:15

?Mbe Kristo na Beriari abaroma gumwi kutiki? ?Omwikirisya ari na mugabo ki aamwi na unu atakwikirisya?

1 Timoteo 3:16

Rwa kutyo ecitogora, obumbise bwo kuramya Nyamuanga ni bukuru, ati, Oyo niwe abu:risibwe mu mubiri, Naba murenge:resi mu mwoyo, Narorwa bamaraika, Nasimurwa mu ba:maanga, Ne:kirisibwa mu ca:ro, Nagegerwa mwikusyo.

1 Petero 1:3

Asi:mwe Nyamuanga Esemwene Ratabugenyi Yesu Kristo, unu aci:buye orwa kabiri kurwe cigongo cae ca:fu, korereki cibega no kwiikanya kunu kutakuwao, okuba Yesu Kristo asu:kire mu bafu:ye,